ರುಚಿಯಲ್ಲೂ ದೇಶಪ್ರೇಮ: ಗಣರಾಜ್ಯೋತ್ಸವಕ್ಕೆ ನಿಮ್ಮ ಮನೆಯಲ್ಲೇ ತಯಾರಿಸಿ ಈ ಸ್ಪೆಷಲ್ 'ತ್ರಿವರ್ಣ' ಖಾದ್ಯಗಳನ್ನು! | Republic Day

ಯಾವುದೇ ಪಾರ್ಟಿ ಅಥವಾ ಸಮಾರಂಭಕ್ಕೆ ಪನೀರ್ ಟಿಕ್ಕಾ ಹೇಳಿ ಮಾಡಿಸಿದ ಸ್ಟಾರ್ಟರ್. ಇಲ್ಲಿ ಪನೀರ್ ತುಂಡುಗಳನ್ನು ಕೇಸರಿ (ಖಾರ), ಬಿಳಿ (ಮೊಸರು) ಮತ್ತು ಹಸಿರು (ಪುದೀನ/ಕೊತ್ತಂಬರಿ) ಮಸಾಲೆಯಲ್ಲಿ ನೆನೆಸಿ ಗ್ರಿಲ್ ಮಾಡಲಾಗುತ್ತದೆ. ಇದರ ಹೊಗೆಯಾಡುವ ಪರಿಮಳ ಮತ್ತು ರುಚಿ ಅತಿಥಿಗಳ ಮನ ಗೆಲ್ಲುವುದು ಖಚಿತ.

ಆರೋಗ್ಯದ ಬಗ್ಗೆ ಕಾಳಜಿ ಇರುವವರಿಗೆ ಇದು ಅತ್ಯುತ್ತಮ ಆಯ್ಕೆ. ಕ್ಯಾರೆಟ್ (ಕೇಸರಿ), ಸೌತೆಕಾಯಿ ಅಥವಾ ಮೂಲಂಗಿ (ಬಿಳಿ) ಮತ್ತು ಹಸಿರು ತರಕಾರಿಗಳನ್ನು ಬಳಸಿ ಈ ಸಲಾಡ್ ಸಿದ್ಧಪಡಿಸಬಹುದು. ಯಾವುದೇ ಕೃತಕ ಬಣ್ಣವಿಲ್ಲದೆ ನೈಸರ್ಗಿಕವಾಗಿ ಇದು ಹಬ್ಬದ ಮೆರುಗನ್ನು ಹೆಚ್ಚಿಸುತ್ತದೆ.

ಮಕ್ಕಳ ಮೆಚ್ಚಿನ ಖಾದ್ಯವಾದ ಪಾಸ್ತಾವನ್ನು ಮೂರು ಬಗೆಯ ಸಾಸ್‌ಗಳೊಂದಿಗೆ ತಯಾರಿಸಬಹುದು. ಕೆಂಪು ಸಾಸ್ (ಟೊಮೆಟೊ), ವೈಟ್ ಸಾಸ್ (ಚೀಸ್/ಕ್ರೀಮ್) ಮತ್ತು ಗ್ರೀನ್ ಸಾಸ್ (ಪೆಸ್ಟೊ) ಬಳಸಿ ತಯಾರಿಸಿದ ಈ ಪಾಸ್ತಾ ನೋಡಲು ಆಕರ್ಷಕ ಮತ್ತು ತಿನ್ನಲು ರುಚಿಕರ. ಗಿಡಮೂಲಿಕೆಗಳ ಮಿಶ್ರಣ ಇದಕ್ಕೆ ವಿಶೇಷ ಸ್ವಾದ ನೀಡುತ್ತದೆ.

ದಕ್ಷಿಣ ಭಾರತದ ಜನಪ್ರಿಯ ಉಪಹಾರ ಇಡ್ಲಿಗೆ ಗಣರಾಜ್ಯೋತ್ಸವದ ಸ್ಪರ್ಶ ನೀಡಬಹುದು. ಕ್ಯಾರೆಟ್ ಪೇಸ್ಟ್ ಬಳಸಿ ಕೇಸರಿ ಬಣ್ಣ, ಪಾಲಕ್ ಪೇಸ್ಟ್ ಬಳಸಿ ಹಸಿರು ಬಣ್ಣ ಹಾಗೂ ಸಾಮಾನ್ಯ ಹಿಟ್ಟಿನಿಂದ ಬಿಳಿ ಬಣ್ಣದ ಇಡ್ಲಿಗಳನ್ನು ತಯಾರಿಸಬಹುದು. ಇದು ನೋಡಲು ಸುಂದರ ಮಾತ್ರವಲ್ಲ, ಪೌಷ್ಟಿಕಾಂಶದಿಂದಲೂ ಕೂಡಿದೆ,(ಏಜೆನ್ಸೀಸ್​).