6 ತಿಂಗಳಲ್ಲಿ 20 ಕೆಜಿ ತೂಕ ಇಳಿಸಿಕೊಂಡ ವ್ಯಕ್ತಿ! ಈತನ ಫಿಟ್​ನೆಸ್​ ರಹಸ್ಯ ಏನು ಗೊತ್ತಾ? Weight Loss

Weight Loss: ತೂಕ ಇಳಿಸುವ ಪ್ರಯಾಣ ಆರಂಭಿಸುವ ಯಾವುದೇ ವ್ಯಕ್ತಿಗೆ ಕಡಿಮೆ ಅವಧಿಯಲ್ಲಿ ಗಣನೀಯ ತೂಕ ಇಳಿಸಿಕೊಳ್ಳುವುದು ಸವಾಲಿನ ಸಂಗತಿಯಾಗಿದೆ. ನಿರಂತರವಾಗಿ ಬೆಳೆಯುತ್ತಿರುವ ಫ್ಯಾಡ್​​ ಡಯಟ್​ಗಳು ಮತ್ತು ತ್ವರಿತ ಪರಿಹಾರಗಳೊಂದಿಗೆ, ಪ್ರಚಾರದಲ್ಲಿ ಸಿಲುಕಿಕೊಳ್ಳುವುದು ಮತ್ತು ನಿಜವಾದ, ಸುಸ್ಥಿರ ಫಲಿತಾಂಶಗಳಿಗೆ ಕಾರಣವಾಗುವ ಸರಳ ಬದಲಾವಣೆಗಳನ್ನು ನಿರ್ಲಕ್ಷಿಸುವುದು ಸುಲಭ.

ಇತ್ತೀಚೆಗೆ ವ್ಯಕ್ತಿಯೊಬ್ಬ ಕೇವಲ ಆರು ತಿಂಗಳಲ್ಲಿ ತನ್ನ ದೈನಂದಿನ ಅಭ್ಯಾಸಗಳ ಜೊತೆಗೆ 20 ಕೆಜಿ ತೂಕ ಇಳಿಸಿಕೊಂಡಿರುವ ತನ್ನ ಸ್ಪೂರ್ತಿದಾಯಕ ಕಥೆಯನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾನೆ. ಹಾಗಾಗಿ ನೀವೇನಾದರೂ ತೂಕವನ್ನು ಇಳಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದರೆ, ಈ ಪೃಧ್ವಿ ಚೌಧರಿ ಸಲಹೆಗಳನ್ನು ಒಮ್ಮೆ ಪಾಲಿಸಿ, ದೇಹದಲ್ಲಿರುವ ಹೆಚ್ಚಾದ ತೂಕವನ್ನು ಕಡಿಮೆ ಮಾಡಿಕೊಳ್ಳಿ.

ಪೃಧ್ವಿ ತಮ್ಮ X ನಲ್ಲಿ ಹಂಚಿಕೊಂಡ ಪೋಸ್ಟ್‌ನಲ್ಲಿ, ಹೈದರಾಬಾದ್ ಮೂಲದ TEDx ಸ್ಪೀಕರ್ ಪೃಧ್ವಿ ಚೌಧರಿ ಅವರು ಆರು ತಿಂಗಳಲ್ಲಿ 20 ಕೆಜಿ ತೂಕ ಇಳಿಸಿಕೊಳ್ಳಲು 14 ಅಭ್ಯಾಸಗಳು ಹೇಗೆ ಸಹಾಯ ಮಾಡಿತು ಎಂಬುದರ ಕುರಿತು ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ. ನಂತರ, ಇದು ಕೇವಲ ತೂಕ ಇಳಿಸುವಿಕೆಯ ಬಗ್ಗೆ ಅಲ್ಲ, ಆತ್ಮವಿಶ್ವಾಸವನ್ನು ಕಂಡುಕೊಳ್ಳುವುದು, ನಾನು ಮಾಡುತ್ತಿರುವ ಕೆಲಸಗಳಲ್ಲಿ ಒಂದು ಉದ್ದೇಶವನ್ನು ಕಂಡುಕೊಳ್ಳುವುದು, ಶಿಸ್ತನ್ನು ಅಭ್ಯಾಸ ಮಾಡುವುದು ಮತ್ತು ಮಾನಸಿಕವಾಗಿ ಮತ್ತು ದೈಹಿಕವಾಗಿ ಪ್ರಗತಿ ಸಾಧಿಸುವುದು ಎಂದು ಬರೆದಿದ್ದಾರೆ.

