Spicy Boti Curry: ಬಾಯಲ್ಲಿ ನೀರೂರಿಸುವ ತೆಲಂಗಾಣ ಶೈಲಿಯ ಸ್ಪೈಸಿ ಬೋಟಿ ಕರಿ ಮಾಡುವುದು ಈಗ ಬಹಳ ಸುಲಭ!

ಸ್ವಚ್ಛಗೊಳಿಸಿದ ಬೋಟಿ - ಅರ್ಧ ಕೆಜಿ

ಈರುಳ್ಳಿ - 2 (ದಪ್ಪಗೆ ಹೆಚ್ಚಿದ್ದು)

ಹಸಿರು ಮೆಣಸಿನಕಾಯಿ - 3-4

ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ - 2 ಚಮಚ

ಅಚ್ಚ ಖಾರದ ಪುಡಿ - 3 ಚಮಚ

ಧನಿಯಾ ಪುಡಿ - 1 ಚಮಚ

ಗರಂ ಮಸಾಲ - ಅರ್ಧ ಚಮಚ

ಅರಿಶಿನ ಪುಡಿ - ಅರ್ಧ ಚಮಚ

ಒಣ ಕೊಬ್ಬರಿ ಪುಡಿ - 2 ಚಮಚ

ಎಣ್ಣೆ - 4 ಚಮಚ

ಉಪ್ಪು - ರುಚಿಗೆ ತಕ್ಕಷ್ಟು

ಕೊತ್ತಂಬರಿ ಸೊಪ್ಪು ಮತ್ತು ಪುದೀನಾ - ಸ್ವಲ್ಪ

ಬೋಟಿ ಕರಿಯಲ್ಲಿ ಅತಿ ಮುಖ್ಯವಾದ ಹಂತ ಎಂದರೆ ಅದನ್ನು ಸ್ವಚ್ಛಗೊಳಿಸುವುದು. ಬೋಟಿಯನ್ನು ಬಿಸಿ ನೀರಿನಲ್ಲಿ ಹಾಕಿ ಚೆನ್ನಾಗಿ ತೊಳೆದು ಸಣ್ಣ ಸಣ್ಣ ತುಂಡುಗಳಾಗಿ ಕತ್ತರಿಸಿಕೊಳ್ಳಿ. ನಂತರ ಕುಕ್ಕರ್‌ನಲ್ಲಿ ಸ್ವಲ್ಪ ಅರಿಶಿನ ಮತ್ತು ಉಪ್ಪು ಹಾಕಿ 5-6 ಸೀಟಿ ಬರುವವರೆಗೆ ಬೇಯಿಸಿಕೊಳ್ಳಿ.

ಒಂದು ಬಾಣಲೆಯಲ್ಲಿ ಎಣ್ಣೆ ಹಾಕಿ ಕಾದ ನಂತರ ಪಲಾವ್ ಎಲೆ, ಲವಂಗ, ಚಕ್ಕೆ ಹಾಕಿ. ಬಳಿಕ ಹೆಚ್ಚಿದ ಈರುಳ್ಳಿ ಮತ್ತು ಹಸಿರು ಮೆಣಸಿನಕಾಯಿ ಹಾಕಿ ಕೆಂಪಾಗುವವರೆಗೆ ಹುರಿಯಿರಿ. ಇದಕ್ಕೆ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಮತ್ತು ಪುದೀನಾ ಎಲೆಗಳನ್ನು ಸೇರಿಸಿ ಹಸಿ ವಾಸನೆ ಹೋಗುವವರೆಗೆ ಬಾಡಿಸಿ.

ಈಗ ಈರುಳ್ಳಿ ಮಿಶ್ರಣಕ್ಕೆ ಮೊದಲೇ ಬೇಯಿಸಿಟ್ಟುಕೊಂಡ ಬೋಟಿಯನ್ನು ನೀರು ಸಮೇತ ಸೇರಿಸಿ. ಇದಕ್ಕೆ ಅರಿಶಿನ, ಖಾರದ ಪುಡಿ, ಧನಿಯಾ ಪುಡಿ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ.

ಬೋಟಿ ಮಸಾಲೆಯೊಂದಿಗೆ ಚೆನ್ನಾಗಿ ಬೆರೆತ ನಂತರ, ಇದಕ್ಕೆ ಒಣ ಕೊಬ್ಬರಿ ಪುಡಿಯನ್ನು ಸೇರಿಸಿ. ಇದು ಗ್ರೇವಿಗೆ ದಪ್ಪನೆಯ ವಿನ್ಯಾಸ ಮತ್ತು ಹಳ್ಳಿ ಶೈಲಿಯ ರುಚಿಯನ್ನು ನೀಡುತ್ತದೆ. ಸ್ವಲ್ಪ ನೀರು ಸೇರಿಸಿ 10 ನಿಮಿಷಗಳ ಕಾಲ ಸಣ್ಣ ಉರಿಯಲ್ಲಿ ಕುದಿಯಲು ಬಿಡಿ.

ಗ್ರೇವಿಯಿಂದ ಎಣ್ಣೆ ಬಿಡಲು ಆರಂಭಿಸಿದಾಗ ಗರಂ ಮಸಾಲ ಮತ್ತು ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪನ್ನು ಉದುರಿಸಿ ಕೆಳಗಿಳಿಸಿ. ಈಗ ಬಿಸಿಬಿಸಿಯಾದ ತೆಲಂಗಾಣ ಸ್ಟೈಲ್ ಮಸಾಲೆಯುಕ್ತ ಬೋಟಿ ಕರಿ ಸವಿಯಲು ಸಿದ್ಧ!,(ಏಜೆನ್ಸೀಸ್).