ನೋ ಜಿಮ್, ನೋ ಡಯಟ್! ಮನೆಯಲ್ಲೇ ಸಿಂಪಲ್ ಟಿಪ್ಸ್ ಫಾಲೋ ಮಾಡಿ 32 ಕೆಜಿ ತೂಕ ಇಳಿಸಿದ ಮಹಿಳೆ..Weight Loss Journey

ಗುರುಗ್ರಾಮ್ ಮೂಲದ ಮಹಿಳೆ ದೀಪ್ತಿ ಹರ್ಷನಾ ಎಂಬುವವರೊಬ್ಬರು ತಮ್ಮ ಇನ್​ಸ್ಟಾಗ್ರಾಮ್​ ರೀಲ್ಸ್​ನಲ್ಲಿ ಕೇವಲ 11 ತಿಂಗಳಲ್ಲಿ 32 ಕೆಜಿ ತೂಕ ಇಳಿಸಿಕೊಂಡಿದ್ದು, ಹೇಗೆ ಎಂಬುದರ ಕುರಿತು ಮಾಹಿತಿಯೊಂದನ್ನು ಹಂಚಿಕೊಂಡಿದ್ದಾರೆ. ಅವರ ಪ್ರಕಾರ, ಐದು ಸಾಮಾನ್ಯ ಆಹಾರಗಳನ್ನು ತಮ್ಮ ಆಹಾರಕ್ರಮದಿಂದ ತೆಗೆದುಹಾಕಿ 92 ಕೆಜಿಯಿಂದ 60 ಕೆಜಿಗೆ ಹೇಗೆ ತಲುಪಿದರು ಎಂದು ತಿಳಿಸಿದ್ದಾರೆ. ಹಾಗಿದ್ದರೆ, ಅವರ ತೂಕ ಇಳಿಕೆಗೆ ಸಹಾಯ ಮಾಡಿದ ಆ ಬದಲಾವಣೆಗಳು ಯಾವುದು ಎಂದು ನೋಡೋಣ ಬನ್ನಿ....

ದೀಪ್ತಿ ತನ್ನ ಆಹಾರದಿಂದ ಮೊದಲು ಸಕ್ಕರೆ ಪಾನೀಯಗಳನ್ನು ತೆಗೆದುಹಾಕಿದರು. ಸಕ್ಕರೆ ಪಾನೀಯಗಳ ಸೇವನೆಯು ಹೆಚ್ಚಿನ ಕ್ಯಾಲೋರಿ, ತೂಕ ಹೆಚ್ಚಾಗುವುದು ಮತ್ತು ಹೈಡ್ರೇಶನ್​ಗೆ ಕಾರಣವಾಗುತ್ತದೆ. ಇದು ಮುಖ ಊದಿಕೊಳ್ಳಲು ಕಾರಣವಾಗಬಹುದು. ಹಾಗಾಗಿ ಅವರು ಸಕ್ಕರೆ ಪಾನೀಯಗಳ ಬದಲಿಗೆ ನಿಂಬೆ ನೀರು, ತೆಂಗಿನ ನೀರು ಮತ್ತು ಹಸಿರು ಚಹಾವನ್ನು ಕುಡಿಯುವುದಾಗಿ ತಿಳಿಸಿದರು.

ದೀಪ್ತಿ ಎರಡನೇಯಾಗಿ ತ್ಯಜಿಸಿದ್ದು, ಬಿಳಿ ಬ್ರೆಡ್​ ಏಕೆಂದರೆ, ಅದರಲ್ಲಿರುವ ಸಂಸ್ಕರಿಸಿದ ಕಾರ್ಬೋಹೈಡ್ರೇಟ್‌ಗಳು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ತ್ವರಿತವಾಗಿ ಏರಿಕೆಗೆ ಕಾರಣವಾಗುತ್ತದೆ ಜೊತೆಗೆ ಕೊಬ್ಬಿನ ಶೇಖರಣೆಯನ್ನು ಹೆಚ್ಚಿಸುತ್ತದೆ. ಹಾಗಾಗಿ ಅವರು ಅವುಗಳ ಬದಲಿಗೆ ಮಲ್ಟಿಗ್ರೇನ್ ಅಥವಾ ಗೋಧಿ ಬ್ರೆಡ್, ಹುಳಿ ಮತ್ತು ಓಟ್ಸ್‌ನಂತಹ ಆರೋಗ್ಯಕರ ಆಯ್ಕೆಗಳನ್ನು ಆರಿಸಿಕೊಂಡರು.

