ಭಾರತವೂ ಸೇರಿದಂತೆ ಫ್ರಾನ್ಸ್, ಸ್ಪೇನ್, ಮೊರೊಕ್ಕೊ, ಅರ್ಜೆಂಟೀನ ದೇಶಗಳಲ್ಲಿ ಅದನ್ನು ಬೆಳೆಯುತ್ತಾರೆ. ಆದರೆ ಭಾರತದಲ್ಲಿ ಬೆಳೆಯುವಷ್ಟು ಮೆಂತ್ಯವನ್ನು ಎಲ್ಲೂ ಬೆಳೆಯಲಾರರು. ರಾಜಸ್ಥಾನ, ಗುಜರಾತ್, ಉತ್ತರಾಂಚಲ, ಉತ್ತರ ಪ್ರದೇಶ, ಮಧ್ಯಪ್ರದೇಶ, ಮಹಾರಾಷ್ಟ್ರ, ಹರಿಯಾಣ, ಪಂಜಾಬ್ರಾಜ್ಯಗಳಲ್ಲಿ ಮೆಂತ್ಯಕಾಳನ್ನು ಹೆಚ್ಚು ಬೆಳೆಯುತ್ತಾರೆ, ಹಾಗೆಯೇ ಬಳಸುತ್ತಾರೆ. ದೇಶದ ಒಟ್ಟು ಮೆಂತ್ಯ ಉತ್ಪಾದನೆಯಲ್ಲಿ ಶೇ. 80ರಷ್ಟು ರಾಜಸ್ಥಾನದಿಂದಲೇ ಬರುತ್ತದೆ. ಮೆಂತ್ಯಕಾಳು, ಮೆಂತ್ಯ ಸೊಪ್ಪು ಆಹಾರಕ್ಕೆ ಎಷ್ಟು ಬಳಕೆಯಾಗುತ್ತದೆಯೋ ಔಷಧಿಯಾಗಿಯೂ ಅಷ್ಟೇ ಉಪಯೋಗವಾಗುತ್ತದೆ. ಮೆಂತ್ಯಸೊಪ್ಪಿನಲ್ಲಿ ವಿಟಮಿನ್ ಎ, ಬಿ, ಖನಿಜಾಂಶ, ಕಬ್ಬಿಣದ ಅಂಶ ಹೇರಳವಾಗಿವೆ.
