ನಾನ್-ವೆಜ್ ಪ್ರಿಯರಿಗಾಗಿ ಕುಂದಾಪುರ ಸ್ಟೈಲ್ ಚಿಕನ್ ಗೀ ರೋಸ್ಟ್! Chicken Ghee Roast

* 1 ಕೆಜಿ ಚಿಕನ್

* 1/2 ಕಪ್ ಮೊಸರು

* 1/2 ಚಮಚ ಅರಿಶಿನ ಪುಡಿ

* 1 ಚಮಚ ನಿಂಬೆ ರಸ 

* ರುಚಿಗೆ ತಕ್ಕಷ್ಟು ಉಪ್ಪು

* 15-20 ಬ್ಯಾಡಗಿ ಮೆಣಸಿನಕಾಯಿ

* 2 ಚಮಚ ಕೊತ್ತಂಬರಿ ಬೀಜ: 

* 1 ಚಮಚ ಜೀರಿಗೆ

* 1 ಚಮಚ ಕಾಳು ಮೆಣಸು

* 1/4 ಚಮಚ ಮೆಂತೆ ಕಾಳು

* 8-10 ಎಸಳು ಬೆಳ್ಳುಳ್ಳಿ

* ಸಣ್ಣ ನಿಂಬೆಹಣ್ಣಿನ ಗಾತ್ರದಷ್ಟು ಹುಣಸೆಹಣ್ಣು

* ಸ್ವಲ್ಪ ಬೆಲ್ಲ

* 4-5 ದೊಡ್ಡ ಚಮಚ ತುಪ್ಪ

* 2 ಎಸಳು ಕರಿಬೇವು

ಮೊದಲು ಚಿಕನ್​ ತೊಳೆದು ಅದಕ್ಕೆ ಮೊಸರು, ಅರಿಶಿನ, ನಿಂಬೆ ರಸ ಮತ್ತು ಉಪ್ಪು ಸೇರಿಸಿ ಚೆನ್ನಾಗಿ ಮಿಕ್ಸ್​ ಮಾಡಿ ಕನಿಷ್ಠ 1 ಗಂಟೆ ನೆನೆಯಲು ಬಿಡಿ. ನಂತರ ಒಂದು ಬಾಣಲೆಗೆ ಒಣ ಮೆಣಸಿನಕಾಯಿ, ಕೊತ್ತಂಬರಿ, ಜೀರಿಗೆ, ಕಾಳು ಮೆಣಸು ಮತ್ತು ಮೆಂತೆಯನ್ನು ಕಡಿಮೆ ಉರಿಯಲ್ಲಿ ಹುರಿದುಕೊಳ್ಳಿ. ಮಸಾಲೆ ಪದಾರ್ಥಗಳು ತಣ್ಣಗಾದ ನಂತರ ಮಿಕ್ಸಿಗೆ ಹಾಕಿಕೊಳ್ಳಿ. ನಂತರ ಅದಕ್ಕೆ ಬೆಳ್ಳುಳ್ಳಿ, ಹುಣಸೆಹಣ್ಣು ಮತ್ತು ಸ್ವಲ್ಪ ನೀರು ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ.

ನಂತರ ಒಂದು ಬಾಣಲೆಗೆ 2 ಚಮಚ ತುಪ್ಪ ಹಾಕಿ, ಮಿಶ್ರಣ ಮಾಡಿಟ್ಟುಕೊಂಡಿರುವ ಚಿಕನ್ ಸೇರಿಸಿ, ಬೇಯಿಸಿಕೊಳ್ಳಿ. ಚಿಕನ್ ಸುಮಾರು ಶೇ. 80 ರಷ್ಟು ಬೆಂದು, ನೀರೆಲ್ಲಾ ಆವಿಯಾದ ನಂತರ ಅದನ್ನು ಒಂದು ಪಾತ್ರೆಗೆ ತೆಗೆದಿಟ್ಟುಕೊಳ್ಳಿ.

ಬಾಣಲೆಗೆ ಉಳಿದ ತುಪ್ಪ ಹಾಕಿ, ರುಬ್ಬಿದ ಮಸಾಲೆಯನ್ನು ಸೇರಿಸಿಕೊಳ್ಳಿ. ಈಗ ಮಸಾಲೆಯ ಹಸಿ ವಾಸನೆ ಹೋಗಿ, ಬದಿಗಳಲ್ಲಿ ತುಪ್ಪ ಬಿಟ್ಟುಕೊಳ್ಳುವವರೆಗೆ ಚೆನ್ನಾಗಿ ಫ್ರೈ ಮಾಡಿ. ನಂತರ ಬೇಯಿಸಿದ ಚಿಕನ್ ಮತ್ತು ಬೆಲ್ಲವನ್ನು ಸೇರಿಸಿ ಮಸಾಲೆಯನ್ನು ಮಿಕ್ಸ್​ ಮಾಡಿಕೊಳ್ಳಿ. ನಂತರ ಚಿಕನ್ ಮಸಾಲೆಯನ್ನು ಪೂರ್ತಿಯಾಗಿ ಹೀರಿಕೊಂಡು ರೋಸ್ಟ್ ಆಗುವವರೆಗೆ ಸಣ್ಣ ಉರಿಯಲ್ಲಿ 5-10 ನಿಮಿಷ ಬೇಯಿಸಿ. ಕೊನೆಯದಾಗಿ ಕರಿಬೇವು ಮತ್ತು ಬೇಕಿದ್ದರೆ ಇನ್ನೂ ಒಂದು ಚಮಚ ತುಪ್ಪ ಸೇರಿಸಿ ಕೆಳಗಿಳಿಸಿ ನೀರುದೋಸೆಯೊಂದಿಗೆ ಸೇವಿಸಿ (ಏಜೆನ್ಸೀಸ್​).