ಮಾವಿನ ಹಣ್ಣಿನ ಸಿಪ್ಪೆಯಲ್ಲಿ ಅಡಗಿದೆ ಯೌವನದ ರಹಸ್ಯ! ಇದನ್ನು ಬಳಸುವ ಸರಿಯಾದ ವಿಧಾನ ಇಲ್ಲಿದೆ.. Mango Peel Benefits

ಮಾವಿನ ಹಣ್ಣನ್ನು ತಿಂದು ಸಿಪ್ಪೆಯನ್ನು ಎಸೆಯುವ ಬದಲಿಗೆ ಅದರಿಂದ ಸಂಜೆಯ ಚಹಾ ಸಮಯಕ್ಕೆ ಅದ್ಭುತವಾದ 'ಮ್ಯಾಂಗೋ ಪೀಲ್ ಚಿಪ್ಸ್' ತಯಾರಿಸಬಹುದು. ಮೊದಲಿಗೆ ಮಾವಿನ ಸಿಪ್ಪೆಯನ್ನು ಚೆನ್ನಾಗಿ ತೊಳೆದು ಅದರ ಮೇಲೆ ಉಪ್ಪು ಮತ್ತು ಚಾಟ್​ ಮಸಾಲ ಸಿಂಪಡಿಸಿ ಒಲೆಯಲ್ಲಿ ಬೇಯಿಸಿರಿ. ನಂತರ ಗರಿಗರಿಯಾದ ಮಾವಿನ ಚಿಪ್ಸ್​ ಸವಿಯಿರಿ.

ಮಾವಿನ ಸಿಪ್ಪೆಯನ್ನು ನೀರು ಮತ್ತು ಸ್ವಲ್ಪ ಸಕ್ಕರೆಯೊಂದಿಗೆ ಕುದಿಸಿರಿ ನಂತರ ಸೋಸಿ ಫ್ರಿಜ್ಡ್​ನಲ್ಲಿಟ್ಟು ತಣ್ಣಗಾದ ನಂತರ ಕುಡಿಯಿರಿ. ಇದು ದೇಹಕ್ಕೆ ತಂಪನ್ನು ನೀಡುವುದರ ಜೊತೆಗೆ ಆರೋಗ್ಯಕ್ಕೂ ಉತ್ತಮ ಪ್ರಯೋಜನ ನೀಡುತ್ತದೆ.

ಮಾವಿನಹಣ್ಣಿನಲ್ಲಿ ವಿಟಮಿನ್ ಸಿ, ಆಂಟಿ-ಆಕ್ಸಿಡೆಂಟ್​ನಂತಹ ಅನೇಕ ಉತ್ಕರ್ಷಣ ನಿರೋಧಕಗಳು ಇರುತ್ತವೆ. ಇವೆಲ್ಲವೂ ಚರ್ಮಕ್ಕೆ ತುಂಬಾ ಪ್ರಯೋಜನಕಾರಿ ಎಂದು ಹೇಳಲಾಗುತ್ತದೆ. ಹಾಗಾಗಿ ಮಾವಿನ ಸಿಪ್ಪೆಯನ್ನು ಒಣಗಿಸಿ ಪುಡಿಮಾಡಿ. ಇದನ್ನು ಯಾವುದಾದರೂ ಫೇಸ್​ಪ್ಯಾಕ್​, ಮೊಸರು ಅಥವಾ ಕಡಲೆಹಿಟ್ಟಿನಲ್ಲಿ ಸೇರಿಸಿ ಮುಖಕ್ಕೆ ಹಚ್ಚಿಕೊಳ್ಳುವುದರಿಂದ ನೈಸರ್ಗಿಕ ಹೊಳಪನ್ನು ನೀಡುತ್ತದೆ.

ಚೆನ್ನಾಗಿ ತೊಳೆದು ಒಣಗಿಸಿದ ಮಾವಿನ ಸಿಪ್ಪೆಯನ್ನು ನೀರಿನಲ್ಲಿ ಕುದಿಸಿ, ಸ್ವಲ್ಪ ಜೇನುತುಪ್ಪ ಸೇರಿಸಿ ಕುಡಿದರೆ ಅದು ದೇಹದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಒಂದು ಸ್ವಚ್ಛವಾದ ಗಾಜಿನ ಜಾರ್‌ಗೆ ಈ ಸಿಪ್ಪೆಗಳನ್ನು ಹಾಕಿ. ಅದಕ್ಕೆ ಸಕ್ಕರೆ ಅಥವಾ ಬೆಲ್ಲ ಬೆರೆಸಿದ ನೀರನ್ನು ಸುರಿಯಿರಿ. ಜಾರ್‌ನ ಬಾಯಿಯನ್ನು ಗಾಳಿಯಾಡುವಂತೆ ತೆಳುವಾದ ಹತ್ತಿ ಬಟ್ಟೆಯಿಂದ ಮುಚ್ಚಿ, ರಬ್ಬರ್ ಬ್ಯಾಂಡ್ ಅಥವಾ ದಾರದಿಂದ ಕಟ್ಟಿರಿ. ಈ ಜಾರ್ ಅನ್ನು ತಂಪಾದ ಜಾಗದಲ್ಲಿ 3 ರಿಂದ 4 ವಾರಗಳ ಕಾಲ ಇರಿಸಿ. ಪ್ರತಿ ಎರಡು ದಿನಕ್ಕೊಮ್ಮೆ ಮರದ ಚಮಚದಿಂದ ಈ ಮಿಶ್ರಣವನ್ನು ಸ್ವಲ್ಪ ಕಲಕುತ್ತಿರಿ. 4 ವಾರಗಳ ನಂತರ, ಮಿಶ್ರಣವು ಹುಳಿ ವಾಸನೆ ಬರಲು ಪ್ರಾರಂಭಿಸುತ್ತದೆ. ಆಗ ಸಿಪ್ಪೆಗಳನ್ನು ಸೋಸಿ ತೆಗೆದು, ಉಳಿದ ದ್ರವವನ್ನು ಮಾತ್ರ ಮತ್ತೊಂದು ಗಾಜಿನ ಬಾಟಲಿಗೆ ಹಾಕಿಡಿ. ಇದನ್ನು ಸೋಸಿ ನಂತರ ಬಳಸಿರಿ.

ಮಾವಿನ ಸಿಪ್ಪೆಯನ್ನು ಸ್ವಲ್ಪ ಸಾಸಿವೆ, ಹಸಿಮೆಣಸಿನಕಾಯಿ ಮತ್ತು ಬೆಲ್ಲದೊಂದಿಗೆ ಸೇರಿಸಿ ರುಬ್ಬಿರಿ. ಈಗ ಚಟ್ನಿ ರೆಡಿಯಾಗಿದೆ. ಇದನ್ನು ದೋಸೆ ಅಥವಾ ರೊಟ್ಟಿಯೊಂದಿಗೆ ಸವಿಯಿರಿ (ಏಜೆನ್ಸೀಸ್​).