ಪ್ಯಾಕ್ ಮಾಡಿದ ಆಹಾರಗಳಲ್ಲಿ ರುಚಿ ಮತ್ತು ಸಂರಕ್ಷಣೆಗಾಗಿ ಅತಿಯಾದ ಉಪ್ಪನ್ನು ಬಳಸಲಾಗುತ್ತದೆ. ಇದು ದೇಹದಲ್ಲಿ ನೀರನ್ನು ಹಿಡಿದಿಟ್ಟುಕೊಳ್ಳುವಂತೆ ಮಾಡುತ್ತದೆ. ಇದರ ಸೇವನೆಯು ಹೊಟ್ಟೆ ಉಬ್ಬರ ಮತ್ತು ಅನಗತ್ಯ ಹಂಬಲಗಳಿಗೆ ಕಾರಣವಾಗುತ್ತದೆ. ಬದಲಾಗಿ, ಅವರು ಹುರಿದ ಕಡಲೆ, ಬೀಜಗಳು ಮತ್ತು ಮಖಾನಾವನ್ನು ಆರಿಸಿಕೊಂಡರು.

ದೀಪ್ತಿ ತನ್ನ ಆಹಾರದಿಂದ ಕರಿದ ಫಾಸ್ಟ್ ಫುಡ್ ಅನ್ನು ತೆಗೆದುಹಾಕಿರುವುದಾಗಿ ಒಪ್ಪಿಕೊಂಡರು. ಏಕೆಂದರೆ ಅದರಲ್ಲಿ ಹೆಚ್ಚಿನ ಕೊಬ್ಬು ಮತ್ತು ಉಪ್ಪಿನ ಅಂಶವಿತ್ತು, ಇದು ತೂಕ ಹೆಚ್ಚಾಗಲು ಕಾರಣವಾಗಬಹುದು ಮತ್ತು ನಿಮ್ಮನ್ನು ಆಲಸ್ಯಗೊಳಿಸುತ್ತದೆ. ಇದರ ಬದಲಾಗಿ, ಅವರು ಮನೆಯಲ್ಲೇ ಪನೀರ್ ಅಥವಾ ಚಿಕನ್ ಟಿಕ್ಕಾ ಮತ್ತು ಸರಳವಾದ ಆಹಾರಗಳನ್ನು ಬೇಯಿಸಿ ತಿನ್ನುವುದಾಗಿ ತಿಳಿಸಿದರು.

ತಡರಾತ್ರಿ ಸೇವಿಸುವ ಆಹಾರಗಳನ್ನು ದೀಪ್ತಿ ಬೇಡ ಎಂದು ಹೇಳುತ್ತಾರೆ. ಆದಾಗ್ಯೂ, ಅವರು ಹೇಳುವಂತೆ ಹೆಚ್ಚಾಗಿ ತಿನ್ನುವುದರಿಂದ ಅಗತ್ಯವಿಲ್ಲದ ಹೆಚ್ಚುವರಿ ಕ್ಯಾಲೋರಿಗಳು ದೇಹಕ್ಕೆ ಶೇಖರಣೆಯಾಗುತ್ತವೆ. ಹಾಗಾಗಿ ಅವುಗಳ ಬದಲಾಗಿ ಅವರು ಗಿಡಮೂಲಿಕೆಯ ಚಹಾವನ್ನು ಶಿಫಾರಸ್ಸು ಮಾಡಲು ತಿಳಿಸಿದರು.

ಮತ್ತೊಂದು ವೀಡಿಯೊದಲ್ಲಿ, ಅವರು ತಮ್ಮ ದೈನಂದಿನ ಆಹಾರಕ್ರಮದ ಬಗ್ಗೆ ಮಾತನಾಡುತ್ತಾ, ತಮಗೆ ಯಾವುದೇ ಆಹಾರ ತಜ್ಞರು ಇಲ್ಲ ಅಥವಾ ಯಾವುದೇ ಫ್ಯಾನ್ಸಿ ಡಯಟ್ ಯೋಜನೆಯನ್ನು ಅನುಸರಿಸುತ್ತಿಲ್ಲ. ಬದಲಾಗಿ ನನ್ನ ಸಂಪೂರ್ಣ ಫಿಟ್ನೆಸ್​ ದಿನಚರಿಯು 45 ನಿಮಿಷಗಳ ದೈನಂದಿನ ವ್ಯಾಯಾಮದೊಂದಿಗೆ ಸರಳವಾದ ಊಟವನ್ನು ಆವರಿಸಿದೆ ಎಂದು ಹೇಳಿದರು (ಏಜೆನ್ಸೀಸ್​).