ಪುರುಷರು ಯಾವ ರೀತಿ ಮೂತ್ರ ವಿಸರ್ಜಿಸಬೇಕು? ವೈದ್ಯರ ಈ ಸಲಹೆ ಅನುಸರಿಸದಿದ್ರೆ ಅಪಾಯ ತಪ್ಪಿದ್ದಲ್ಲ! Urinating

Urinating : ನಮ್ಮ ದೇಹವು ಹಲವಾರು ವಿಧಗಳಲ್ಲಿ ವಿಷವನ್ನು ಹೊರಹಾಕುತ್ತದೆ. ಅವುಗಳಲ್ಲಿ ಮೂತ್ರ ವಿಸರ್ಜನೆಯು ಕೂಡ ಒಂದು. ನಮ್ಮ ದೇಹವು ಸರಿಯಾಗಿ ಕಾರ್ಯನಿರ್ವಹಿಸಲು ಮೂತ್ರ ವಿಸರ್ಜನೆ ತುಂಬಾನೇ ಮುಖ್ಯವಾಗಿದೆ. ಮೂತ್ರದ ವಿಚಾರದಲ್ಲಿ ಸ್ವಲ್ಪ ಏರುಪೇರಾದರೂ ನಮ್ಮ ದೇಹ ಅಪಾಯದಲ್ಲಿದೆ ಎಂಬ ಸಂಕೇತವಾಗಿದೆ. ಇದೇ ಕಾರಣಕ್ಕೆ ಏನಾದರೂ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಂಡಾಗ ಅದನ್ನು ಪತ್ತೆಹಚ್ಚಲು ಮೂತ್ರ ಪರೀಕ್ಷೆ ಸಹ ಮಾಡಲಾಗುತ್ತದೆ. ಹೀಗಾಗಿ ಮೂತ್ರವೂ ತ್ಯಾಜ್ಯವಾದರೂ ನಮ್ಮ ಆರೋಗ್ಯ ನಿರ್ಣಯಿಸುವಲ್ಲಿ ತುಂಬಾ ಮುಖ್ಯವಾಗಿದೆ.

ನಮ್ಮಲ್ಲಿ ಬಹುತೇಕ ಪುರುಷರು ನಿಂತುಕೊಂಡೇ ಮೂತ್ರ ವಿಸರ್ಜನೆ ಮಾಡುತ್ತಾರೆ. ಯಾವುದೇ ಸಿನಿಮಾ ಹಾಲ್​ ಅಥವಾ ಸಾರ್ವಜನಿಕ ಶೌಚಾಲಯಗಳಿಗೆ ಹೋದರೂ ನಿಂತುಕೊಂಡೇ ಮೂತ್ರ ವಿಸರ್ಜನೆ ಮಾಡುವ ರೀತಿಯಲ್ಲೇ ಕಮೋಡ್​ಗಳನ್ನು ಅಳವಡಿಸಿರುತ್ತಾರೆ. ಹೀಗಾಗಿ, ನಿಂತುಕೊಂಡು ಮೂರ್ತ ವಿಸರ್ಜನೆ ಮಾಡುವುದೇ ಸರಿಯಾದ ಕ್ರಮ ಎಂದು ಭಾವಿಸುತ್ತಾರೆ. ಆದರೆ, ಇದು ಸರಿಯಾದ ಕ್ರಮವಲ್ಲ ಎನ್ನುತ್ತಾರೆ ವೈದ್ಯರು. ನಿಂತುಕೊಂಡು ಮೂತ್ರ ವಿಸರ್ಜನೆ ಮಾಡುವ ಬದಲು, ಕುಳಿತು ಮಾಡುವುದು ಆರೋಗ್ಯಕ್ಕೆ ಒಳ್ಳೆಯದು ಎಂದು ವೈದ್ಯರು ಮಹತ್ವದ ಸಲಹೆಯನ್ನು ನೀಡಿದ್ದಾರೆ.

ಪುರುಷರು ನಿಂತು ಮೂತ್ರ ವಿಸರ್ಜನೆ ಮಾಡುವುದಕ್ಕಿಂತ ಕುಳಿತು ಮಾಡುವುದರಿಂದ ದೇಹಕ್ಕೆ ಹಲವಾರು ಆರೋಗ್ಯಕರ ಪ್ರಯೋಜನಗಳಿವೆ. ಅದರಲ್ಲೂ ಮುಖ್ಯವಾಗಿ ಮೂತ್ರನಾಳದ ಸೋಂಕು (Urinary Tract Infection - UTI) ಅಥವಾ ಅದಕ್ಕೆ ಸಂಬಂಧಿಸಿದ ಲಕ್ಷಣಗಳಿಂದ ಬಳಲುತ್ತಿರುವವರಿಗೆ ಕುಳಿತು ಮೂತ್ರ ವಿಸರ್ಜನೆ ಮಾಡುವುದು ಅತ್ಯಂತ ಲಾಭದಾಯಕ ಹಾಗೂ ಸಹಕಾರಿಯಾಗಿದೆ ಎಂದು ವೈದ್ಯಕೀಯ ಸಂಶೋಧನೆಗಳು ತಿಳಿಸಿವೆ.

