1 ವರ್ಷದೊಳಗಿನ ಶಿಶುವಿಗೆ ಹಸುವಿನ ಹಾಲು ನೀಡುವುದು ಸೇಫಲ್ಲ; ತಜ್ಞರು ನೀಡಿರುವ ಮಾಹಿತಿ ಇಲ್ಲಿದೆ..

ಶಿಶುವಿನ ಜನನದ ಬಳಿಕ ಆರು ತಿಂಗಳವರೆಗೆ ತಾಯಿಯ ಹಾಲನ್ನು ಮಾತ್ರ ನೀಡುತ್ತಾರೆ. ಇದಕ್ಕೆ ಕಾರಣ ಏನು ಗೊತ್ತಾ? ತಾಯಿಯ ಸ್ತನ್ಯಪಾನ ಮಗುವಿಗೆ ಅಮೃತವಿದ್ದಂತೆ ಆದರೆ ಕೆಲವೊಮ್ಮೆ ಕೆಲವು ಆರೋಗ್ಯ ಸಮಸ್ಯೆಗಳಿಂದ ಅಥವಾ ಇನ್ಯಾವುದೇ ಕಾರಣದಿಂದ ಮಗುವಿಗೆ ಸ್ತನ್ಯಪಾನ ಮಾಡಿಸುವುದು ಸಾಧ್ಯವಾಗುವುದಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ ಮಗುವಿಗೆ ಹಸುವಿನ ಹಾಲು ನೀಡಲು ಮುಂದಾಗುತ್ತಾರೆ. ಆದರೆ ಇದು ಮಗುವಿಗೆ ಸುರಕ್ಷಿತವಾಗಿದೆಯೇ? ವೈದ್ಯರು ಹೇಳಿರುವುದೇನು ಎಂಬುದನ್ನು ಇಲ್ಲಿ ತಿಳಿಸಲಾಗಿದೆ.

ಇದನ್ನು ಓದಿ: ಗರ್ಭಕೋಶ ತೆಗೆಸಿದ ಬಳಿಕ ಪತ್ಯೆ ಏಕಿರಬೇಕು?: ಯಾವುದನ್ನು ಸೇವಿಸಬೇಕು & ಏನನ್ನು ಮುಟ್ಟಬಾರದು.. ಮಾಹಿತಿ ಇಲ್ಲಿದೆ

ಹಸುವಿನ ಹಾಲನ್ನು ಒಂದು ವರ್ಷದೊಳಗಿನ ಮಗುವಿಗೆ ನೀಡಬಾರದು ಎಂದು ಮಕ್ಕಳ ತಜ್ಞ ಪವನ್ ಮಾಂಡವಿಯ ಅವರು ಹೇಳುತ್ತಾರೆ. ಅವರು ತಮ್ಮ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಹಸುವಿನ ಹಾಲು ಯಾಕೆ ಸೇಫ್​​ ಅಲ್ಲಾ ಎಂಬುದಕ್ಕೆ ಕಾರಣವನ್ನು ತಿಳಿಸಿದ್ದಾರೆ.

ಹಸುವಿನ ಹಾಲಿನಲ್ಲಿ ಹೆಚ್ಚಿನ ಸಂಕೀರ್ಣ ಪ್ರೋಟೀನ್‌ಗಳಿವೆ. ಇದು ಕರು ಜನಿಸಿದ ಬಳಿಕ ತನ್ನ ಕಾಲಿನ ಮೇಲೆ ನಿಲ್ಲಲು ಮತ್ತು ಹುಟ್ಟಿದ ತಕ್ಷಣ ನಡೆಯಲು ಸಹಾಯ ಮಾಡುತ್ತದೆ. ಒಂದು ವರ್ಷದೊಳಗಿನ ಮಕ್ಕಳು ಇದನ್ನು ಜೀರ್ಣಿಸಿಕೊಳ್ಳಲು ಸಾಧ್ಯವಾಗುವುದಿಲ್ಲ. ಈ ಕಾರಣದಿಂದಾಗಿ ಮಗುವಿನ ಮೂತ್ರಪಿಂಡಗಳು ಹಾನಿಗೊಳಗಾಗಬಹುದು. ಇದರಿಂದ ಮಗುವಿಗೆ ಅತಿಸಾರ ಉಂಟಾಗಬಹುದು ಜತೆಗೆ ಮಲದಲ್ಲಿ ರಕ್ತ ಇರಬಹುದು.

