ಸಂಜೆ ಟೀ ಜೊತೆಗೆ ಸವಿಯಲು ಇಂದೇ ಮಾಡಿ ಆಲೂ ಕಟ್ಲೇಟ್! Potato cutlet

* 3-4 ಆಲೂಗಡ್ಡೆ

* 1 ಕಪ್ ಮಿಶ್ರ ತರಕಾರಿಗಳು

* 1 ಈರುಳ್ಳಿ

* 2-3 ಹಸಿ ಮೆಣಸಿನಕಾಯಿ

* 1/2 ಚಮಚ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್

* ½ ಚಮಚ ಗರಂ ಮಸಾಲ

* 1 ಚಮಚ ಮೆಣಸಿನ ಪುಡಿ

* ¼ ಚಮಚ ಅರಿಶಿನ

* ಲಿಂಬೆ ರಸ

* ಕೊತ್ತಂಬರಿ ಸೊಪ್ಪು

* 1 ಕಪ್ ಬ್ರೆಡ್ ಕ್ರಂಬ್ಸ್

* ಉಪ್ಪು ರುಚಿಗೆ ತಕ್ಕಷ್ಟು

* ಎಣ್ಣೆ

ಒಂದು ದೊಡ್ಡ ಪಾತ್ರೆಯಲ್ಲಿ ಬೇಯಿಸಿದ ಆಲೂಗಡ್ಡೆ, ಮಿಶ್ರ ತರಕಾರಿಗಳು, ಈರುಳ್ಳಿ, ಹಸಿ ಮೆಣಸಿನಕಾಯಿ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಮತ್ತು ಕೊತ್ತಂಬರಿ ಸೊಪ್ಪನ್ನು ಹಾಕಿ ಚೆನ್ನಾಗಿ ಮಿಕ್ಸ್​ ಮಾಡಿಕೊಳ್ಳಿ.

ಇದಕ್ಕೆ ಕೆಂಪು ಮೆಣಸಿನ ಪುಡಿ, ಗರಂ ಮಸಾಲ, ಅರಿಶಿನ, ಉಪ್ಪು ಮತ್ತು ಲಿಂಬೆ ರಸ ಸೇರಿಸಿ ಚೆನ್ನಾಗಿ ಕಲಸಿಕೊಳ್ಳಿ. ನಂತರ ಕೈಗೆ ಸ್ವಲ್ಪ ಎಣ್ಣೆ ಸವರಿಕೊಂಡು ಸಣ್ಣ ಉಂಡೆಗಳನ್ನು ಮಾಡಿ ನಿಮಗೆ ಬೇಕಾದ ಆಕಾರಕ್ಕೆ ತಯಾರಿಸಿಕೊಳ್ಳಿ.

ತಯಾರಿಸಿದ ಕಟ್ಲೆಟ್‌ಗಳನ್ನು ಮೊದಲು ಮೈದಾ ಮಿಶ್ರಣದಲ್ಲಿ ಮುಳುಗಿಸಿ, ನಂತರ ಬ್ರೆಡ್ ಕ್ರಂಬ್ಸ್‌ನಲ್ಲಿ ಹೊರಳಿಸಿ ಪಕ್ಕಕ್ಕಿಟ್ಟುಕೊಳ್ಳಿ. ಇದೀಗ ಒಂದು ಬಾಣಲೆಯಲ್ಲಿ ಎಣ್ಣೆಯನ್ನು ಹಾಕಿಕೊಂಡು ಕಾಯಿಸಿ ನಂತರ ಅದರಲ್ಲಿ ಮಾಡಿಟ್ಟುಕೊಂಡಿರುವ ಮಿಶ್ರಣವನ್ನು ಹಾಕಿ ಕರಿದುಕೊಳ್ಳಿ. ನಂತರ ನಿಮಗಿಷ್ಟವಾದ ಸಾಸ್​ನೊಂದಿಗೆ ಸೇವಿಸಿ (ಏಜೆನ್ಸೀಸ್​).