ಕೇವಲ 15 ನಿಮಿಷಗಳಲ್ಲಿ ಸಿದ್ಧವಾಗುತ್ತೆ ಈ ಹೆಲ್ದೀ ವೆಜ್ ರೋಲ್; ಇಲ್ಲಿದೆ ಸುಲಭ ವಿಧಾನ! Veg roll

* 1½ ಕಪ್ ಗೋಧಿ ಹಿಟ್ಟು

* ½ ಚಮಚ ಮೆಣಸಿನ ಪುಡಿ

* 1 ಚಮಚ ಧನಿಯ ಪುಡಿ

* 1 ಚಮಚ, ಗರಮ್ ಮಸಾಲಾ

* ½ ಚಮಚ, ಚಾಟ್ ಮಸಾಲಾ

* 1 ಕಪ್ ಕ್ಯಾರೆಟ್

* 1 ಕಪ್ ಕ್ಯಾಬೇಜ್

* 1 ಕಪ್ ಕ್ಯಾಪ್ಸಿಕಂ

* 1 ಟೊಮೇಟೊ

* ಹಸಿ ಬಟಾಣಿ

* 2 ಚಮಚ ಎಣ್ಣೆ

* ½ ಚಮಚ ಜೀರಿಗೆ

* ¼ ಚಮಚ ಅರಿಶಿಣ

* ಕೊತ್ತಂಬರಿ ಸೊಪ್ಪು

* ಸ್ವಲ್ಪ ಉಪ್ಪು

* ನೀರು

ಮೊದಲು ಒಂದು ಬೌಲ್​ಗೆ ಗೋಧಿ ಹಿಟ್ಟು ಹಾಕಿ ಅದಕ್ಕೆ ಸ್ವಲ್ಪ ಎಣ್ಣೆ ಸೇರಿಸಿ ನೀರಿನಿಂದ ಮೃದುವಾದ ಹಿಟ್ಟು ಮಾಡಿ. 15- 20 ನಿಮಿಷ ನೆನೆಯಲು ಬಿಡಿ. ನಂತರ ಸಣ್ಣ ಉಂಡೆಗಳಾಗಿ ತೆಗೆದು ಅದನ್ನು ಚಪಾತಿ ಹದಕ್ಕೆ ಉದ್ದಿಕೊಂಡು ಎರಡೂ ಬದಿಯನ್ನು ಎಣ್ಣೆ ಹಚ್ಚಿಕೊಂಡು ಬೇಯಿಸಿಕೊಳ್ಳಿ.

ನಂತರ ಒಂದು ಪ್ಯಾನ್​ಗೆ ಎಣ್ಣೆ ಹಾಕಿ ಅದಕ್ಕೆ ಜೀರಿಗೆ, ಈರುಳ್ಳಿ ಹಾಕಿ ಕೆಂಪು ಬಣ್ಣ ಬರುವವರೆಗೂ ಹುರಿಯಿರಿ. ನಂತರ ಅದಕ್ಕೆ ಕ್ಯಾರೆಟ್, ಕ್ಯಾಬೇಜ್, ಕ್ಯಾಪ್ಸಿಕಂ ಹಾಕಿ 4-5 ನಿಮಿಷ ಹುರಿಯಿರಿ. ಈಗ ಎಲ್ಲಾ ಮಸಾಲೆ ಪುಡಿಗಳನ್ನು ಸೇರಿಸಿ ಕೊತ್ತುಂಬರಿ ಸೊಪ್ಪು ಸೇರಿಸಿ ಮಿಕ್ಸ್​​ ಮಾಡಿ.

ಇದಾದ ಬಳಿಕ ಬಿಸಿ ರೋಟಿಯ ಮೇಲೆ ಹಸಿರು ಚಟ್ನಿ ಅಥವಾ ಕೆಚಪ್ ಹಚ್ಚಿರಿ. ಅದರ ಮಧ್ಯದಲ್ಲಿ ತಯಾರಿಸಿದ ಮಿಶ್ರಣ ಇಟ್ಟು ಸಣ್ಣಗೆ ಕತ್ತರಿಸಿದ ಈರುಳ್ಳಿ + ನಿಂಬೆ ರಸ ಸೇರಿಸಿ ರೋಲ್​ ಮಾಡಿ ಸವಿಯಿರಿ (ಏಜೆನ್ಸೀಸ್​).