ಹಸುವಿನ ಹಾಲಿನಲ್ಲಿ ಕಬ್ಬಿಣಾಂಶ ಪ್ರಮಾಣ ಬಹಳ ಕಡಿಮೆ. ಕಡಿಮೆ ಕಬ್ಬಿಣಾಂಶ ಸೇವನೆಯಿಂದಾಗಿ ಮಗುವಿಗೆ ರಕ್ತಹೀನತೆಯ ಅಪಾಯವಿದೆ. ಇದರಿಂದ ಮಗುವು ಕಿರಿಕಿರಿಯುಂಟುಮಾಡುತ್ತದೆ, ಹಸಿವನ್ನು ಅನುಭವಿಸುವುದಿಲ್ಲ ಮತ್ತು ತೂಕವನ್ನು ಪಡೆಯಲು ಸಾಧ್ಯವಾಗುವುದಿಲ್ಲ. ಆದ್ದರಿಂದ ಮಗುವಿಗೆ ಒಂದು ವರ್ಷ ತುಂಬುವ ಮೊದಲು ಹಸುವಿನ ಹಾಲನ್ನು ನೀಡಬಾರದು.

ವಿಟಮಿನ್ ಸಿ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಕೆಲಸ ಮಾಡುತ್ತದೆ. ದೇಹದಲ್ಲಿ ಶಕ್ತಿಯ ಮಟ್ಟವನ್ನು ಹೆಚ್ಚಿಸುತ್ತದೆ ಮತ್ತು ಉತ್ಕರ್ಷಣ ನಿರೋಧಕ ಬೆಂಬಲವನ್ನು ನೀಡುತ್ತದೆ. ಮಗುವಿನ ಬೆಳವಣಿಗೆಗೆ ವಿಟಮಿನ್ ಸಿ ಬಹಳ ಮುಖ್ಯ, ಆದರೆ ಈ ಪ್ರಮುಖ ಪೋಷಕಾಂಶ ಹಸುವಿನ ಹಾಲಿನಲ್ಲಿ ಇರುವುದಿಲ್ಲ. ಆದ್ದರಿಂದ ಒಂದು ವರ್ಷದೊಳಗಿನ ಮಗುವಿಗೆ ಹಸುವಿನ ಹಾಲನ್ನು ನೀಡುವುದು ಯಾವುದೇ ಪ್ರಯೋಜನವಿಲ್ಲ.

ಹಸುವಿನ ಹಾಲಿನಲ್ಲಿ ಮಗುವಿನ ಬೆಳವಣಿಗೆಗೆ ಅಗತ್ಯವಾದ ಪೋಷಕಾಂಶಗಳ ಕೊರತೆಯಿದೆ ಎನ್ನುತ್ತಾರೆ ವೈದ್ಯ ಪವನ್. ನಾವು ಹಸುವಿನ ಹಾಲನ್ನು ನೀರಿನಲ್ಲಿ ಬೆರೆಸಿ ನೀಡುವುದರಿಂದ ಮಗುವಿಗೆ ಲಭ್ಯವಾಗಬೇಕಾದ ಕೊಬ್ಬನ್ನು ಇರುವುದಿಲ್ಲ. ಈ ಕಾರಣಕ್ಕೂ ಒಂದು ವರ್ಷದೊಳಗಿನ ಮಕ್ಕಳಿಗೆ ಹಸುವಿನ ಹಾಲನ್ನು ನೀಡಬೇಡಿ ಎಂದು ಸಲಹೆ ನೀಡುತ್ತಾರೆ.

ಹಸುವಿನ ಹಾಲಿನಲ್ಲಿ ಹೆಚ್ಚಿನ ಪ್ರಮಾಣದ ಕ್ಯಾಲ್ಸಿಯಂ, ಫಾಸ್ಫೇಟ್ ಮತ್ತು ಪ್ರೋಟೀನ್ ಇರುತ್ತದೆ. ಇದರಿಂದಾಗಿ ಮಗುವಿನಲ್ಲಿ ಸ್ಥೂಲಕಾಯತೆಯ ಅಪಾಯವಿದೆ. ಅಂತಹ ಪರಿಸ್ಥಿತಿಯಲ್ಲಿ ಮಗು ದಪ್ಪ ಅಥವಾ ಆರೋಗ್ಯಕರವಾಗಿ ಕಂಡರೂ, ಅವನು ವಾಸ್ತವವಾಗಿ ಸ್ಥೂಲಕಾಯತೆಗೆ ಒಳಗಾಗುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಹೆರಿಗೆಯ ನಂತರ ಮಹಿಳೆಗೆ ಎದೆಹಾಲು ಸಿಗದಿದ್ದರೆ, ಹಸುವಿನ ಹಾಲಿನ ಬದಲಿಗೆ ತನ್ನ ಮಗುವಿಗೆ ಫಾರ್ಮುಲಾ ಹಾಲನ್ನು ನೀಡಬಹುದು.

https://www.vijayavani.net/easy-way-to-remove-freezer-ice-build-up-without-defrosting