Healthy Fruits : ಸೂಪರ್ಫುಡ್ ಎಂದಾಕ್ಷಣ ದುಬಾರಿ ಹಣ್ಣುಗಳು, ಬೀಜಗಳು ನೆನಪಾಗುತ್ತವೆ. ಆದರೆ, ನಮ್ಮ ಸುತ್ತಮುತ್ತ ಸುಲಭವಾಗಿ ಸಿಗುವ ಕೆಲವು ಹಣ್ಣುಗಳಲ್ಲೇ ದೇಹಕ್ಕೆ ಬೇಕಾದ ಹಲವು ಪೋಷಕಾಂಶಗಳು ಅಡಗಿವೆ. ಅಂತಹ ಹಣ್ಣುಗಳಲ್ಲಿ ಪೇರಲ ಅಥವಾ ಸೀಬೆಹಣ್ಣು ಕೂಡ ಒಂದು. ರುಚಿಯಾಗಿರುವುದರ ಜತೆಗೆ ವಿಟಮಿನ್ಗಳು, ಫೈಬರ್ ಮತ್ತು ಆ್ಯಂಟಿಆಕ್ಸಿಡೆಂಟ್ಗಳ ಉತ್ತಮ ಮೂಲವಾಗಿರುವ ಈ ಹಣ್ಣು ದೈನಂದಿನ ಆಹಾರದಲ್ಲಿ ಸೇರಿಸಿಕೊಳ್ಳಬಹುದಾದ ಆರೊಗ್ಯಕರ ಆಯ್ಕೆಯಾಗಿದೆ.
ವಿಟಮಿನ್ ಸಿ ಯ ಉತ್ತಮ ಮೂಲ
ಪೇರಲ ಹಣ್ಣಿನಲ್ಲಿ ವಿಟಮಿನ್ ಸಿ ಸಮೃದ್ಧವಾಗಿದೆ. ಇದು ದೇಹದ ರೋಗನಿರೋಧಕ ವ್ಯವಸ್ಥೆಯ ಸಾಮಾನ್ಯ ಕಾರ್ಯಕ್ಕೆ ನೆರವಾಗುತ್ತದೆ. ಜತೆಗೆ ದೇಹದಲ್ಲಿ ಕಬ್ಬಿಣದ ಹೀರಿಕೊಳ್ಲುವಿಕೆ ವಿಟಮಿನ್ ಸಿ ಸಹಾಯಕವಾಗುತ್ತದೆ. ಸುಮಾರು 100 ಗ್ರಾಂ ಪೇರ ಹಣ್ಣಿನಲ್ಲಿ 228 ಮಿ.ಗ್ರಾಂನಷ್ಟು ವಿಟಮಿನ್ ಸಿ ಇರುತ್ತದೆ.
