ಸಾಮಾನ್ಯ ತಲೆನೋವು vs ಮೈಗ್ರೇನ್: ಲಕ್ಷಣಗಳಲ್ಲಿದೆ ದೊಡ್ಡ ವ್ಯತ್ಯಾಸ, ನಿರ್ಲಕ್ಷಿಸಿದರೆ ಅಪಾಯ ಕಟ್ಟಿಟ್ಟ ಬುತ್ತಿ! Headache Vs Migraine

ಸಾಮಾನ್ಯ ತಲೆನೋವು ಮತ್ತು ಮೈಗ್ರೇನ್‌ಗಳ ಲಕ್ಷಣಗಳು, ಕಾರಣಗಳು ಮತ್ತು ಚಿಕಿತ್ಸೆಗಳು ಸಂಪೂರ್ಣವಾಗಿ ವಿಭಿನ್ನವಾಗಿವೆ. ಆದ್ದರಿಂದ, ಎರಡರ ನಡುವಿನ ವ್ಯತ್ಯಾಸವನ್ನು ತಿಳಿದುಕೊಳ್ಳುವುದು ಬಹು ಮುಖ್ಯವಾಗಿದೆ.

ಸಾಮಾನ್ಯ ತಲೆನೋವು ಮೂಲತಃ ಒತ್ತಡದ ತಲೆನೋವು. ಇದರಲ್ಲಿ ತಲೆಯ ಎರಡೂ ಬದಿ, ಹಣೆಯಲ್ಲಿ ಮತ್ತು ತಲೆಯ ಹಿಂಭಾಗದಲ್ಲಿ ನೋವು ಕಂಡುಬರುತ್ತದೆ. ಕೆಲವು ಜನರಲ್ಲಿ, ಈ ನೋವು ಕುತ್ತಿಗೆಗೆ ಸಹ ಹರಡಬಹುದು. ನೋವಿನ ತೀವ್ರತೆ ಕೆಲವೊಮ್ಮೆ ಸೌಮ್ಯವಾಗಿರಬಹುದು, ಕೆಲವೊಮ್ಮೆ ತೀವ್ರತೆಯನ್ನು ಪಡೆಯಬಹುದು.

ಆದಾಗ್ಯೂ, ಈ ನೋವು ಸಾಮಾನ್ಯವಾಗಿ ನಡಿಗೆ ಅಥವಾ ದೈನಂದಿನ ಚಟುವಟಿಕೆಗಳಿಂದ ಹೆಚ್ಚಾಗುವುದಿಲ್ಲ. ಅದರ ಹೊರತಾಗಿ, ನೋವು ಬೆಳಿಗ್ಗೆ ಹೆಚ್ಚು ಮತ್ತು ಮಧ್ಯಾಹ್ನ ಕಡಿಮೆ ಇರುತ್ತದೆ. ನಿರ್ದಿಷ್ಟ ನಿಯಮವನ್ನು ಅನುಸರಿಸಿದ ನಂತರವೂ ಇದು ಸಂಭವಿಸುವುದಿಲ್ಲ.

ಸಾಮಾನ್ಯವಾಗಿ, ಈ ತಲೆನೋವು ಮಾನಸಿಕ ಒತ್ತಡ, ಆಯಾಸ, ಮೊಬೈಲ್ ಅಥವಾ ಲ್ಯಾಪ್‌ಟಾಪ್ ಪರದೆಯನ್ನು ದೀರ್ಘಕಾಲ ನೋಡುವುದು, ತಪ್ಪಾಗಿ ಕುಳಿತುಕೊಳ್ಳುವ ಭಂಗಿ ಅಥವಾ ನಿದ್ರಾಹೀನತೆಯಿಂದ ಉಂಟಾಗಬಹುದು. ಈ ವೇಳೆ ನೀವು ಸ್ವಲ್ಪ ವಿಶ್ರಾಂತಿ ಪಡೆದುಕೊಳ್ಳುವುದು ಅಥವಾ ನೋವು ನಿವಾರಕಗಳನ್ನು ತೆಗೆದುಕೊಳ್ಳುವುದರಿಂದ ಈ ನೋವನ್ನು ಗುಣಪಡಿಸಿಕೊಳ್ಳಬಹುದಾಗಿದೆ.

