ದೇಹದಲ್ಲಿ ಸುಮಾರು 500 ಕಾರ್ಯಗಳನ್ನು ನಿರ್ವಹಿಸುವ ನಿಮ್ಮ ಲಿವರ್ ಸುರಕ್ಷಿತವಾಗಿದೆಯೇ? ತಿಳಿಯುವುದು ಹೇಗೆ? Liver Health

Liver Health : ಯಕೃತ್ತು ಅಥವಾ ಲಿವರ್​ ನಮ್ಮ ದೇಹದಲ್ಲಿ ಒಂದು ಪ್ರಮುಖ ಅಂಗ. ರಕ್ತವನ್ನು ಶೋಧಿಸುವುದು, ಆಹಾರವನ್ನು ಜೀರ್ಣಿಸಿಕೊಳ್ಳುವುದು ಮತ್ತು ನಿರ್ವಿಷಗೊಳಿಸುವುದು ಸೇರಿದಂತೆ ಸುಮಾರು 500 ಕಾರ್ಯಗಳನ್ನು ಲಿವರ್​ ನಿರ್ವಹಿಸುತ್ತದೆ. ಆದ್ದರಿಂದ, ಯಕೃತ್ತಿನ ಆರೋಗ್ಯ ಕಾಪಾಡಿಕೊಳ್ಳುವುದು ತುಂಬಾನೇ ಮುಖ್ಯ.

ಲಿವರ್​ ಆಯುಸ್ಸು ಕ್ಷೀಣಿಸುತ್ತೆ

ಆದಾಗ್ಯೂ, ಇತ್ತೀಚಿನ ದಿನಗಳಲ್ಲಿ, ಅನೇಕ ಜನರು ಯಕೃತ್ತಿನ ಸಮಸ್ಯೆಗಳಿಂದ ಬಳಲುತ್ತಿದ್ದಾರೆ. ಅಂದಹಾಗೆ, ಯಕೃತ್ತು ಸುಲಭವಾಗಿ ಹಾನಿಗೊಳಗಾಗುವುದಿಲ್ಲ. ಇದಕ್ಕೆ ಹಲವು ಕಾರಣಗಳಿವೆ. ಸರಿಯಾದ ಆಹಾರ ನಿಯಮಗಳನ್ನು ಪಾಲಿಸದಿರುವುದು, ಮದ್ಯಪಾನ ಮಾಡುವುದು ಮತ್ತು ಅತಿಯಾಗಿ ಧೂಮಪಾನ ಮಾಡುವುದರಿಂದ ಲಿವರ್​ಗೆ ಹಾನಿಯಾಗುತ್ತದೆ. ಅಲ್ಲದೆ, ಹಾನಿಗೊಳಗಾದ ಲಕ್ಷಣಗಳು ಕಂಡುಬಂದರೂ ಅದರ ಬಗ್ಗೆ ಹೆಚ್ಚು ಗಮನ ಹರಿಸುವುದಿಲ್ಲ. ಬದಲಾಗಿ, ಕೆಲವು ರೀತಿಯ ಔಷಧಿಗಳನ್ನು ತೆಗೆದುಕೊಂಡು ಸುಮ್ಮನಾಗುತ್ತಾರೆ. ಇದರಿಂದ ಲಿವರ್​ ಆಯುಸ್ಸು ಕ್ಷೀಣಿಸುತ್ತಾ ಹೋಗುತ್ತದೆ.

ಅಂದಹಾಗೆ, ಯಕೃತ್ತಿನ ವಿಚಾರದಲ್ಲಿ ನೀವು ಯಾವುದೇ ಕಾರಣಕ್ಕೂ ನಿರ್ಲಕ್ಷ್ಯ ವಹಿಸಬಾರದು. ಸಕಾಲಕ್ಕೆ ಯಕೃತ್ತಿನ ಪರೀಕ್ಷೆಯನ್ನು ಮಾಡಿಸಿದರೆ ಸಮಸ್ಯೆಯ ವ್ಯಾಪ್ತಿ ಏನು? ಯಕೃತ್ತು ಏಕೆ ಹಾನಿಗೊಳಗಾಗಿದೆ ಎಂಬುದು ತಿಳಿಯುತ್ತದೆ. ಹೀಗಾಗಿ ವೈದ್ಯರು ಯಕೃತ್ತಿನ ಕುರಿತಾದ ಪರೀಕ್ಷೆಯ ಬಗ್ಗೆ ಹಲವು ಸಲಹೆಗಳನ್ನು ನೀಡಿದ್ದಾರೆ.

