ಮನೆಯಲ್ಲಿರುವ ತರಕಾರಿಗಳಲ್ಲೇ ಮಾಡಿ ಸ್ಪೆಷಲ್ ವೆಜಿಟೇಬಲ್ ತಡ್ಕಾ! Vegitable tadka

* 2 ಕಪ್​ ಮಿಕ್ಸ್ ತರಕಾರಿಗಳು

* 2 ಈರುಳ್ಳಿ

* 2-3 ಟೊಮೇಟೊ

* 1 ಚಮಚ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್

* 2-3 ಹಸಿ ಮೆಣಸಿನಕಾಯಿ

* 3-4 ಚಮಚ ಎಣ್ಣೆ ಅಥವಾ ತುಪ್ಪ

* 1 ಚಮಚ ಜೀರಿಗೆ

* ಒಂದು ಚಿಟಿಕೆ ಇಂಗು

* 8-10 ಎಲೆಗಳು ಕರಿಬೇವು

* ½ ಚಮಚ ಅರಿಶಿನ

* 1½ ಚಮಚ ಧನಿಯಾ ಪುಡಿ

* ¾ ಚಮಚ ಗರಂ ಮಸಾಲಾ

* 1 ಚಮಚ ಖಾರದ ಪುಡಿ

* ಉಪ್ಪು – ರುಚಿಗೆ ತಕ್ಕಂತೆ

ಮೊದಲು ಎಲ್ಲಾ ತರಕಾರಿಗಳನ್ನು ಚೆನ್ನಾಗಿ ತೊಳೆದು, ಉದ್ದವಾಗಿ ಹೆಚ್ಚಿಕೊಳ್ಳಿ. ನಂತರ ಒಂದು ಕಡಾಯಿಗೆ 2-3 ಚಮಚ ಎಣ್ಣೆ ಕಾಯಿಸಿ. ಜೀರಿಗೆ, ಹಿಂಗ್, ಕರಿಬೇವು ಹಾಕಿ ಫ್ರೈ ಮಾಡಿಕೊಳ್ಳಿ. ನಂತರ ಅದಕ್ಕೆ ಸಣ್ಣಗೆ ಹೆಚ್ಚಿದ ಈರುಳ್ಳಿ ಹಾಕಿ ಗೋಲ್ಡನ್ ಬ್ರೌನ್ ಆಗುವವರೆಗೆ ಹುರಿದುಕೊಳ್ಳಿ. ಆ ಮಿಶ್ರಣಕ್ಕೆ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಹಸಿ ಮೆಣಸಿನಕಾಯಿ ಹಾಕಿ 30 ಸೆಕೆಂಡ್ ಹುರಿದುಕೊಳ್ಳಿ.

ಈ ಮಿಶ್ರಣಕ್ಕೆ ಟೊಮೇಟೊ ಹಾಕಿ, ಅರಿಶಿನ, ಉಪ್ಪು ಸೇರಿಸಿ. ಟೊಮೇಟೊ ಮೃದುವಾಗಿ, ಎಣ್ಣೆ ಬೇರ್ಪಡುವವರೆಗೆ ಬೇಯಿಸಿಕೊಳ್ಳಿ. ಇದಕ್ಕೆ ಧನಿಯಾ ಪುಡಿ, ಜೀರಿಗೆ ಪುಡಿ, ಮಿರ್ಚಿ ಪುಡಿ ಹಾಕಿ 1 ನಿಮಿಷ ಹುರಿಯಿರಿ.

ಎಲ್ಲ ತರಕಾರಿಗಳನ್ನು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ. ಸ್ವಲ್ಪ ನೀರು ಹಾಕಿ, ಮುಚ್ಚಳ ಹಾಕಿ ಮಧ್ಯಮ ಜ್ವಾಲೆಯಲ್ಲಿ 10-12 ನಿಮಿಷ ಬೇಯಿಸಿಕೊಳ್ಳಿ. ಕೊನೆಯಲ್ಲಿ ಗರಂ ಮಸಾಲ ಹಾಕಿ 2-3 ನಿಮಿಷ ಬೇಯಿಸಿ ಅನ್ನ ಅಥವಾ ಚಪಾತಿ, ರೊಟ್ಟಿಯೊಂದಿಗೆ ಸವಿಯಿರಿ (ಏಜೆನ್ಸೀಸ್​).