ಬ್ಯಾಚುಲರ್ಸ್​ಗಳೇ ದಿನ ಒಂದೇ ಆಹಾರ ತಿಂದು ಬೇಸರ ಆಗಿದ್ಯಾ? ಹಾಗಿದ್ದರೆ, ಈ ಕಿಚಡಿ ಒಮ್ಮೆ ಟ್ರೈ ಮಾಡಿ...Recipe

* ½ ಕಪ್ ಹೆಸರುಬೇಳೆ

* ½ ಕಪ್ ಅಕ್ಕಿ

* 1 ಈರುಳ್ಳಿ

* 1 ಟೊಮ್ಯಾಟೋ

* 2-3 ಹಸಿ ಮೆಣಸಿನಕಾಯಿ

* 1 ಇಂಚು ಶುಂಠಿ

* 2 ಟೇಬಲ್‌ಸ್ಪೂನ್ ತುಪ್ಪ ಅಥವಾ ಎಣ್ಣೆ

* 1 ಟೀಸ್ಪೂನ್ ಜೀರಿಗೆ

* ಸ್ವಲ್ಪ ಇಂಗು

* ½ ಚಮಚ ಅರಿಶಿನ

* ರುಚಿಗೆ ತಕ್ಕಷ್ಟು ಉಪ್ಪು

* 4-5 ಕಪ್ ನೀರು

* ಕೊತ್ತಂಬರಿ ಸೊಪ್ಪು

ಹೆಸರುಬೇಳೆ ಮತ್ತು ಅಕ್ಕಿಯನ್ನು ಒಟ್ಟಿಗೆ 2-3 ಬಾರಿ ಚೆನ್ನಾಗಿ ತೊಳೆದು 15-20 ನಿಮಿಷ ನೆನೆಸಿ ಇಟ್ಟುಕೊಳ್ಳಿ. ನಂತರ ಒಂದು ಕುಕ್ಕರ್​ಗೆ ಸ್ವಲ್ಪ ತುಪ್ಪ ಹಾಕಿ ಬಿಸಿ ಮಾಡಿ, ಅದಕ್ಕೆ ಇಂಗು, ಸಾಸಿವೆ, ಜೀರಿಗೆ ಹಾಕಿ ಸಿಡಿಯಲು ಬಿಡಿ ಇದಾದ ನಂತರ ಅದಕ್ಕೆ ಕತ್ತರಿಸಿದ ಈರುಳ್ಳಿ, ಹಸಿ ಮೆಣಸು, ಶುಂಠಿ ಹಾಕಿ ಚೆನ್ನಾಗಿ ಹುರಿಯಿರಿ. ನಂತರ ಟೊಮಾಟೋ ಸೇರಿಸಿ 1-2 ನಿಮಿಷ ಹುರಿಯಿರಿ. ನೆನೆಸಿದ ಬೇಳೆ-ಅಕ್ಕಿ ಹಾಕಿ, ಉಪ್ಪು ಸೇರಿಸಿ 1-2 ನಿಮಿಷ ಮಿಶ್ರಣ ಮಾಡಿ ಕೊತ್ತುಂಬರಿ ಸೇರಿಸಿ ಮುಚ್ಚಳ ಮುಚ್ಚಿ. 3-4 ಸೀಟಿ ಬರುವವರೆಗೂ ಬೇಯಿಸಿ. ನಂತರ ತುಪ್ಪ ಸೇರಿಸಿ ಊಟ ಮಾಡಿ (ಏಜೆನ್ಸೀಸ್​).