ಮಳೆಗಾಲದಲ್ಲಿ ಮನೆಯ ಜೊತೆಗೆ ಅಡುಗೆ ಮನೆಗೂ ಒಂದು ರೀತಿಯ ದುರ್ವಾಸನೆ ಬರುತ್ತದೆ. ನೊಣಗಳು ಅಡುಗೆಮನೆಯ ಸಿಂಕ್ ಸುತ್ತಲೂ, ಡಸ್ಟ್ ಬಿನ್ ಬಳಿ ಹಾರಾಡುತ್ತಿರುತ್ತವೆ. ಇವುಗಳಿಂದ ದುರ್ವಾಸನೆ ಉಂಟಾಗುತ್ತದೆ. ಇದನ್ನು ಹೋಗಲಾಡಿಸಲು ಈ ಚಹಾ ಪುಡಿ ತುಂಬಾ ಉಪಯುಕ್ತವಾಗಿವೆ. ಸ್ವಚ್ಛವಾದ ಬಟ್ಟೆ ತೆಗೆದುಕೊಂಡು, ಚಿಕ್ಕದಾಗಿ ಕಟ್ ಮಾಡಿಕೊಳ್ಳಬೇಕು. ಪ್ರತಿಯೊಂದಕ್ಕೂ ಒಂದು ಟೀ ಚಮಚ ಚಹಾ ಪುಡಿ ಹಾಕಿ. ಅದರಲ್ಲಿ 2-3 ಹನಿ ಸಾರಭೂತ ತೈಲ ಅಥವಾ ಇನ್ನಾವುದೇ ಸುವಾಸನಭರಿತ ಎಣ್ಣೆಯನ್ನು ಸೇರಿಸಿ. ಬಿಗಿಯಾಗಿ ಕಟ್ಟಿ. ಇವುಗಳನ್ನು ಅಡುಗೆಮನೆಯ ವಿವಿಧ ಮೂಲೆಗಳಲ್ಲಿ ಇರಿಸಬಹುದು. ಡಸ್ಟ್ ಬಿನ್, ಕಿಚನ್ ಸಿಂಕ್ ಅಥವಾ ಕಿಚನ್ ಕಿಟಕಿಯ ಬಳಿ ನೇತು ಹಾಕಬಹುದು. ಇದು ನಿಮ್ಮ ಅಡುಗೆಮನೆಗೆ ಉತ್ತಮ ಸುವಾಸನೆಯನ್ನು ನೀಡುತ್ತದೆ.
