ಲೈಫ್‌ಸ್ಟೈಲ್

ಮನೆಯ ಒಳಾಂಗಣದ ಅಂದ ಹೆಚ್ಚಿಸಲು ಈ ಐದು ಸಸ್ಯ ಬೆಳೆಸಿ; ಹೆಚ್ಚು ನೀರು ಹಾಕದಿದ್ರೂ ಬದುಕಿರುತ್ತೆ!.. Low Maintenance House Plants

Low maintenance houseplants
Low maintenance houseplants
Published on: 

ಪ್ರಮುಖ ಮುಖ್ಯಾಂಶಗಳು

  • ಸಸ್ಯಗಳನ್ನು ಬೆಳೆಸುವ ಆಶಯವಿದ್ದರೆ ಆರಂಭದಲ್ಲಿ ಒಂದೆರೆಡು ಗಿಡ ಮಾತ್ರ ತನ್ನಿ
  • ಹೆಚ್ಚಿನ ಒಳಾಂಗಣ ಗಿಡಗಳು ಅತಿಯಾದ ಆರೈಕೆ ಅಥವಾ ಅತಿಯಾದ ನೀರಿನಿಂದ ಸಾಯುತ್ತವೆ
  • ಮನಿಪ್ಲಾಂಟ್, ಪೀಸ್​ ಲಿಲ್ಲಿ, ಸ್ಪೈಡರ್​ ಪ್ಲಾಂಟ್ ಮನೆಯಲ್ಲೇ ಬೆಳೆಯಬಹುದು
Low maintenance houseplants : ಕೆಲಸದ ಒತ್ತಡದಿಂದ ಬಂದಾಗ ಕಣ್ಣಿಗೆ ಕಾಣುವ ಗಿಡಗಳು, ಅದರಲ್ಲಿರುವ ಹೂ ಮನಸ್ಸಿಗೆ ಮೂದ ನೀಡುತ್ತವೆ. ಇದರ ಜೊತೆಗೆ ಕೆಲವೊಂದು ಸಸ್ಯಗಳು ಮನೆಯ ಅಂದವನ್ನು ಹೆಚ್ಚಿಸಲು ಸಹಾಯಮಾಡುತ್ತದೆ. ಸಾಮಾನ್ಯವಾಗಿ ಎಲ್ಲರಿಗೂ ಮನಿ ಪ್ಲಾಂಟ್​, ಸ್ನೇಕ್​ ಪ್ಲಾಂಟ್ ಸೇರಿದಂತೆ ಮನೆ ಒಳಂಗಾಣದಲ್ಲಿ ಬೆಳೆಯಬಹುದಾದ ಗಿಡವನ್ನು ಬೆಳೆಯಲು ಇಚ್ಛಿಸುತ್ತಾರೆ. ಆದರೆ, ಕೆಲವೊಮ್ಮೆ ಅವಕ್ಕೆ ಸಮಯ ಕೊಡದೆ ಇದ್ದಾಗ ಅವು ಒಣಗಿ ಹೋಗಿ ಬೇಸರ ಆಗೋದು ನಿಜ.
ನೀವು ಗಿಡಗಳನ್ನು ಬೆಳೆಸಲು ಹೆಣಗಾಡುತ್ತಿದ್ದರೆ ಐದು ಒಳಾಂಗಣ ಸಸ್ಯ ಬೆಳೆಯೋದು ಹೇಗೆ, ಅವುಗಳ ಪೋಷಣೆ ಮಾಡೋದು ಹೇಗೆ ಅನ್ನೋದನ್ನ ಈ ಲೇಖದಲ್ಲಿ ವಿವರಿಸಲಾಗಿದೆ.

ಸ್ನೇಕ್ ಪ್ಲಾಂಟ್​

ಇದು ಗಟ್ಟಿಮುಟ್ಟಾದ ಗಿಡ. ಯಾವುದೇ ಸ್ಥಳವಾಗಿರಲಿ ಹೊಂದುಕೊಳ್ಳುತ್ತದೆ. ಕಡಿಮೆ ಬೆಳಕಿರುವ ಕಚೇರಿ ಅಥವಾ ಮನೆಯ ಮೂಲೆಗಳಲ್ಲಿ ಇದು ಚೆನ್ನಾಗಿ ಬೆಳೆಯುತ್ತದೆ. ಮಣ್ಣು ಪೂರ್ತಿಯಾಗಿ ಒಣಗಿದಾಗ ಮಾತ್ರ ನೀರು ಹಾಕಿದರೆ ಸಾಕು. ಅತಿಯಾಗಿ ನೀರು ಹಾಕುವುದರಿಂದ ಮಾತ್ರ ಈ ಗಿಡಕ್ಕೆ ಹಾನಿಯಾಗಬಹುದು.

ಮನಿ ಪ್ಲಾಂಟ್

ಇದನ್ನು 'ಡೆವಿಲ್ಸ್ ಐವಿ' ಎಂತಲೂ ಮನಿ ಪ್ಲಾಂಟ್​ ಅನ್ನು ಕರೆಯುತ್ತಾರೆ. ಹಿಂದೂ ಪುರಾಣದ ಪ್ರಕಾರ ಇದರಿಂದ ಹಣ ಹೆಚ್ಚಾಗಿಸುವ ಸಸ್ಯ ಎನ್ನುತ್ತಾರೆ. ಇದು ಎಲ್ಲಾ ರೀತಿಯ ಬೆಳಕಿನ ಪರಿಸ್ಥಿತಿಗಳಿಗೆ ಹೊಂದಿಕೊಳ್ಳುತ್ತದೆ. ಇದರ ವಿಶೇಷವೆಂದರೆ, ನೀರು ಬೇಕಾದಾಗ ಇದರ ಎಲೆಗಳು ಸ್ವಲ್ಪ ಬಾಗುತ್ತವೆ, ಇದು ನಿಮಗೆ ನೀರು ಹಾಕಲು ನೆನಪಿಸುವ ಸಂಕೇತವಾಗಿದೆ.

ಝಡ್ ಝಡ್ ಪ್ಲಾಂಟ್

ಹೆಚ್ಚು ಸಮಯ ಸಿಗದ ಉದ್ಯೋಗಿಗಳಿಗೆ ಇದು ಹೇಳಿ ಮಾಡಿಸಿದ ಗಿಡ. ಇದು ತುಂಬಾ ನಿಧಾನವಾಗಿ ಬೆಳೆಯುವುದರಿಂದ ಪದೇ ಪದೇ ಕತ್ತರಿಸುವ ಅಥವಾ ಕುಂಡ ಬದಲಿಸುವ ಅವಶ್ಯಕತೆ ಇರುವುದಿಲ್ಲ. ಅನಿಮಿತ ನೀರು ಮತ್ತು ಕಡಿಮೆ ಬೆಳಕಿನಲ್ಲೂ ಇದು ಕಂಗೊಳಿಸುತ್ತದೆ.

ಸ್ಪೈಡರ್ ಪ್ಲಾಂಟ್

ಸ್ಪೈಡರ್ ಪ್ಲಾಂಟ್ ತನ್ನ ಅಗತ್ಯಗಳನ್ನು ಸ್ಪಷ್ಟವಾಗಿ ತಿಳಿಸುತ್ತದೆ. ತೇವಾಂಶ ಕಡಿಮೆಯಾದಾಗ ಇದರ ಎಲೆಗಳು ಸೂಚನೆ ನೀಡುತ್ತವೆ. ವಿಶೇಷವೆಂದರೆ, ಈ ಗಿಡದ ಕೊನೆಯಲ್ಲಿ ಸಣ್ಣ ಸಣ್ಣ ಗಿಡಗಳು ಬೆಳೆಯುತ್ತವೆ, ಅವುಗಳನ್ನು ಕತ್ತರಿಸಿ ನೀವು ಹೊಸ ಗಿಡಗಳನ್ನು ಸುಲಭವಾಗಿ ಸಿದ್ಧಪಡಿಸಬಹುದು.

ಪೀಸ್ ಲಿಲಿ

ನೋಡಲು ನಾಜೂಕಾಗಿದ್ದರೂ ಇದು ತುಂಬಾ ಗಟ್ಟಿ ಸಸ್ಯ. ಬೆಳಕು ಕಡಿಮೆ ಇದ್ದರೂ ಇದು ಹೂ ಬಿಡುತ್ತದೆ. ನೀರು ಬೇಕಾದಾಗ ಇದರ ಎಲೆಗಳು ಪೂರ್ತಿಯಾಗಿ ಕೆಳಕ್ಕೆ ವಾಲುವುದರಿಂದ ಹೊಸಬರಿಗೆ ಇದನ್ನು ಗುರುತಿಸುವುದು ತುಂಬಾ ಸುಲಭ, (ಏಜೆನ್ಸೀಸ್​)
house plants
ಮನೆ ಒಳಂಗಾಣದಲ್ಲಿ ಬೆಳೆಯಬಹುದಾದ ಗಿಡಗಳು
ಗಾರ್ಡನಿಂಗ್ ಟಿಪ್ಸ್
indoor plants for beginners
low maintenance houseplants
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net