ವೈದ್ಯರು ಅವರಿಗೆ ಸಮಾಧಾನವಾಗುವಂತೆ ಆಶ್ವಾಸನೆ ನೀಡುತ್ತ ನಿಖಿಲನನ್ನು ವಿಚಾರಿಸಿದರು. ಸ್ವಲ್ಪ ವಿಚಾರಣೆಯ ನಂತರ ಪಾಲಕರನ್ನು ಹೊರಗೆ ಕಳುಹಿಸಿ ಮಗುವಿನೊಂದಿಗೆ ಚರ್ಚೆ ನಡೆಸುವಾಗ ಡಾಕ್ಟರ್ರ ಮೊದಲ ಪ್ರಶ್ನೆ ಏನೆಂದರೆ ನಿಖಿಲನಿಗೆ ಬಸ್ನಲ್ಲಿ ಕೂಡಲು ಸ್ಥಳಾವಕಾಶ ಸಿಕ್ಕಿರಲಿಲ್ಲವೆ? ತಕ್ಷಣ ಸ್ವಲ್ಪ ಗಾಬರಿಯಿಂದ, ‘ಅಲ್ಲ ಡಾಕ್ಟರ್! ಬಸ್ನಲ್ಲಿ ನನಗೆ ಸ್ಥಳ ಸಿಕ್ಕದಿರುವುದು ನಿಮಗೆ ಹೇಗೆ ತಿಳಿಯಿತು?’ ಎಂದು ಕೇಳಿದ. ನಂತರ ಅವನು ತನ್ನ ಉಪಾಯವನ್ನು ವಿವರಿಸಿದ; ‘ಡಾಕ್ಟರೇ! ನೀವು ಯಾರ ಮುಂದೆಯೂ ಹೇಳಬೇಡಿ, ಬಸ್ ಫುಲ್ ಇತ್ತು. ನಿಲ್ಲಲು ಕೂಡ ಸರಿಯಾದ ಜಾಗವಿರಲಿಲ್ಲ. ಹೀಗಾಗಿ ಮೂರ್ಛೆರೋಗದ ಅನುಭವವಿರುವ ನಾನು ಚಾಣಾಕ್ಷತನ ಉಪಯೋಗಿಸಿ ಚಕ್ಕರ್ ಬಂದಂತೆ ನಟಿಸಿದೆ. ಅದರ ಪರಿಣಾಮ ಎಲ್ಲರ ಅನುಕಂಪ, ಕಾಳಜಿ ಹಾಗೂ ಪ್ರೀತಿ - ಮೇಲಾಗಿ ಕೂಡಲಿಕ್ಕೆ ಅಷ್ಟೇ ಅಲ್ಲದೆ ಮಲಗಿಕೊಂಡು ಧಾರವಾಡಕ್ಕೆ ಬಂದೆ. ಹೇಗಿದೆ ಡಾಕ್ಟರ್ ನನ್ನ ಉಪಾಯ?’