ಪ್ರತಿನಿತ್ಯ 45 ನಿಮಿಷಗಳ ಕಾರ್ಡಿಯೋ ಮತ್ತು 45 ನಿಮಿಷಗಳ ಶಕ್ತಿ ತರಬೇತಿಯನ್ನು ಅಭ್ಯಾಸ ಮಾಡಲು ಪ್ರಾರಂಭಿಸಿದರು. ಈ ಯೋಜನೆಯು ಅವರ ದಿನಚರಿಯಲ್ಲಿ ರೂಪಾಂತರಗೊಳ್ಳಲು ಸಹಾಯ ಮಾಡಿದೆ. ಹಾಗೆಯೇ ಅವರು ದೇಹಕ್ಕೆ ಸಾಕಷ್ಟು ಪ್ರೋಟೀನ್ ಸೇವಿಸುವುದಾಗಿ ಖಚಿತಪಡಿಸಿದರು. ಅಂದರೆ ಪ್ರತಿ ಊಟದಲ್ಲಿ ಕಿಲೋಗ್ರಾಂಗೆ ಸುಮಾರು 1.5 ಗ್ರಾಂ ಪ್ರೋಟೀನ್ ಅನ್ನು ಸೇವಿಸಲು ಆರಂಭಿಸಿದರು ಎಂದರು.

ಅವರು ಪ್ರತಿದಿನ 3 ಲೀಟರ್ ನೀರು ಕುಡಿಯುವುದನ್ನು ಅಭ್ಯಾಸ ಮಾಡಿಕೊಂಡರು. ಹಾಗೆಯೇ 500 ಗ್ರಾಂ ಕತ್ತರಿಸಿದ ಹಣ್ಣುಗಳನ್ನು ತಿನ್ನುವುದು, ಹೆಚ್ಚುವರಿಯಾಗಿ 2 ವಾಲ್ನಟ್​​ ಮತ್ತು 5 ಬಾದಾಮಿ ಸೇರಿದಂತೆ ಒಣ ಹಣ್ಣುಗಳ ಸಣ್ಣ ಪ್ರಮಾಣವನ್ನು ಪ್ರತಿದಿನ ಸೇವಿಸಲು ಆರಂಭಿಸಿದರು.

ಪೃಥ್ವಿ ತನ್ನ ಊಟದ ವೇಳಾಪಟ್ಟಿಯನ್ನು ಕಟ್ಟುನಿಟ್ಟಾಗಿ ಪಾಲಿಸುತ್ತಿದ್ದರು. ಮಧ್ಯಾಹ್ನ 12:30 ಕ್ಕಿಂತ ಮೊದಲು ಊಟ ಮಾಡಿ ಸಂಜೆ 7:00 ಗಂಟೆಗೆ ಊಟ ಮಾಡುತ್ತಿದ್ದರು. ನಿದ್ರೆಯ ವೇಳಾಪಟ್ಟಿಯೂ ಅಷ್ಟೇ ಶಿಸ್ತುಬದ್ಧವಾಗಿದ್ದು, ರಾತ್ರಿ 9:30 ಕ್ಕೆ ಮಲಗಿ ಬೆಳಿಗ್ಗೆ 5:30 ಗೆ ಎದ್ದೇಳುತ್ತಿರುವುದಾಗಿ ತಿಳಿಸಿದ್ದಾರೆ.

ಅವರು ಬೆಳಗಿನ ಉಪಹಾರದಲ್ಲಿ 2 ದೋಸೆ, 3 ಇಡ್ಲಿ ಹಾಗೂ ಮೂರು ಮೊಟ್ಟೆಯ ಬಿಳಿ ಭಾಗ ಹಾಗೂ ಸಕ್ಕರೆ ಇಲ್ಲದೇ ಒಂದು ಕಪ್​ ಹಾಲನ್ನು ಒಳಗೊಂಡಿತ್ತು. ಮಧ್ಯಾಹ್ನದ ಊಟದಲ್ಲಿ 120 ಗ್ರಾಂ ಅನ್ನ, ತರಕಾರಿಗಳು ಅಥವಾ ಮಾಂಸಾಹಾರಿ ಕರಿ ಮತ್ತು 100 ಗ್ರಾಂ ಮೊಸರನ್ನು ಒಳಗೊಂಡಿತ್ತು. ರಾತ್ರಿ ಊಟದಲ್ಲೂ ಇದೇ ರೀತಿಯ ಅಭ್ಯಾಸವನ್ನು ಪಾಲಿಸುತ್ತಿದ್ದರು. ಸಾಮಾನ್ಯವಾಗಿ 250 ಗ್ರಾಂ ತಂದೂರಿ ಅಥವಾ ಬೇಯಿಸಿದ ಕೋಳಿ ಸೇವಿಸುತ್ತಿರುವುದಾಗಿ ಒಪ್ಪಿಕೊಂಡಿದ್ದಾರೆ. ಈ ಅಭ್ಯಾಸಗಳು ಅವರನ್ನು 6 ತಿಂಗಳಲ್ಲಿ 20 ಕೆಜಿ ಇಳಿಸಿಕೊಳ್ಳಲು ಸಹಾಯ ಮಾಡಿತು ಎಂದರು (ಏಜೆನ್ಸೀಸ್​).