145 ರಿಂದ 90 ಕೆಜಿ! ಈ 7 ಆಹಾರಗಳನ್ನು ಬಿಟ್ಟು ಅಸಾಧ್ಯವಾದುದನ್ನು ಸಾಧ್ಯವಾಗಿಸಿದ ಮುಂಬೈ ಬೆಡಗಿ.. Weight Loss Journey

ಆದಾಗ್ಯೂ, 145 ಕೆಜಿಯಿಂದ 90 ಕೆಜಿಗೆ ತೂಕ ಇಳಿಸಿಕೊಂಡ ಫಿಟ್ನೆಸ್​ ಪ್ರಭಾವಿ ಡಾಲಿ ತೂಕ ಇಳಿಸಿಕೊಳ್ಳುವ ಸಮಯದಲ್ಲಿ ತಿನ್ನುವುದನ್ನು ನಿಲ್ಲಿಸಿದ ಏಳು ಆಹಾರಗಳನ್ನು ಹಂಚಿಕೊಂಡಿದ್ದು, ತಮ್ಮ ಇನ್​ಸ್ಟಾಗ್ರಾಮ್​ ಪೋಸ್ಟ್​ನಲ್ಲಿ ಈ ಆಹಾರ ಬದಲಾವಣೆಗಳು ಹೆಚ್ಚುವರಿ ಕ್ಯಾಲೊರಿಗಳನ್ನು ಕಡಿಮೆ ಮಾಡಲು ಮತ್ತು ತಮ್ಮ ಗುರಿಗಳೊಂದಿಗೆ ಸ್ಥಿರವಾಗಿರಿಸಲು ಸಹಾಯ ಮಾಡುತ್ತದೆ ಎಂದು ಬರೆದುಕೊಂಡಿದ್ದಾರೆ. ಹಾಗಿದ್ದರೆ, ತೂಕ ಇಳಿಸಲು ಸಹಾಯ ಮಾಡುವ ಆಹಾರಗಳು ಯಾವುದು ಎಂದು ನೋಡೋಣ ಬನ್ನಿ...

ತೂಕ ಇಳಿಸಲು ತೀರ್ಮಾನಿಸಿದ ಡಾಲಿ ತನ್ನ ಆಹಾರದಿಂದ ಸಂಪೂರ್ಣವಾಗಿ ಸಕ್ಕರೆ ಪಾನೀಯಗಳನ್ನು ಹೊರಗಿಟ್ಟಳು. ಏಕೆಂದರೆ, ಅವುಗಳಲ್ಲಿ ಹೆಚ್ಚಿನ ಸಕ್ಕರೆ ಅಂಶವಿರುತ್ತದೆ. ಇವುಗಳ ಅತಿಯಾದ ಸೇವನೆಯು ದೇಹದಲ್ಲಿ ತೂಕ ಹೆಚ್ಚಾಗಲು ಕಾರಣವಾಗಬಹುದು. ಹಾಗಾಗಿ ಅವುಗಳ ಬದಲಿಗೆ ನಿಂಬೆ ನೀರು, ತೆಂಗಿನ ನೀರು ಮತ್ತು ಸಿಹಿಗೊಳಿಸದ ಹಸಿರು ಚಹಾದಂತಹ ಪರ್ಯಾಯಗಳಿಗೆ ಬದಲಾಯಿಸಿರುವುದಾಗಿ ತಿಳಿಸಿದ್ದಾರೆ.

