ಉಪವಾಸದ ವೇಳೆ ಹೊಟ್ಟೆ ತುಂಬಿರಬೇಕೆ? ಸಬ್ಬಕ್ಕಿ ಪಾಯಸಕ್ಕಿಂತ ಬೆಸ್ಟ್ ಮತ್ತೊಂದಿಲ್ಲ.. Sabudana Kheer

* ½ ಕಪ್ ಸಬ್ಬಕ್ಕಿ

* 3 ರಿಂದ 4 ಕಪ್ ಹಾಲು

* ½ ಕಪ್ ಸಕ್ಕರೆ

* ½ ಚಮಚ ಏಲಕ್ಕಿ ಪುಡಿ

* ಗೋಡಂಬಿ ಮತ್ತು ದ್ರಾಕ್ಷಿ

* 2 ಚಮಚ ತುಪ್ಪ

* ಸ್ವಲ್ಪ ಕೇಸರಿ ದಳ

ಮೊದಲು ಸಬ್ಬಕ್ಕಿಯನ್ನು ಚೆನ್ನಾಗಿ ತೊಳೆದು, 1 ಗಂಟೆ ಕಾಲ ನೀರಿನಲ್ಲಿ ನೆನೆಸಿಡಿ. ನಂತರ ಒಂದು ಪಾತ್ರೆಯಲ್ಲಿ 2 ಕಪ್ ನೀರು ಹಾಕಿ ಕುದಿಯಲು ಬಿಡಿ. ನೀರು ಕುದಿ ಬಂದಾಗ ನೆನೆಸಿದ ಸಬ್ಬಕ್ಕಿಯನ್ನು ಹಾಕಿ. ನಂತರ ಅದನ್ನು ಚೆನ್ನಾಗಿ ಬೇಯಿಸಿಕೊಳ್ಳಿ.

ಸಬ್ಬಕ್ಕಿ ಬೆಂದ ನಂತರ ಅದಕ್ಕೆ ಕಾಯಿಸಿಟ್ಟ ಹಾಲನ್ನು ಸೇರಿಸಿ. ಮಧ್ಯಮ ಉರಿಯಲ್ಲಿ ಸಬ್ಬಕ್ಕಿ ಮತ್ತು ಹಾಲು ಚೆನ್ನಾಗಿ ಬೆರೆತು ಪಾಯಸ ದಪ್ಪವಾಗುವವರೆಗೆ ಕುದಿಸಿ. ತಳ ಹಿಡಿಯದಂತೆ ಕೈಯಾಡಿಸುತ್ತಾ ಇರಿ. ಪಾಯಸ ಸ್ವಲ್ಪ ದಪ್ಪಗಾದ ಮೇಲೆ ಸಕ್ಕರೆಯನ್ನು ಸೇರಿಸಿ. ಸಕ್ಕರೆ ಸಂಪೂರ್ಣವಾಗಿ ಕರಗಿದ ನಂತರ 2-3 ನಿಮಿಷ ಕುದಿಸಿ.

ಒಂದು ಸಣ್ಣ ಪ್ಯಾನ್‌ನಲ್ಲಿ ತುಪ್ಪ ಬಿಸಿ ಮಾಡಿ, ಅದಕ್ಕೆ ಗೋಡಂಬಿ ಮತ್ತು ದ್ರಾಕ್ಷಿಯನ್ನು ಹಾಕಿ ಕೆಂಪಾಗುವವರೆಗೆ ಹುರಿಯಿರಿ. ಇದನ್ನು ಪಾಯಸಕ್ಕೆ ಸೇರಿಸಿ ಮಿಕ್ಸ್ ಮಾಡಿ ಸೇವಿಸಿರಿ (ಏಜೆನ್ಸೀಸ್).