ಭಾನುವಾರದ ಬಾಡೂಟಕ್ಕಾಗಿ ಚಿಕನ್​ ಸುಕ್ಕ! ಈಗ್ಲೇ ಟ್ರೈ ಮಾಡಿ... Recipe

* 500 ಗ್ರಾಂ ಚಿಕನ್ 

* 2 ಈರುಳ್ಳಿ 

* 1 ಟೊಮೇಟೋ

* 1 ಕಪ್ ತುರಿದ ತೆಂಗಿನಕಾಯಿ 

* 1 ಟೇಬಲ್ ಸ್ಪೂನ್ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್

* ಕರಿಬೇವು

* 3 ಚಮಚ ತುಪ್ಪ 

* ರುಚಿಗೆ ತಕ್ಕಷ್ಟು ಉಪ್ಪು 

* 1 ಚಮಚ ಗರಂ ಮಸಾಲಾ 

* 1 ಚಮಚ ಕೊತ್ತಂಬರಿ ಪೌಡರ್  

* 1-2 ಚಮಚ ರೆಡ್ ಚಿಲಿ ಪೌಡರ್  

*  ½  ಚಮಚ ಅರಿಶಿನ 

ಮೊದಲು ಒಂದು ಪಾತ್ರೆಯಲ್ಲಿ ಚಿಕನ್​ನ್ನು ಚೆನ್ನಾಗಿ ತೊಳೆದು ಅದಕ್ಕೆ ಅರಿಶಿನ, ಚಿಲ್ಲಿ ಪೌಡರ್, ಉಪ್ಪು ಹಾಕಿ 10-15 ನಿಮಿಷಗಳ ಕಾಲ  ಮ್ಯಾರಿನೇಟ್ ಮಾಡಿ.

ನಂತರ ಒಂದು ಕುಕ್ಕರ್​ಗೆ  2 ಟೇಬಲ್ ಸ್ಪೂನ್ ತುಪ್ಪ ಹಾಕಿ ಅದಕ್ಕೆ,  ಕರಿಬೇವು, ಈರುಳ್ಳಿ ತುಂಡುಗಳು ಹಾಕಿ ಗೋಲ್ಡನ್ ಬ್ರೌನ್ ಆಗುವವರೆಗೆ ