ಸ್ವೀಟ್ಸ್​ ತಿನ್ನುವುದರಿಂದ ಕ್ಯಾಲೋರಿ ಹೆಚ್ಚಾಗುತ್ತದೆಯೇ?; ಕಡಿಮೆ ಮಾಡಲು ಏನು ಮಾಡ್ಬೇಕು.. ಇಲ್ಲಿದೆ ಮಾಹಿತಿ | Health Tips

ನಾವು ಆಹಾರದಿಂದ ಪಡೆಯುವ ಶಕ್ತಿಯನ್ನು ಕ್ಯಾಲೋರಿಗಳು ಎಂದು ಕರೆಯಲಾಗುತ್ತದೆ. ಆದರೆ ಈ ಹೆಚ್ಚಿನ ಕ್ಯಾಲೋರಿಗಳು ತೂಕ ಹೆಚ್ಚಾಗಲು ಕಾರಣವಾಗುತ್ತವೆ. ದೈನಂದಿನ ಕ್ಯಾಲೋರಿ ಸೇವನೆಯು ಪುರುಷರಿಗೆ ಸರಿಸುಮಾರು 2,500 ಮತ್ತು ಮಹಿಳೆಯರಿಗೆ 2,000 ಆಗಿದೆ. ನಾವು ತಿನ್ನುವ ಸಿಹಿತಿಂಡಿಗಳಿಂದ ಹೆಚ್ಚಿನ ಕ್ಯಾಲೋರಿ ನಮ್ಮ ದೇಹ ಸೇರುತ್ತದೆ.(Health Tips)

ಇದನ್ನು ಓದಿ: ಅಗತ್ಯಕ್ಕಿಂತ ಹೆಚ್ಚು ಪ್ರೋಟೀನ್ ಸೇವನೆಯಿಂದ ಏನೆಲ್ಲಾ ಸಮಸ್ಯೆ ಎದುರಾಗಲಿದೆ; ಇಲ್ಲಿದೆ ಹೆಲ್ತಿ ಮಾಹಿತಿ | Health Tips

ಉದಾಹರಣೆಗೆ ಇಷ್ಟು ಪಟ್ಟು ತಿನ್ನುವ ಸಿಹಿತಿಂಡಿಗಳನ್ನು ತೆಗೆದುಕೊಂಡರೆ ಒಂದು ಗುಲಾಬ್ ಜಾಮೂನ್ ತಿಂದರೆ 104.8 ಕ್ಯಾಲೊರಿ, ಒಂದು ಐಸ್ ಕ್ರೀಮ್ ಸ್ಕೂಪ್​ನಿಂದ 250 ಕ್ಕಿಂತ ಹೆಚ್ಚು ಕ್ಯಾಲೋರಿ ದೇಹ ಸೇರುವುದು ಖಚಿತ. ಆಗಿದ್ದರೆ ಹೆಚ್ಚುವರಿ ಕ್ಯಾಲೋರಿಯನ್ನು ಕಡಿಮೆ ಮಾಡಿ ಫಿಟ್​ನೆಸ್​ ಆಗಿರುವುದು ಹೇಗೆ..? ಕೆಲವು ಸುಲಭವಾದ ವ್ಯಾಯಾಮಗಳನ್ನು ಅಳವಡಿಸಿಕೊಳ್ಳುವ ಮೂಲಕ ಕ್ಯಾಲೋರಿಯನ್ನು ಕಡಿಮೆ ಮಾಡಿಕೊಳ್ಳಬಹುದು.

ಸ್ಕಿಪ್ಪಿಂಗ್​​

ಸ್ಕಿಪ್ಪಿಂಗ್​ ಮಾಡುವುದರಿಂದ ನೀವು 10 ರಿಂದ 15 ನಿಮಿಷಗಳಲ್ಲಿ 200 ಕ್ಯಾಲೋರಿಗಳನ್ನು ಬರ್ನ್ ಮಾಡಬಹುದು.

 ಮೆಟ್ಟಿಲು ಹತ್ತುವುದು

ಲಿಫ್ಟ್‌ ಬಳಸುತ್ತಿದ್ದರೆ ಇಂದಿನಿಂದಲೇ ಅದಕ್ಕೆ ಗುಡ್​ಬೈ ಹೇಳಿ. ಏಕೆಂದರೆ ಮೆಟ್ಟಿಲುಗಳನ್ನು ಹತ್ತುವುದು ಅತ್ಯುತ್ತಮ ವ್ಯಾಯಾಮವೆಂದು ಪರಿಗಣಿಸಲಾಗಿದೆ. ಮನೆಯಲ್ಲಿ, ಉದ್ಯಾನವನದಲ್ಲಿ ಅಥವಾ ಬಹುತೇಕ ಎಲ್ಲಿಯಾದರೂ ಮೆಟ್ಟಿಲುಗಳನ್ನು ಹತ್ತಬಹುದು. 30 ನಿಮಿಷಗಳ ಕಾಲ ಮೆಟ್ಟಿಲುಗಳನ್ನು ಹತ್ತುವುದು ಸುಮಾರು 200 ಕ್ಯಾಲೋರಿಯನ್ನ ದೇಹದಿಂದ ಸುಲಭವಾಗಿ ಕಡಿಮೆ ಮಾಡಿಕೊಳ್ಳಬಹುದು.

ನೃತ್ಯ​

ಡ್ಯಾನ್ಸ್​​ ಮಾಡುವುದು ವ್ಯಾಯಾಮ ಮಾತ್ರವಲ್ಲ ಒತ್ತಡ ನಿವಾರಣೆಯೂ ಹೌದು. ವಿಶೇಷವಾಗಿ ನೀವು ಒತ್ತಡದಲ್ಲಿರುವಾಗ ನೃತ್ಯ ಮಾಡಿದರೆ ಅದರಿಂದ ಹೊರಬರಬಹುದು. ನೃತ್ಯವು ಉತ್ತಮ ವ್ಯಾಯಾಮವಾಗಿದ್ದು, ಕೇವಲ 40 ನಿಮಿಷಗಳ ನೃತ್ಯವು 216 ಕ್ಯಾಲೋರಿಯನ್ನು ಬರ್ನ್​ ಮಾಡುತ್ತದೆ.

ಜಾಗಿಂಗ್ ಅಥವಾ ವಾಕಿಂಗ್

ಚುರುಕಾದ ನಡಿಗೆ ಅಥವಾ ಜಾಗಿಂಗ್ ಮೂಲಕ ಬಹಳಷ್ಟು ಕ್ಯಾಲೋರಿಗಳನ್ನು ಕಡಿಮೆ ಮಾಡಬಹುದು. ಬೆಳಗ್ಗೆ 25 ನಿಮಿಷಗಳ ಕಾಲ ಜಾಗಿಂಗ್ ಮಾಡುವುದು 218 ಕ್ಯಾಲೋರಿಯನ್ನು ಬರ್ನ್ ಮಾಡುತ್ತದೆ.

https://www.vijayavani.net/health-tips-here-is-the-best-way-to-resolve-the-dark-circle-around-eye