ಇತ್ತೀಚೆಗೆ ನಮ್ಮ ಹಳೆಯ ಸ್ನೇಹಿತರ ‘ಸ್ನೇಹ ಸಮ್ಮಿಲನ’ ಕಾರ್ಯಕ್ರಮ ನಡೆಯಿತು. ಎಲ್ಲರೂ ಹೋಗಿದ್ದೆವು. ಬೇರೆ ಬೇರೆ ಪ್ರಸಿದ್ಧ ಉಪನ್ಯಾಸಗಳು, ಪುಸ್ತಕಗಳ ಬಗ್ಗೆ ಅಲ್ಲಿ ಚರ್ಚೆ ನಡೆಯಿತು. ಯಾವುದೋ ಒಂದು ಚರ್ಚೆ ಸುತ್ತಿ ಸುತ್ತಿ ಕಡೆಗೆ ಭಯೋತ್ಪಾದಕರ ವಿಷಯಕ್ಕೆ ಬಂದು ನಿಂತಿತು. ‘ಕಸಾಬ್ ಮಾಡಿದ್ದು ಅದೇ ಅಲ್ಲೇನು. ಏನೋ ಕೆಲಸ ಅಂತ ಮನಿಯಿಂದ ಹೊರಗ ಬಂದವರನ್ನ ಹೆಂಗೆ ನಿರ್ದಾಕ್ಷಿಣ್ಯವಾಗಿ ಸಾಯಿಸಿಬಿಟ್ಟ’. ‘ಹೌದವಾ ಕಸಾಬ್ ಬಗ್ಗೆ ಕೇಳಿದ್ರ ಈಗೂ ಹೆದರಿಕಿ ಆಗ್ತದ ನೋಡು’ ಅಂತ ಅಂದ್ರು ಸ್ನೇಹಿತೆಯರು. ಅಷ್ಟರಲ್ಲೇ ಮೂಲೆಯಲ್ಲಿ ತನ್ನ ಮಗುವನ್ನು ಎತ್ತಿಕೊಂಡು ನಿಂತಿದ್ದ ನಮ್ಮ ಗೆಳತಿಯೊಬ್ಬಳು ಕೇಳಿದಳು, ‘ಯಾರವಾ ಕಸಾಬ್ ಅಂದ್ರ?’ ಎಲ್ಲರೂ ಆಶ್ಚರ್ಯದಿಂದ ಕೇಳಿದರು, ‘ಅಲ್ಲ ಶಾಂತಿ, ನಿನಗ ಕಸಾಬ್ ಯಾರ ಅಂತ ಗೊತ್ತಿಲ್ಲಾ? ಭಾರತದ ಮೂಲ್ವುೂಲ್ಯಾಗ್ ಹೋಗಿ ಯಾರ್ನರ ಕೇಳು, ಬೇಕಾದವರು ಹೇಳ್ತಾರ. ಅವನ್ ಹೆಸರು ಗೊತ್ತಿಲ್ಲದವರು ಯಾರೂ ಇಲ್ಲ’.