ವೈದ್ಯಕೀಯ ತಜ್ಞರ ಪ್ರಕಾರ, ಪುರುಷರು ನಿಂತುಕೊಳ್ಳುವ ಬದಲಾಗಿ ಕುಳಿತು ಮೂತ್ರ ವಿಸರ್ಜನೆ ಮಾಡುವುದರಿಂದ ಸೊಂಟದ ಭಾಗದ ಸ್ನಾಯುಗಳು (Pelvic muscles) ಸಂಪೂರ್ಣವಾಗಿ ಸಡಿಲಗೊಳ್ಳುತ್ತವೆ. ಇದರಿಂದ ಮೂತ್ರನಾಳದ ಮೇಲಿನ ಒತ್ತಡ ಕಡಿಮೆಯಾಗಿ, ಮೂತ್ರ ವಿಸರ್ಜನೆಯು ಯಾವುದೇ ಅಡೆತಡೆಯಿಲ್ಲದೆ ಸುಲಭವಾಗಿ ಮತ್ತು ವೇಗವಾಗಿ ಆಗುತ್ತದೆ. ಈ ಆರೋಗ್ಯಕರ ಅಭ್ಯಾಸದಿಂದಾಗಿ ಮೂತ್ರಕೋಶದಲ್ಲಿ ಪೂರ್ಣ ಪ್ರಮಾಣದಲ್ಲಿ ಮೂತ್ರ ಖಾಲಿಯಾಗಲಿದ್ದು, ಮೂತ್ರನಾಳದ ಸೋಂಕು (UTI) ಮತ್ತು ಮೂತ್ರಕೋಶದ ಕಲ್ಲುಗಳಂತಹ (Bladder stones) ಗಂಭೀರ ಕಾಯಿಲೆಗಳ ಅಪಾಯ ಗಣನೀಯವಾಗಿ ಕಡಿಮೆಯಾಗುತ್ತದೆ ಎಂದು ಸಂಶೋಧನೆಗಳು ತಿಳಿಸಿವೆ.

ಆರೋಗ್ಯದ ಜೊತೆಗೆ ಇದು ಶೌಚಾಲಯದ ಸ್ವಚ್ಛತೆಯನ್ನು ಕಾಯ್ದುಕೊಳ್ಳಲು ನೆರವಾಗುತ್ತದೆ. ಕುಳಿತು ಮೂತ್ರ ವಿಸರ್ಜನೆ ಮಾಡುವುದರಿಂದ ಮೂತ್ರದ ಹನಿಗಳು ಆಚೀಚೆ ಸಿಡಿಯುವುದಿಲ್ಲ ಹಾಗೂ ಶೌಚಾಲಯದ ಸೀಟ್ ಮತ್ತು ನೆಲವು ಕೊಳಕಾಗದಂತೆ ದೀರ್ಘಕಾಲ ಕ್ಲೀನ್ ಆಗಿ ಇರಲು ಸಹಾಯ ಮಾಡುತ್ತದೆ. ಇಷ್ಟೇ ಅಲ್ಲದೆ, ಇಂದಿನ ಒತ್ತಡದ ಹಾಗೂ ಬಿಡುವಿಲ್ಲದ ಆಧುನಿಕ ಜೀವನಶೈಲಿಯಲ್ಲಿ, ಮೂತ್ರ ವಿಸರ್ಜನೆಗಾಗಿ ಕೇವಲ ಒಂದು ನಿಮಿಷ ಪ್ರಶಾಂತವಾಗಿ ಕುಳಿತುಕೊಳ್ಳುವುದು ಸಹ ಮನಸ್ಸಿಗೆ ಒಂದು ಕ್ಷಣ ನಿರಾಳತೆ ಮತ್ತು ನೆಮ್ಮದಿಯನ್ನು ನೀಡುತ್ತದೆ ಎಂದು ವೈದ್ಯರು ವಿವರಿಸಿದ್ದಾರೆ.

ಪುರುಷರು ನಿಂತುಕೊಂಡು ಮೂತ್ರ ವಿಸರ್ಜನೆ ಮಾಡುವುದರಿಂದ ಸೊಂಟದ ಭಾಗದ ಸ್ನಾಯುಗಳು (Pelvic muscles) ಮತ್ತು ಬೆನ್ನುಮೂಳೆಯ ಸ್ನಾಯುಗಳು ಸಂಪೂರ್ಣವಾಗಿ ಸಡಿಲಗೊಳ್ಳಲು ಸಾಧ್ಯವಾಗುವುದಿಲ್ಲ. ಇದರಿಂದ ಮೂತ್ರನಾಳದ ಮೇಲೆ ಅನಗತ್ಯ ಒತ್ತಡ ಉಂಟಾಗಿ, ಮೂತ್ರ ವಿಸರ್ಜನೆಯ ವೇಗ ಮತ್ತು ನಿಖರತೆ ಕಡಿಮೆಯಾಗುತ್ತದೆ. ಇದರ ಪರಿಣಾಮವಾಗಿ, ಮೂತ್ರಕೋಶದಲ್ಲಿನ ಮೂತ್ರವು ಪೂರ್ಣ ಪ್ರಮಾಣದಲ್ಲಿ ಹೊರಹೋಗದೆ ಒಳಗಡೆಯೇ ಉಳಿದುಕೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ. ಹೀಗೆ ದೀರ್ಘಕಾಲದವರೆಗೆ ಮೂತ್ರಕೋಶದಲ್ಲಿ ಮೂತ್ರದ ಅಂಶ ಸಂಗ್ರಹವಾಗುವುದರಿಂದ ಮೂತ್ರನಾಳದ ಸೋಂಕು (UTI) ಮತ್ತು ಮೂತ್ರಕೋಶದಲ್ಲಿ ಕಲ್ಲುಗಳು (Bladder stones) ಉಂಟಾಗುವ ಅಪಾಯ ಹೆಚ್ಚಾಗುತ್ತದೆ ಎಂದು ವೈದ್ಯರು ಎಚ್ಚರಿಸಿದ್ದಾರೆ.

ಅಂದಹಾಗೆ, ಮೂತ್ರವು ತುಂಬಾ ಕ್ರಿಮಿನಾಶಕವಲ್ಲದಿದ್ದರೂ ಅದರಲ್ಲಿರುವ ಬ್ಯಾಕ್ಟೀರಿಯಾ ನಿಮ್ಮಲ್ಲಿ ಸೋಂಕಿನ ಅಪಾಯವನ್ನು ಹೆಚ್ಚಿಸಬಹುದು. ವಿಶೇಷವಾಗಿ ಮೂತ್ರನಾಳದ ಸೋಂಕುಗಳು ಉಂಟಾಗುತ್ತದೆ. ಬ್ಯಾಕ್ಟೀರಿಯಾಗಳು ನಿಮ್ಮ ಮೂತ್ರನಾಳದ ಮೂಲಕ ಪ್ರವೇಶಿಸಿ ನಿಮ್ಮ ಮೂತ್ರನಾಳವನ್ನೇ ತಮ್ಮ ವಸಾಹತುವನ್ನಾಗಿ ಮಾಡಿಕೊಂಡಾಗ ಯುಟಿಐ ಸಂಭವಿಸುತ್ತದೆ. ಇದರಿಂದಾಗಿ ಮೂತ್ರ ವಿಸರ್ಜಿಸುವಾಗ ತೀವ್ರವಾದ ನೋವು ಇರುತ್ತದೆ ಎಂದಿದ್ದಾರೆ.

• ಮೂತ್ರ ವಿಸರ್ಜನೆಯ ಸಮಯದಲ್ಲಿ ನೋವು/ಸುಡುವಿಕೆ

• ಗಾಢ ವಾಸನೆಯ ಮೂತ್ರ

• ಮೂತ್ರದಲ್ಲಿ ರಕ್ತ

• ಶ್ರೋಣಿಯ ಸ್ನಾಯುಗಳಲ್ಲಿ ನೋವು

• ಆಗಾಗ್ಗೆ ಮೂತ್ರ ವಿಸರ್ಜನೆ

ದೇಹದ ತ್ಯಾಜ್ಯವು ಮೂತ್ರದ ಮೂಲಕ ಹೊರಹಾಕಲ್ಪಡುತ್ತದೆ. ಆದ್ದರಿಂದ ಇದು ಬಹಳಷ್ಟು ಬ್ಯಾಕ್ಟೀರಿಯಾಗಳನ್ನು ಹೊಂದಿರುತ್ತದೆ. ಒಬ್ಬ ವ್ಯಕ್ತಿಯು ಮೂತ್ರವನ್ನು ಹಿಡಿದಿಟ್ಟುಕೊಂಡಾಗ, ಮೂತ್ರಕೋಶದಲ್ಲಿ ಹೆಚ್ಚಿನ ಪ್ರಮಾಣದ ಬ್ಯಾಕ್ಟೀರಿಯಾಗಳು ಸಂಗ್ರಹವಾಗುತ್ತವೆ. ಇದು ಮೂತ್ರನಾಳದ ಸೋಂಕು ಮತ್ತು ಮೂತ್ರಕೋಶಕ್ಕೆ ಹಾನಿಯನ್ನುಂಟುಮಾಡುತ್ತದೆ. ದೀರ್ಘಕಾಲದವರೆಗೆ ಶೀತ ತಾಪಮಾನಕ್ಕೆ ಒಡ್ಡಿಕೊಂಡಾಗ ದೇಹವು ಮೂತ್ರ ವಿಸರ್ಜಿಸುತ್ತದೆ.