ಹೋಟೆಲ್ ಪದಾರ್ಥ ಬಿಡಿ, ಮನೆಯಲ್ಲೇ ಗಮ್ಮತ್ತಾದ ಕಾಜು ಪನೀರ್ ಕಡಾಯಿ ಮಾಡಿ! Kaju Paneer Kadai

* 200 ಗ್ರಾಂ ಪನ್ನೀರ್

* 15–20 ಗೋಡಂಬಿ

* 3 ಟೇಬಲ್ ಸ್ಪೂನ್ ತುಪ್ಪ

* 3-4 ಲವಂಗ

* 2 ಏಲಕ್ಕಿ

* 1 ಚಮಚ ಜೀರಿಗೆ

* 2 ಈರುಳ್ಳಿ

* 1 ½ ಚಮಚ ಬೆಳ್ಳುಳ್ಳಿ-ಶುಂಠಿ ಪೇಸ್ಟ್

* 3-4 ಟೊಮ್ಯಾಟೋ

* ½ ಚಮಚ ಅರಿಶಿಣ

* 1–1½ ಚಮಚ ಮೆಣಸಿನ ಪುಡಿ

* 1 ಚಮಚ ಧನಿಯ ಪುಡಿ

* ½ ಚಮಚ ಜೀರಿಗೆ ಪುಡಿ

* ¾ ಚಮಚ ಗರಂ ಮಸಾಲಾ

* 1 ಚಮಚ ಕಸೂರಿ ಮೆಥಿ

* ಉಪ್ಪು

* 1 ಕಪ್ ನೀರು

* ಕೊತ್ತುಂಬರಿ ಸೊಪ್ಪು

ಮೊದಲು ಒಂದು ಬಾಣಲಿಯಲ್ಲಿ 10–12 ಕಾಜುಗಳನ್ನು ಸ್ವಲ್ಪ ತುಪ್ಪ ಸೇರಿಸಿ ಹುರಿದುಕೊಳ್ಳಿ. ಅದೇ ಕಡಾಯಿಗೆ 1 ಟೇಬಲ್ ಸ್ಪೂನ್ ಎಣ್ಣೆ ಹಾಕಿ, ಪನ್ನೀರ್ ಕ್ಯೂಬ್‌ಗಳನ್ನು ಸ್ವಲ್ಪ ಹುರಿದು ತೆಗೆದಿಟ್ಟುಕೊಳ್ಳಿ. ನಂತರ ಅದೇ ಬಾಣಲೆಗೆ ಲವಂಗ, ಏಲಕ್ಕಿ, ಜೀರಿಗೆ ಹಾಕಿ ಸುಗಂಧ ಬರುವವರೆಗೆ ಹುರಿದುಕೊಳ್ಳಿ. ನಂತರ ಈರುಳ್ಳಿ, ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ ಸ್ವಲ್ಪ ಫ್ರೈ ಮಾಡಿಕೊಳ್ಳಿ.

ಆ ಮಿಶ್ರಣಕ್ಕೆ ಮೊದಲು ರುಬ್ಬಿಕೊಂಡಿರುವ ಕಾಜು ಪೇಸ್ಟ್, ಟೊಮೊಟೋ, ಉಪ್ಪು, ನೀರು ಸೇರಿಸಿ ಚೆನ್ನಾಗಿ ಬೇಯಿಸಿಕೊಳ್ಳಿ. ಈ ಮಿಶ್ರಣಕ್ಕೆ ಗರಂ ಮಸಾಲಾ, ಕಸೂರಿ ಮೇಥಿ ಸೇರಿಸಿರಿ. ಹುರಿದ ಪನ್ನೀರ್ ಮತ್ತು ಕಾಜು ಸೇರಿಸಿ 2 ನಿಮಿಷ ಕುದಿಸಿ. ಗ್ರೇವಿ ದಪ್ಪವಾಗಬೇಕು, ತುಂಬಾ ತೆಳುವಾಗಬಾರದು. ಕೊತ್ತುಂಬರಿ ಸೊಪ್ಪು ಸೇರಿಸಿ ರೊಟ್ಟಿ, ಚಪಾತಿಯೊಂದಿಗೆ ಸೇವಿಸಿರಿ (ಏಜೆನ್ಸೀಸ್​).