ಉತ್ತರ ಕರ್ನಾಟಕದ ಅಪ್ಪಟ ರುಚಿ: ಕೇವಲ 10 ನಿಮಿಷದಲ್ಲಿ ಸಿದ್ಧವಾಗುತ್ತೆ ಈ ಸೂಸ್ಲ! Susla

* 4-5 ಕಪ್ ಮಂಡಕ್ಕಿ / ಚುರುಮುರಿ

* 1 ಈರುಳ್ಳಿ

* 1-2 ಟೊಮೇಟೊ

* 2-3 ಹಸಿ ಮೆಣಸಿನಕಾಯಿ

* 8-10 ಎಲೆ ಕರಿಬೇವು

* 1 ಚಮಚ ಸಾಸಿವೆ

* 4-5 ಕಲ್ಲು ಬೆಳ್ಳುಳ್ಳಿ

* ½ ಚಮಚ ಹಳದಿ ಪುಡಿ

* ಉಪ್ಪು

* 2-3 ಚಮಚ ಎಣ್ಣೆ

* 1 ಚಮಚ ಲಿಂಬೆ ರಸ

* ಕೊತ್ತಂಬರಿ ಸೊಪ್ಪು

ಮೊದಲು ಮಂಡಕ್ಕಿಯನ್ನು ಚೆನ್ನಾಗಿ ತೊಳೆಯಿರಿ. ನಂತರ 2-3 ನಿಮಿಷ ನೆನೆಯಲು ಬಿಡಿ ನಂತರ ನೀರಿನಿಂದ ಮಂಡಕ್ಕಿಯನ್ನು ತೆಗೆದು ಇಟ್ಟುಕೊಳ್ಳಿ. ಒಂದು ಕಡಾಯಿಗೆ ಸ್ವಲ್ಪ ಎಣ್ಣೆ ಹಾಕಿ ಅದಕ್ಕೆ ಸಾಸಿವೆ, ಜೀರಿಗೆ, ಕರಿಬೇವು, ಬೆಳ್ಳುಳ್ಳಿ ಸೇರಿಸಿ ಸ್ವಲ್ಪ ಹುರಿದುಕೊಳ್ಳಿ. ನಂತರ ಅದಕ್ಕೆ ಈರುಳ್ಳಿ ಹಾಕಿ ಬೇಯಿಸಿಕೊಳ್ಳಿ.

ಇದಾದ ಬಳಿಕ ಟೊಮೊಟೋ, ಅರಿಶಿನ ಮತ್ತು ಉಪ್ಪು ಸೇರಿಸಿ ಮಿಕ್ಸ್​ ಮಾಡಿಕೊಳ್ಳಿ. ಈಗ ನೆನಸಿದ ಮಂಡಕ್ಕಿ ಸೇರಿಸಿ. ಚೆನ್ನಾಗಿ ಕಲೆಸಿ 3-4 ನಿಮಿಷ ಕಡಿಮೆ ಜ್ವಾಲೆಯಲ್ಲಿ ಬೇಯಿಸಿ. ಕೊನೆಯಲ್ಲಿ ಲಿಂಬೆ ರಸ ಹಿಂಡಿ, ಕೊತ್ತಂಬರಿ ಸೊಪ್ಪು ಸೇರಿಸಿ ಕಲೆಸಿ ತಕ್ಷಣವೇ ಸೇವಿಸಿ (ಏಜೆನ್ಸೀಸ್).