ಮಳೆ, ಚಳಿ ಅಂತ ಸುಮ್ಮನೆ ಇರಬೇಡಿ..ಬಿಸಿ ಬಿಸಿಯಾಗಿ ತರಕಾರಿ ಪಲಾವ್​​ ಮಾಡಿ ಸವಿಯಿರಿ... Vegetable Pulao

 ಬೆಂಗಳೂರು:  ಮಳೆ ಜೋರಾಗಿ ಸುರಿಯುತ್ತಿದೆ. ಮಳೆ, ಚಳಿ ಎಂದು ಸುಮ್ಮನೆ ಇರಬೇಡಿ. ಬಿಸಿ ಬಿಸಿಯಾಗಿ ಏನಾದ್ರು ತಿನ್ನಬೇಕು ಅನ್ಸಿದ್ರೆ ವೆಜಿಟೇಬಲ್ ಪಲಾವ್ ( Vegetable Pulao  )ತುಂಬಾ ಆರೋಗ್ಯಕರವಾದ ಬ್ರೇಕ್ ಫಾಸ್ಟ್ ಒಂದ್ಸಲ ಈ ವಿಧಾನದಲ್ಲಿ ಟ್ರೈ ಮಾಡಿ.

ಬೇಕಾಗುವ ಸಾಮಗ್ರಿಗಳು :

ಅಕ್ಕಿ - 2 ಕಪ್

ಈರುಳ್ಳಿ- ಸಣ್ಣದಾಗಿ ಕೊಚ್ಚಿದ ( ಅರ್ಧ ಕಪ್)

ಟೊಮೆಟೊ ಸಣ್ಣದಾಗಿ ಕಟ್​​ ಮಾಡಿರುವುದು ( ಅರ್ಧ ಕಪ್​)

ಹಸಿರು ಬಟಾಣಿ (ಮಟರ್) - 1/4 ಕಪ್

ಸಣ್ಣದಾಗಿ ಕೊಚ್ಚಿದ ಫ್ರೆಂಚ್ ಬೀನ್ಸ್,ಕ್ಯಾರೆಟ್, ಕ್ಯಾಪ್ಸಿಕಂ- 1 ಕಪ್​

ದಾಲ್ಚಿನ್ನಿ, ಲವಂಗ, ಪಲಾವ್​ ಎಲೆ

ಗರಂ ಮಸಾಲಾ ಪೌಡರ್- 1 ಚಮಚ

ಅರಿಶಿನ ಪುಡಿ- 1 ಚಮಚ

ರೆಡ್ ಚಿಲ್ಲಿ ಪೌಡರ್- 1 ಚಮಚ

ಕೊತ್ತಂಬರಿ ಸೊಪ್ಪು - ಸ್ವಲ್ಪ

ಅಡುಗೆ ಎಣ್ಣೆ - 4 ಚಮಚ

ತುಪ್ಪ- 1 ಚಮಚ

ರುಚಿಗೆ ತಕ್ಕಷ್ಟು ಉಪ್ಪು

 ಮಾಡುವ ವಿಧಾನ: 

ತುಪ್ಪ ಮತ್ತು ಎಣ್ಣೆಯನ್ನು  ಕುಕ್ಕರ್‌ನಲ್ಲಿ ಹಾಕಿ ಕಡಿಮೆ ಉರಿಯಲ್ಲಿ ಬಿಸಿ ಮಾಡಿ. ಪಲಾವ್ ಎಲೆ, ದಾಲ್ಚಿನ್ನಿ, ಲವಂಗ ಸೇರಿಸಿ  ಕಾಲ ಹುರಿಯಿರಿ.

ನಂತರ ಈರುಳ್ಳಿ , ಟೊಮೆಟೊ, ಹಸಿರು ಬಟಾಣಿ, ಫ್ರೆಂಚ್ ಬೀನ್ಸ್ ಮತ್ತು ಕ್ಯಾರೆಟ್, ಕ್ಯಾಪ್ಸಿಕಂ ಸೇರಿಸಿ.

ಹುರಿಯಿರಿ.

ಈದೆ ಕುಕ್ಕರ್​ಗೆ ಅಕ್ಕಿ, ಗರಂ ಮಸಾಲಾ ಪುಡಿ, ಅರಿಶಿನ ಪುಡಿ, ಕೆಂಪು ಮೆಣಸಿನ ಪುಡಿ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

ಅಕ್ಕಿಯ ಅಳತೆಗೆ ತಕ್ಕಂತೆ ನೀರು ಸೇರಿಸಿ. ನಂತರ ರುಚಿಗೆ ತಕ್ಕಷ್ಟು ಉಪ್ಪನ್ನು ಹಾಕಿ ಮಿಶ್ರಣ ಮಾಡಿ.

ಮುಚ್ಚಳವನ್ನು ಮುಚ್ಚಿ ಮಧ್ಯಮ ಉರಿಯಲ್ಲಿ 2 ಸೀಟಿಗಳವರೆಗೆ ಬೇಯಿಸಿ. 1 ನೇ ಸೀಟಿ ಮುಗಿದ ನಂತರ, ಉರಿಯನ್ನು ಕಡಿಮೆ ಮಾಡಿ ಮತ್ತು ಇನ್ನೊಂದು ಸೀಟಿ ಬರುವವರೆಗೆ ಬೇಯಿಸಿ.

ಸರ್ವಿಂಗ್ ಬೌಲ್‌ಗೆ ವರ್ಗಾಯಿಸಿ  ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ ಸವಿಯಿರಿ...