ರಕ್ಷಣಾತ್ಮಕ ಗುರಾಣಿ

ಯಕೃತ್ತು ನಮ್ಮ ದೇಹದ ಅತಿದೊಡ್ಡ ಅಂಗ. ಇದು 500 ಕ್ಕೂ ಹೆಚ್ಚು ಕಾರ್ಯಗಳನ್ನು ನಿರ್ವಹಿಸುತ್ತದೆ. ಇದು ಆಹಾರದಿಂದ ಕೊಬ್ಬನ್ನು ಬೇರ್ಪಡಿಸಿ ಶಕ್ತಿಯನ್ನಾಗಿ ಪರಿವರ್ತಿಸುತ್ತದೆ. ಇದು ಜೀರ್ಣಕ್ರಿಯೆಗೆ ಅಗತ್ಯವಾದ ಪಿತ್ತರಸವನ್ನು ನಿರಂತರವಾಗಿ ಸ್ರವಿಸುತ್ತದೆ. ಇದು ರಕ್ತದಲ್ಲಿನ ಹಿಮೋಗ್ಲೋಬಿನ್ ಕೋಶಗಳಿಂದ ದೇಹಕ್ಕೆ ಅಗತ್ಯವಿರುವ ಕಬ್ಬಿಣವನ್ನು ಮಾಡುತ್ತದೆ. ದೇಹದಲ್ಲಿ ಬಿಡುಗಡೆಯಾಗುವ ಹಾನಿಕಾರಕ ವಿಷವನ್ನು ಬೇರ್ಪಡಿಸುವ ಮೂಲಕ ಇದು ನಮಗೆ ರಕ್ಷಣಾತ್ಮಕ ಗುರಾಣಿಯಾಗಿ ಕಾರ್ಯನಿರ್ವಹಿಸುತ್ತದೆ.

ಇದನ್ನೂ ಓದಿ: ಸೆಕ್ಯೂರಿಟಿ ಗಾರ್ಡ್​ ಕೆಲಸದಿಂದ 400 ಕೋಟಿ ರೂ. ಸಾಮ್ರಾಜ್ಯದವರೆಗೆ… ಕೋಟಿ ವೀರನ ಕತೆ ಬಲು ರೋಚಕ! Bihar Election

ಯಕೃತ್ತಿ ಪರೀಕ್ಷೆ ಹೇಗಿರುತ್ತದೆ?

ಹೆಪಟೈಟಿಸ್ ಸೋಂಕುಗಳು, ಆಲ್ಕೋಹಾಲ್, ಕೊಬ್ಬಿನ ವಸ್ತುಗಳು ಮತ್ತು ನಾವು ಪ್ರತಿದಿನ ತೆಗೆದುಕೊಳ್ಳುವ ಔಷಧಿಗಳು ಯಕೃತ್ತಿಗೆ ಹಾನಿ ಮಾಡುತ್ತಿವೆ. ಹೀಗಾಗಿ, ಯಕೃತ್ತು ಹೇಗೆ ಕಾರ್ಯ ನಿರ್ವಹಿಸುತ್ತಿದೆ ಎಂದು ತಿಳಿಸುವ ಪರೀಕ್ಷೆಗಳು ಯಕೃತ್ತಿನ ಸಮಸ್ಯೆಗಳ ಚಿಹ್ನೆಗಳನ್ನು ಗುರುತಿಸುವಲ್ಲಿ ಬಹಳ ಉಪಯುಕ್ತವಾಗಿವೆ. ರಕ್ತದಲ್ಲಿ ಸ್ರವಿಸುವ ಕಿಣ್ವಗಳು, ಪ್ರೋಟೀನ್​ಗಳು ಮತ್ತು ಬಿಲಿರುಬಿನ್ ರಾಸಾಯನಿಕಗಳ ಶೇಕಡಾವಾರು ಆಧಾರದ ಮೇಲೆ ವೈದ್ಯರು ಯಕೃತ್ತಿನ ಆರೋಗ್ಯ ಮತ್ತು ಯಕೃತ್ತಿನ ಕಾಯಿಲೆಗಳ ಸ್ವರೂಪವನ್ನು ನಿರ್ಣಯಿಸುತ್ತಾರೆ. ಕಾಮಾಲೆ ಮತ್ತು ನಿಧಾನ ರಕ್ತ ಹೆಪ್ಪುಗಟ್ಟುವಿಕೆ ಸಮಸ್ಯೆಯು ಯಕೃತ್ತಿನ ಸಮಸ್ಯೆ ಎಂದು ಪರಿಗಣಿಸಬೇಕು ಮತ್ತು ವೈದ್ಯರನ್ನು ತಕ್ಷಣ ಸಂಪರ್ಕಿಸಬೇಕು. (ಏಜೆನ್ಸೀಸ್​)

https://www.vijayavani.net/doctor-gives-instructions-over-video-call-passenger-delivers-woman-on-railway-platform

https://www.vijayavani.net/infosys-founder-narayana-murthy-sudha-murty-skip-caste-census-dont-belong-to-any-backward-community