ವೈದ್ಯರು ಹೇಳುವ ಪ್ರಕಾರ, ಮೈಗ್ರೇನ್ ಸಾಮಾನ್ಯ ತಲೆನೋವು ಅಲ್ಲ ಇದು ತಲೆಯ ಯಾವುದಾದರೂ ಒಂದು ಬದಿಯಲ್ಲಿ ತೀವ್ರವಾದ ತುಡಿತದಂತಹ (Throbbing Pain) ನೋವನ್ನು ಉಂಟುಮಾಡುತ್ತದೆ. ಇದರೊಂದಿಗೆ ವಾಕರಿಕೆ, ವಾಂತಿ, ಪ್ರಕಾಶಮಾನವಾದ ಬೆಳಕು ಮತ್ತು ಜೋರಾದ ಶಬ್ದವನ್ನು ತಡೆಯಲಾಗದ ಕಿರಿಕಿರಿ (Sensitivity) ಉಂಟಾಗುತ್ತದೆ. ಇದು ವೇಗವಾಗಿ ನಡೆಯುವುದು, ಮೆಟ್ಟಿಲು ಹತ್ತುವುದು ಅಥವಾ ಶಾರೀರಿಕ ಶ್ರಮ ವಹಿಸುವುದರಿಂದ ನೋವಿನ ತೀವ್ರತೆ ಮತ್ತಷ್ಟು ಹೆಚ್ಚಾಗುತ್ತದೆ.

ಮೈಗ್ರೇನ್ ನೋವು ಸಾಕಷ್ಟು ನಿದ್ರೆ ಪಡೆಯದೆ ಇರುವುದರೊಂದಿಗೆ ಸಂಬಂಧ ಹೊಂದಿಲ್ಲದಿದ್ದರೂ ನಿದ್ರಾಹೀನತೆ ಮತ್ತು ಅತಿಯಾದ ಸ್ಕ್ರೀನ್​ ಸಮಯವು ಮೈಗ್ರೇನ್​ ಸಮಸ್ಯೆಯನ್ನು ಉಂಟು ಮಾಡಬಹುದು. ಆದಾಗ್ಯೂ, ಮೈಗ್ರೇನ್ ಕಡಿಮೆ ಮಾಡಲು, ತಜ್ಞ ವೈದ್ಯರ ಸಲಹೆಯೊಂದಿಗೆ ಸಂಪೂರ್ಣ ಚಿಕಿತ್ಸೆ ಪಡೆಯುವುದು ಅವಶ್ಯಕ. ಏಕೆಂದರೆ ಸರಿಯಾಗಿ ಚಿಕಿತ್ಸೆ ನೀಡದಿದ್ದರೆ, ಈ ಸಮಸ್ಯೆ ಜೀವಿತಾವಧಿಯವರೆಗೆ ಇರುತ್ತದೆ.

ನಿಮಗೆ ತಲೆ ನೋವು ಬರುತ್ತಲೇ ಇದ್ದರೆ, ಅಥವಾ ನೋವು ತುಂಬಾ ತೀವ್ರವಾಗಿದ್ದರೆ, ಮೊದಲಿಗಿಂತಲೂ ಹೆಚ್ಚಾಗಿದ್ದರೆ ಅಥವಾ ಸಾಮಾನ್ಯ ಔಷಧಿಗಳನ್ನು ತೆಗೆದುಕೊಂಡರೂ ನೋವು ಕಡಿಮೆಯಾಗದಿದ್ದರೆ ವಿಳಂಬ ಮಾಡದೇ ತಕ್ಷಣವೇ ವೈದ್ಯರ ಬಳಿ ಹೋಗುವುದು ಉತ್ತಮ (ಏಜೆನ್ಸೀಸ್​).