ಆಹಾ.. ಏನ್​ ಟೇಸ್ಟ್​​ ಗೊತ್ತಾ? ತುಳಸಿ ಎಲೆ ಬಳಸಿ ಮಾಡುವ ಗೋಡಂಬಿ ಪೆಸ್ಟೊ ಪಾಸ್ತಾ..ಒಮ್ಮೆ ಟ್ರೈ ಮಾಡಿ ನೋಡಿ...

ಸಂಜೆ ಸ್ನ್ಯಾಕ್ಸ್​​​​​​ ಅಂದರೆ ಸಮೋಸಾ ಚಾಟ್, ಪಾನಿಪುರಿ, ವಡಾಪಾವೊ, ಬಜ್ಜಿ ಹೀಗೆ ಹಲವು ರುಚಿಕರ ಖಾದ್ಯಗಳು ಕಣ್ಮುಂದೆ ಬರುತ್ತದೆ. ಆದರೆ ಈ ಬೇಸಿಗೆಯಲ್ಲಿ ಬಿಸಿಲಿನಿ ಶಾಖಕ್ಕೆ ಇದೆಲ್ಲಾ ತಿನ್ನಲು ಕಷ್ಟ ಎನ್ನಿಸುತ್ತದೆ. ಸೇವಿಸುವ ತಿಂಡಿ ರುಚಿಯಾಗಿ ಇರಬೇಕು ಜತೆಗೆ ಆರೋಗ್ಯಕರವಾಗಿಯೂ ಇರಬೇಕು. ಯಾವ ಸ್ನ್ಯಾಕ್ಸ್​ ಬೇಟರ್ ಎಂದು ಆಲೋಚಿಸುವವರಿಗೆ ಇಲ್ಲಿದೆ ಒಂದು ಚಾಯ್ಸ್​​. ಅದು ಗೋಡಂಬಿ ಪೆಸ್ಟೊ ಪಾಸ್ತಾ - ಆರೋಗ್ಯಕರ ಹಾಗೂ ತಿನ್ನಲು ಟೇಸ್ಟಿ.. ಇಲ್ಲಿದೆ ರುಚಿಕರ ಗೋಡಂಬಿ ಪೆಸ್ಟೊ ಪಾಸ್ತಾದ ರೇಸಿಪಿ....

ಗೋಡಂಬಿ ಪೆಸ್ಟೊ ಪಾಸ್ತಾ ಮಾಡಲು ಬೇಕಿರುವ ಪದಾರ್ಥಗಳು :

10-15 ಗೋಡಂಬಿ

1½ ಕಪ್ ತಾಜಾ ತುಳಸಿ ಎಲೆಗಳು

8-10 ಕರಿಮೆಣಸು

10-15 ಬೆಳ್ಳುಳ್ಳಿ ಲವಂಗ

1½ ಚಮಚ ಪಾರ್ಮೆಸನ್ ಚೀಸ್ ಪೌಡರ್​​

½ ಕಪ್ ಮತ್ತು 2 ಟೆಬಲ್​​​ ಸ್ಪೂನ್​ ಆಲಿವ್​ ಎಣ್ಣೆ

1 tbsp ಕತ್ತರಿಸಿದ ಬೆಳ್ಳುಳ್ಳಿ

¼ ಕಪ್ ಬೇಯಿಸಿದ ಸ್ವೀಟ್​ ಕಾರ್ನ್

5-6 ಚೆರ್ರಿ ಟೊಮ್ಯಾಟೊ

ರುಚಿಗೆ ಉಪ್ಪು

2 ಕಪ್ ಬೇಯಿಸಿದ ಪೆನ್ನೆ ಪಾಸ್ತಾ

ಅಲಂಕರಿಸಲು ತುರಿದ ಪಾರ್ಮೆಸನ್ ಚೀಸ್

ತಾಜಾ ತುಳಸಿ ಚಿಗುರು

ಮಾಡುವ ವಿಧಾನ:

ಗ್ರೈಂಡರ್ ಜಾರ್‌ನಲ್ಲಿ ತುಳಸಿ ಎಲೆಗಳು, ಕರಿಮೆಣಸು, ಬೆಳ್ಳುಳ್ಳಿ, ಪಾರ್ಮೆಸನ್ ಚೀಸ್​ ಪೌಡರ್​, ½ ಕಪ್ ಆಲಿವ್ ಎಣ್ಣೆ ಮತ್ತು ಗೋಡಂಬಿ ಸೇರಿಸಿ ಒರಟಾದ ರೀತಿಯಲ್ಲಿ ಪೇಸ್ಟ್​​ ರುಬ್ಬಿಕೊಳ್ಳಿ.

ಪಾತ್ರೆಯಲ್ಲಿ ನೀರನ್ನು ಕುದಿಸಿ ಮತ್ತು ಸ್ವಲ್ಪ ಉಪ್ಪು ಸೇರಿಸಿ ಪಾಸ್ತಾವನ್ನು ಬೇಯಿಸಿಕೊಳ್ಳಿ. ನಂತರ ಮತ್ತೊಂದು ಪಾತ್ರೆಯಲ್ಲಿ ಆಲಿವ್ ಎಣ್ಣೆಯನ್ನು ಬಿಸಿ ಮಾಡಿ ಬೆಳ್ಳುಳ್ಳಿ ಹಾಕಿ ಸ್ವಲ್ಪ ಸಮಯ ಫ್ರೈ ಮಾಡಿ.

ನಂತರ ಸ್ವೀಟ್​ ಕಾರ್ನ್​​, ಚೆರ್ರಿ ಟೊಮ್ಯಾಟೊ, ಬೇಯಿಸಿದ ಪಾಸ್ತಾ ಸೇರಿಸಿ ಎಲ್ಲವನ್ನೂ ಒಟ್ಟಿಗೆ ಮಿಶ್ರಣ ಮಾಡಿ. ಎಲ್ಲವನ್ನೂ ಚೆನ್ನಾಗಿ ಮಿಶ್ರಣ ಮಾಡಿ ಹದಕ್ಕೆ ಬಂದ ನಂತರ ಪ್ಲೇಟ್​ಗೆ ಸರ್ವ್​ ಮಾಡಿ. ಪಾಸ್ತಾ ಮೇಲೆ ತುರಿದ ಪಾರ್ಮೆಸನ್ ಚೀಸ್ ಮತ್ತು ತುಳಸಿ ಎಲೆಗಳನ್ನು ಬಳಸಿ ಅಲಂಕರಿಸಿ.

https://www.vijayavani.net/burning-hands-after-cutting-chillies-follow-this-tips