ಮರೆವು: ಸಾಮಾನ್ಯವಾಗಿ ತೀರಾ ವೈಯಕ್ತಿಕವಾದ, ಭಾವನಾತ್ಮಕವಾದ, ವಿಶೇಷವಾದ, ಅಪರೂಪವಾದ, ಅತ್ಯಾವಶ್ಯಕವಾದ ಇಲ್ಲವೇ ಅಪಾಯಕಾರಿಯಾಗಬಲ್ಲ ಮಾಹಿತಿಗಳನ್ನು ಹೊರತುಪಡಿಸಿ, ನೋಂದಣಿಗೊಂಡ ಬಹುಪಾಲು ಮಾಹಿತಿಗಳಿಗೆ ಮಿದುಳು ಪ್ರತಿಕ್ರಿಯಿಸೋದಿಲ್ಲ, ಪ್ರತಿಕ್ರಿಯಿಸಲೂ ಬಾರದು. ಹಾಗೇನಾದರೂ, ನೋಂದಣಿಯಾದ ಎಲ್ಲಾ ಸಂವೇದನೆ, ಮಾಹಿತಿಗಳನ್ನು ನೆನಪಿನಲ್ಲಿಟ್ಟುಕೊಂಡು, ಪ್ರತಿಕ್ರಿಯಿಸುತ್ತಾ ಹೋದರೆ, ಮಿದುಳು ತನ್ನ ಕಾರ್ಯದಕ್ಷತೆಯನ್ನು ಸಂಪೂರ್ಣವಾಗಿ ಕಳೆದುಕೊಳ್ಳಬಹುದು, ಮಾತ್ರವೇ ಅಲ್ಲ ಅನಾರೋಗ್ಯದತ್ತ ಸಾಗಿ ಹುಚ್ಚರಂತಾಗಿಡಬಹುದು. ಈ ದೃಷ್ಟಿಯಲ್ಲಿ ಮಾನಸಿಕ ಸಂತುಲತೆಯನ್ನು ಹೋಗದನ್ನು ಕಾಪಾಡಲು, ಮರೆಯೋದು ಕೂಡ ನೆನಪಿನಷ್ಟೇ ಮುಖ್ಯವಾದುದು. ಆದರೆ ಸಮಸ್ಯೆ ಎಲ್ಲಿ ಉದ್ಭವವಾಗುತ್ತದೆ ಎಂದರೆ ಮರೆಯಲೇಬೇಕಾದುದನ್ನು ಮರೆಯದೇ ಮರೆಯಬಾರದನ್ನು ಮರೆತಾಗ! ಇದಕ್ಕೆ ಜ್ಞಾಪಕಶಕ್ತಿಯ ಕೊರತೆ ಎನ್ನುತ್ತೇವೆ.
