ಮಾಡುವ ವಿಧಾನ: 3 ದೊಡ್ಡ ನಿಂಬೆ ಹಣ್ಣನ್ನು ಚೆನ್ನಾಗಿ ತೊಳೆದು ಕೊಳ್ಳಬೇಕು. ಪಾತ್ರೆಯೋಂದರಲ್ಲಿ ನಿಂಬೆಹಣ್ಣುಗಳು ಮುಳುಗುವಷ್ಟು ಪ್ರಮಾಣದ ನೀರಿಗಿಂತ ಸ್ವಲ್ಪ ಜಾಸ್ತಿ ಹಾಕಿ, ಜೀರಿಗೆ, ಅರಿಶಿಣ ಪುಡಿ, ಕಾಳು ಮೆಣಸು ಸೇರಿಸಿ, ಸಣ್ಣ ಉರಿಯಲ್ಲಿ ಚೆನ್ನಾಗಿ ಬೇಯಿಸಿಕೊಳ್ಳಬೇಕು. ನಿಂಬೆಹಣ್ಣು ಚೆನ್ನಾಗಿ ಬೇಯುವಷ್ಟರಲ್ಲಿ ನೀರು ಸಾಕಷ್ಟು ಆರಿರುತ್ತದೆ. ಆರಿದ ನಂತರ, ಮೆತ್ತನೆಯ ನಿಂಬೆ ಹಣ್ಣು ಮತ್ತದರ ಬೇಯಿಸಿ ಉಳಿದ ನೀರಿನ ಮಿಶ್ರಣದ ಜೊತೆ, ಚಿಟಿಕೆ ಉಪ್ಪು, ನಿಂಬೆಯ ಕಹಿಯ ರುಚಿಗೆ ಒಗ್ಗಿಕೊಳ್ಳುವಷ ಬೆಲ್ಲ ಹಾಕಿ ಮಿಕ್ಸರಿ ನಲ್ಲಿ ನುಣ್ಣಗೆ ಅರೆದು ಕೊಳ್ಳಬೇಕು. ಈ ಮಿಶ್ರಣವನ್ನು ಬಾಣಲಿಯಲ್ಲಿ ಹಾಕಿ ಸ್ವಲ್ಪ ಸಮಯ ಸಣ್ಣ ಉರಿಯಲ್ಲಿ ಕೈಯಾಡಿಸುತ್ತಾ ಇದ್ದರೆ, ಪಾಕ ಸಿದ್ಧವಾಗಿ ನಿಂಬೆಹಣ್ಣಿನ ಲೇಹ್ಯ ತಯಾರು.. ಸ್ವಲ್ಪ ಕಹಿ, ಖಾರ, ಸಿಹಿ ಎಲ್ಲ ಹದವಾಗಿ ಇರುವ ಈ ಲೇಹವನ್ನು ಖಾಲಿ ಹೊಟ್ಟೆಯಲ್ಲಿ ಒಂದು ಚಮಚ ಪ್ರತಿನಿತ್ಯ ಸೇವಿಸುವುದು ಆರೋಗ್ಯಕ್ಕೆ ಅತ್ಯಂತ ಒಳ್ಳೆಯದು.
