Skin Care Tips: ಚಳಿಗಾಲದಲ್ಲಿ ಮುಖದ ಕಾಂತಿ ಕಾಪಾಡುವ ಜೊತೆಗೆ, ಚರ್ಮದ ಆರೋಗ್ಯ ಕಾಪಾಡಿಕೊಳ್ಳುವುದು ಮುಖ್ಯ. ಹೀಗಾಗಿ ಹಲವರು ಪಾರ್ಲರ್ಗಳಿಗೆ ತೆರಳಿ ಪೇಷಿಯಲ್ ಸೇರಿದಂತೆ ನಾನಾ ವಿಧದ ಫೇಸ್ ಪ್ಯಾಕ್ಗೆ ಒತ್ತು ನೀಡುತ್ತಾರೆ. ಇನ್ನೂ ಕೆಲವರು ರೀಲ್ಸ್ಗಳಲ್ಲಿ ಕಾಣುವ ದುಬಾರಿ ಕ್ರೀಂ ಕೊಂಡು ಹಣ ವೆಚ್ಚ ಮಾಡುತ್ತಾರೆ. ಇದರ ಬದಲಾಗಿ ಮನೆಯಲ್ಲಿಯೇ ನೈಸರ್ಗಿಕವಾಗಿ ಮುಖದ ಕಾಂತಿ ಹೆಚ್ಚಿಸಿಕೊಳ್ಳಲು ಕೆಲವು ಟಿಪ್ಸ್ ಫಾಲೋ ಮಾಡಿ ಸಾಕು.
ಕಡಲೆ ಹಿಟ್ಟು, ಬೆಣ್ಣೆ ಹಾಗೂ ಮೊಸರು ಬಳಸಿ ಫೇಸ್ ಪ್ಯಾಕ್ ತಯಾರಿಸಿಕೊಂಡು ವಾರಕ್ಕೆ ಎರಡು ಬಾರಿ ಬಳಕೆ ಮಾಡುವುದರಿಂದ ಮುಖದ ಕಾಂತಿಯನ್ನು ಹೆಚ್ಚಿಸಿಕೊಳ್ಳಬಹುದಾಗಿದೆ. ಮೂರು ಪದಾರ್ಥಗಳಲ್ಲಿ ಇರುವ ಔಷಧೀಯ ಗುಣವು ಪ್ರತ್ಯೇಕವಾಗಿ ಚರ್ಮದ ಆರೋಗ್ಯದ ರಕ್ಷಣೆಗೆ ಸಹಕಾರಿ. ಫೇಸ್ ಪ್ಯಾಕ್ ತಯಾರಿಸಿಕೊಳ್ಳೋದು ಹೇಗೆ ಎನ್ನುವ ಬಗ್ಗೆ ಮಾಹಿತಿ ಈ ಲೇಖನದಲ್ಲಿ ಇದೆ.
ಮೂರು ಹೇಗೆ ಕೆಲಸ ಮಾಡುತ್ತದೆ?
ಕಡಲೆ ಹಿಟ್ಟು, ಬೆಣ್ಣೆ ಹಾಗೂ ಮೊಸರು ಬಳಸಿ ನೈಸರ್ಗಿಕವಾಗಿ ಪೇಷಿಯಲ್ ಮಾಡಿಕೊಳ್ಳಬಹುದಾಗಿದೆ. ಇದು ಚರ್ಮದಲ್ಲಿರುವ ಎಣ್ಣೆಯನ್ನು ತೆಗೆದು ಹಾಕಲು ಹಾಗೂ ಚರ್ಮದಲ್ಲಿರುವ ಸತ್ತ ಜೀವಕೋಶವನ್ನು ಹೋಗಲಾಡಿಸಲು ಸಹಾಯ ಮಾಡುತ್ತದೆ. ಇದರಲ್ಲಿರುವ ಸತು. ಉತ್ಕರ್ಷಣ ನಿರೋಧಕ, ಸಪೋನಿನ್ ಚರ್ಮದ ಕಾಂತಿ ಹೆಚ್ಚಿಸಲು ನೈಸರ್ಗಿಕವಾಗಿ ಬುಡದಿಂದ ಕೆಲಸ ಮಾಡುತ್ತದೆ.
ಬೆಣ್ಣೆ
ಇನ್ನೂ ಬೆಣ್ಣೆ, ಇದರಲ್ಲಿರುವ ವಿಟಮಿನ್ ಎ ಮತ್ತು ಇ ಅಂಶವು ಚರ್ಮದ ತೇವಾಂಶವನ್ನು ಕಾಪಾಡಲು ಆಳದಿಂದ ಕೆಲಸ ಮಾಡುತ್ತದೆ. ಬೆಣ್ಣೆಯಲ್ಲಿರುವ ಕೊಬ್ಬಿನಾಮ್ಲವು ಒಣ ಚರ್ಮವನ್ನು ತೇವಗೊಳಿಸಿ.. ಹೆಚ್ಚು ಕಾಲ ಹೈಡ್ರೇಟ್ ಆಗಿರಲು ಸಹಾಯ ಮಾಡುತ್ತದೆ. ಇದರಲ್ಲಿರುವ ವಿಟಮಿನ್ ಇ ಮತ್ತು ಆಂಟಿ ಆಕ್ಸಿಡೆಂಟ್ ಚರ್ಮ ಸುಕ್ಕಾಗುವುದನ್ನು ತಡೆಯುವುದರ ಮೂಲಕ ವಯಸ್ಸಾಗಿರುವಂತೆ ಕಾಣುವುದನ್ನು ತಪ್ಪಿಸುತ್ತದೆ. ಚರ್ಮದ ಮೇಲಿನ ಧೂಳನ್ನು ತಡೆದು. ಚರ್ಮದ ರಕ್ಷಣಾ ಪದರವನ್ನು ಕಾಪಾಡಿಕೊಳ್ಳುತ್ತದೆ.
