ಮನೆಯಲ್ಲಿ ಎಬಿಸಿ ಜ್ಯೂಸ್ ಮಾಡುವುದು ಹೇಗೆ? ಇಲ್ಲಿದೆ ಸುಲಭವಾದ ಮಾರ್ಗ..ABC Juice

ನೀವು ಮಾರುಕಟ್ಟೆಗೆ ಹೋಗಿ ಜ್ಯೂಸ್ ಮಾರಾಟಗಾರರಿಂದ ಜ್ಯೂಸ್ ಖರೀದಿಸಿ ಕುಡಿಯಬೇಕಾಗಿಲ್ಲ. ನೀವು ಮನೆಯಲ್ಲಿ ಆರೋಗ್ಯಕರವಾದ ಎಬಿಸಿ ಜ್ಯೂಸ್​​ ಮಾಡಿ ಕುಡಿಯಬಹುದು. ನಾವು ಇಂದು ಎಬಿಸಿ ಜ್ಯೂಸ್​​ ಮಾಡುವ ವಿಧಾನ ತಿಳಿಸಿ ಕೊಡಲಿದ್ದೇವೆ.

1) ಈ ರಸಗಳನ್ನು ಪ್ರತಿದಿನ 2 ತಿಂಗಳ ಕಾಲ ಕುಡಿಯುವುದರಿಂದ ನಿಮ್ಮ ದೇಹಕ್ಕೆ ಅಗತ್ಯವಿರುವ ಎಲ್ಲಾ ಪೋಷಣೆ ದೊರೆಯುತ್ತದೆ ಮತ್ತು ನಿಮ್ಮ ಮುಖಕ್ಕೆ ವಿಭಿನ್ನ ಹೊಳಪು ಬರುತ್ತದೆ.

2) 4 ಕ್ಯಾರೆಟ್, 1 ಬೀಟ್ರೂಟ್, ಸೇಬುಹಣ್ಣು ಮತ್ತು 1 ಇಂಚಿನ ಶುಂಠಿಯನ್ನು ತೆಗೆದುಕೊಳ್ಳಿ. ಎಲ್ಲವನ್ನೂ ಚೆನ್ನಾಗಿ ತೊಳೆದು, ಸಿಪ್ಪೆ ಸುಲಿದು ಸಣ್ಣ ತುಂಡುಗಳಾಗಿ ಕತ್ತರಿಸಿ.

3) ಒಂದು ಸಣ್ಣ ಮಿಕ್ಸರ್ ಜಾರ್ ತೆಗೆದುಕೊಂಡು, ಎಲ್ಲಾ ಪದಾರ್ಥಗಳನ್ನು ಸೇರಿಸಿ, 1 ಕಪ್ ನೀರು ಸೇರಿಸಿ, ಅವುಗಳನ್ನು ನುಣ್ಣಗೆ ರುಬ್ಬಿಕೊಳ್ಳಿ. ಜರಡಿ ಅಥವಾ ಹತ್ತಿ ಬಟ್ಟೆ ಮೇಲೆ ಈಗಾಗಲೇ ರುಬ್ಬಿದ ಈ ಮಿಶ್ರಣವನ್ನು ಹಾಕಿ. ಬಿಗಿಯಾಗಿ ಹಿಂಡಿ. ಎಲ್ಲಾ ರಸವು ಸುಲಭವಾಗಿ ಹೊರಬರುವಂತೆ ಮಾಡಿ. ಸೊಸಿಕೊಂಡು ರಸವನ್ನು ಸಂಪೂರ್ಣವಾಗಿ ತೆಗೆದುಕೊಳ್ಳಿ.

4) ರಸದ ರುಚಿಯನ್ನು ಹೆಚ್ಚಿಸಲು, ನೀವು ಒಂದು ಚಿಟಿಕೆ ಕರಿಮೆಣಸಿನ ಪುಡಿ ಮತ್ತು ಸ್ವಲ್ಪ ಉಪ್ಪನ್ನು ಸೇರಿಸಬಹುದು. ನೀವು ಈ ರಸವನ್ನು ಪ್ರತಿದಿನ ಒಂದು ಲೋಟ ಕುಡಿಯಬೇಕು.