ಕೇವಲ 15 ನಿಮಿಷಗಳಲ್ಲಿ ತಯಾರಿಸಿ ಬಿಸಿಬಿಸಿ ರೆಸ್ಟೋರೆಂಟ್ ಸ್ಟೈಲ್ ಚಿಕನ್ ಸೂಪ್..chicken soup

ಬೆಂಗಳೂರು: ( chicken soup) ಮನೆಯಲ್ಲಿಯೇ ರೆಸ್ಟೋರೆಂಟ್ ಶೈಲಿಯ, ಬಿಸಿಬಿಸಿಯಾದ ಮತ್ತು ಆರೋಗ್ಯಕರವಾದ ಚಿಕನ್ ಸೂಪ್ ತಯಾರಿಸುವುದು ತುಂಬಾ ಸುಲಭ. ಈ ಸೂಪ್ ಚಳಿಗಾಲಕ್ಕೆ ಅಥವಾ ಶೀತವಾದಾಗ ಸೇವಿಸಲು ಬಹಳ ಅದ್ಭುತವಾಗಿರುತ್ತದೆ.

ಚಿಕನ್: 250 ಗ್ರಾಂ (ಮೂಳೆ ಇರುವ ಚಿಕನ್ ಬಳಸಿದರೆ ಸೂಪ್ ರುಚಿಯಾಗಿರುತ್ತದೆ)

ಈರುಳ್ಳಿ: 1

ಶುಂಠಿ-ಬೆಳ್ಳುಳ್ಳಿ ಪೇಸ್ಟ್: 1 ಚಮಚ

ಕ್ಯಾರೆಟ್, ಬೀನ್ಸ್ ಮತ್ತು ಸ್ವೀಟ್ ಕಾರ್ನ್ -ಅರ್ಧ ಕಪ್

ಕಾರ್ನ್ ಫ್ಲೋರ್ : 2 ಚಮಚ (ನೀರಿನಲ್ಲಿ ಕಲಸಿದ್ದು)

ಮೆಣಸಿನ ಪುಡಿ : 1 ಚಮಚ

ಮೊಟ್ಟೆ: 1

ಉಪ್ಪು: ರುಚಿಗೆ ತಕ್ಕಷ್ಟು

ಬೆಣ್ಣೆ ಅಥವಾ ಎಣ್ಣೆ: 2 ಚಮಚ

ಕೊತ್ತಂಬರಿ ಸೊಪ್ಪು: ಸ್ವಲ್ಪ

ಒಂದು ಪಾತ್ರೆಗೆ ಚಿಕನ್, ಸ್ವಲ್ಪ ಉಪ್ಪು, ಕಾಳು ಮೆಣಸಿನ ಪುಡಿ ಮತ್ತು 3-4 ಲೋಟ ನೀರು ಹಾಕಿ ಚೆನ್ನಾಗಿ ಬೇಯಿಸಿ. ಚಿಕನ್ ಬೆಂದ ನಂತರ, ನೀರನ್ನು ಬೇರ್ಪಡಿಸಿ ಇಟ್ಟುಕೊಳ್ಳಿ. ಬೆಂದ ಚಿಕನ್‌ನಿಂದ ಮೂಳೆಗಳನ್ನು ಬೇರ್ಪಡಿಸಿ, ಮಾಂಸವನ್ನು ಸಣ್ಣ ಸಣ್ಣ ತುಂಡುಗಳಾಗಿ ಮಾಡಿಟ್ಟುಕೊಳ್ಳಿ.

ಒಂದು ಬಾಣಲೆಗೆ ಬೆಣ್ಣೆ ಅಥವಾ ಎಣ್ಣೆ ಹಾಕಿ. ಅದಕ್ಕೆ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಮತ್ತು ಈರುಳ್ಳಿ ಹಾಕಿ ಹಸಿ ವಾಸನೆ ಹೋಗುವವರೆಗೆ ಹುರಿಯಿರಿ. ನಂತರ ಕ್ಯಾರೆಟ್, ಬೀನ್ಸ್ ಮತ್ತು ಕಾರ್ನ್ ಸೇರಿಸಿ 2 ನಿಮಿಷ ಬೇಯಿಸಿ.

ಬೇಯಿಸಿಟ್ಟುಕೊಂಡ ಚಿಕನ್ ನೀರನ್ನು ಮತ್ತು ಚಿಕನ್ ತುಂಡುಗಳನ್ನು ಬಾಣಲೆಗೆ ಸೇರಿಸಿ. ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಮೆಣಸಿನ ಪುಡಿ ಹಾಕಿ ಚೆನ್ನಾಗಿ ಕುದಿಯಲು ಬಿಡಿ.

ನೀರಿನಲ್ಲಿ ಕಲಸಿಟ್ಟ ಕಾರ್ನ್ ಫ್ಲೋರ್ ಮಿಶ್ರಣವನ್ನು ನಿಧಾನವಾಗಿ ಸುರಿಯುತ್ತಾ ಕೈಯಾಡಿಸಿ. ಸೂಪ್ ದಪ್ಪವಾಗತೊಡಗುತ್ತದೆ.ಒಂದು ಮೊಟ್ಟೆಯನ್ನು ಚೆನ್ನಾಗಿ ಬೀಟ್ ಮಾಡಿ, ಕುದಿಯುತ್ತಿರುವ ಸೂಪ್‌ಗೆ ಸುರಿಯುತ್ತಾ ವೇಗವಾಗಿ ಮಿಕ್ಸ್ ಮಾಡಿ. ಕೊತ್ತಂಬರಿ ಸೊಪ್ಪನ್ನು ಉದುರಿಸಿ ಸ್ಟೌವ್ ಆಫ್ ಮಾಡಿ.