ಸಂಸ್ಕರಿಸಿದ ಕಾರ್ಬೋಹೈಡ್ರೇಟ್‌ಗಳು ರಕ್ತದಲ್ಲಿನ ಸಕ್ಕರೆ ಮಟ್ಟದಲ್ಲಿ ತ್ವರಿತ ಏರಿಕೆಗೆ ಕಾರಣವಾಗುತ್ತವೆ. ಈ ಕಾರಣದಿಂದಾಗಿ ಬಿಳಿ ಬ್ರೆಡ್​ನ್ನು ಆಹಾರದಿಂದ ಹೊರಗಿಡಲಾಗಿದೆ ಎಂದು ಪ್ರಭಾವಿ ಹೇಳಿಕೊಂಡಿದ್ದಾರೆ. ಇದರ ಬದಲಿಗೆ ಸಂಪೂರ್ಣ ಗೋಧಿ ಬ್ರೆಡ್, ಮಲ್ಟಿಗ್ರೇನ್ ಬ್ರೆಡ್ ಮತ್ತು ಓಟ್ಸ್‌ನೊಂದಿಗೆ ಬದಲಾಯಿಸಿದರು.

ಹೆಚ್ಚಿನ ಉಪ್ಪಿನ ಅಂಶ ಮತ್ತು ಕ್ಯಾಲೋರಿ ಸಾಂದ್ರತೆಯಿಂದಾಗಿ ಅವಳು ಚಿಪ್ಸ್ ಮತ್ತು ಪ್ಯಾಕ್ ಮಾಡಿದ ತಿಂಡಿಗಳನ್ನು ತಿನ್ನುವುದನ್ನು ಬಿಡುವುದನ್ನು ಉತ್ತಮ ನಿರ್ಧಾರ ಎಂದು ಭಾವಿಸಿದ ಅವರು, ಅವುಗಳ ಬದಲಿಗೆ ಹುರಿದ ಮಖಾನಾ, ಹುರಿದ ಕಡಲೆ ಮತ್ತು ಬಾದಾಮಿ, ಗೋಡಂಬಿಯನ್ನು ಮಿತವಾಗಿ ಬಳಸುವುದಾಗಿ ತಿಳಿಸಿದರು.

ಕೊಬ್ಬು, ಉಪ್ಪು ಮತ್ತು ಕ್ಯಾಲೋರಿಗಳ ಸಂಯೋಜನೆಯಿಂದಾಗಿ ಫಾಸ್ಟ್ ಫುಡ್ ಅನ್ನು ತೆಗೆದುಹಾಕಲಾಯಿತು. ಅದರ ಬದಲಿಗೆ ಪನೀರ್ ಸ್ಯಾಂಡ್‌ವಿಚ್‌ಗಳು, ಗೋಧಿ ವೆಜ್​ ರೋಲ್​ ಮತ್ತು ಮನೆಯಲ್ಲೇ ತಯಾರಿಸಿದ ಊಟಗಳಂತಹ ಆರೋಗ್ಯಕರ ಪರ್ಯಾಯಗಳನ್ನು ಸೇವಿಸುವುದಾಗಿ ಡಾಲಿ ಹೇಳಿಕೊಂಡಿದ್ದಾರೆ.

ಐಸ್ ಕ್ರೀಮ್ ನಲ್ಲಿ ಸಕ್ಕರೆ ಮತ್ತು ಕ್ಯಾಲೋರಿಗಳು ಹೆಚ್ಚಾಗಿ ಇರುವುದರಿಂದ ಅದನ್ನು ಆಹಾರದಿಂದ ಕೈಬಿಡುವುದಾಗಿ ಹೇಳಿಕೊಂಡರು. ಅವುಗಳ ಬದಲಿಗೆ ಗ್ರೀಕ್ ಮೊಸರು ಮತ್ತು ಹಣ್ಣುಗಳು, ಹೆಪ್ಪುಗಟ್ಟಿದ ಬಾಳೆಹಣ್ಣಿನ ಸ್ಮೂಥಿಗಳು ಅಥವಾ ಸಣ್ಣ ಭಾಗಗಳ ಡಾರ್ಕ್ ಚಾಕೊಲೇಟ್​ನೊಂದಿಗೆ ಅವಳು ತನ್ನ ಕಡುಬಯಕೆಗಳನ್ನು ನಿಲ್ಲಿಸಿಕೊಂಡಳು.