ನಾಲಿಗೆಯಲ್ಲಿ ನೀರೂರಿಸುವ ಆಂಧ್ರಾ ಶೈಲಿಯ ಸ್ಪೈಸಿ ಮಟನ್​ ಉಪ್ಪಿನಕಾಯಿ ಈಗ ಮನೆಯಲ್ಲೇ..Mutton pickles

* 1 ಕೆಜಿ ಬೋನ್‌ಲೆಸ್ ಮಟನ್

* 2.5 ಕಪ್ ಅಡುಗೆ ಎಣ್ಣೆ

* ರುಚಿಗೆ ತಕ್ಕಷ್ಟು ಉಪ್ಪು

* 1 ಟೀ ಸ್ಪೂನ್ ಅರಿಶಿನ

* 2-3 ಟೇಬಲ್ ಸ್ಪೂನ್ ಶುಂಠಿ ಬೆಳ್ಳುಳ್ಳಿ ಪೇಸ್ಟ್

* 4-6 ಟೇಬಲ್ ಸ್ಪೂನ್ ಕೆಂಪು ಮೆಣಸಿನ ಪುಡಿ

* 2 ಟೇಬಲ್ ಸ್ಪೂನ್ ಧನಿಯಾ ಪುಡಿ

* 1 ಟೀ ಸ್ಪೂನ್ ಜೀರಿಗೆ ಪುಡಿ

* 1 ಟೀ ಸ್ಪೂನ್ ಗರಂ ಮಸಾಲಾ ಪುಡಿ

* 1 ಟೇಬಲ್ ಸ್ಪೂನ್ ಸಾಸಿವೆ

* ½ ಟೀ ಸ್ಪೂನ್ ಮೆಂತ್ಯ

* ಒಂದು ಚಿಟಿಕೆ ಇಂಗು

* ಕರಿಬೇವು

* 2-3 ಟೇಬಲ್ ಸ್ಪೂನ್ ನಿಂಬೆ ರಸ

ಮಟನ್ ತುಂಡುಗಳನ್ನು ಚೆನ್ನಾಗಿ ತೊಳೆದು, ಅದಕ್ಕೆ ಉಪ್ಪು, ಅರಿಶಿನ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಸ್ವಲ್ಪ ವಿನೆಗರ್ ಬೆರೆಸಿ 30-60 ನಿಮಿಷ ನೆನಸಿಡಿ. ನಂತರ ಕುಕ್ಕರ್‌ನಲ್ಲಿ ಮಟನ್ ಹಾಕಿ, ಸ್ವಲ್ಪ ನೀರು ಸೇರಿಸಿ 4-5 ವಿಸಲ್‌ ಒಡೆಸಿ ಮೃದುವಾಗಿ ಬೇಯಿಸಿಕೊಳ್ಳಿ. ನೀರು ಒಣಗಿಸಿ ಮಟನ್ ತುಂಡುಗಳನ್ನು ತೆಗೆದಿಡಿ.

ಒಂದು ಕಡಾಯಿಯಲ್ಲಿ ಎಣ್ಣೆಯನ್ನು ಬಿಸಿ ಮಾಡಿ, ಮಟನ್ ತುಂಡುಗಳನ್ನು ಗೋಲ್ಡನ್ ಬ್ರೌನ್ ಆಗುವವರೆಗೆ ಡೀಪ್ ಫ್ರೈ ಮಾಡಿ ತೆಗೆದಿಟ್ಟುಕೊಳ್ಳಿ. ಅದೇ ಎಣ್ಣೆಗೆ ಸಾಸಿವೆ, ಮೆಂತ್ಯ, ಹಿಂಗ್, ಕರಿಬೇವು, ಒಣಗಿದ ಕೆಂಪು ಮೆಣಸಿನಕಾಯಿ ಹಾಕಿ ಹುರಿದುಕೊಳ್ಳಿ.

ನಂತರ ಕೆಂಪು ಮೆಣಸಿನ ಪುಡಿ, ಧನಿಯಾ, ಜೀರಿಗೆ, ಗರಂ ಮಸಾಲಾ ಸೇರಿಸಿ ಕಡಿಮೆ ಜ್ವಾಲೆಯಲ್ಲಿ 1-2 ನಿಮಿಷ ಹುರಿಯಿರಿ. ಈಗ ಫ್ರೈ ಮಾಡಿದ ಮಟನ್ ತುಂಡುಗಳನ್ನು ಸೇರಿಸಿ ಚೆನ್ನಾಗಿ ಕಲಸಿ. ನಿಂಬೆ ರಸ ಸೇರಿಸಿ ಸ್ವಲ್ಪ ಸಮಯದವರೆಗೆ ಬಿಟ್ಟು ತಣ್ಣಗಾಗಲು ಬಿಡಿ. ನಂತರ ಸ್ವಚ್ಛ ಗಾಜಿನ ಜಾರ್​ಗೆ ತುಂಬಿ 2-3 ದಿನಗಳ ಕಾಲ ಮುಚ್ಚಿಡಿ. 1 ವಾರದ ನಂತರ ಊಟದೊಂದಿಗೆ ಸವಿಯಿರಿ. ಫ್ರಿಜ್‌ನಲ್ಲಿ ಇಟ್ಟರೆ 6 ತಿಂಗಳುವರೆಗೆ ಉಳಿಯುತ್ತದೆ. (ಏಜೆನ್ಸೀಸ್​).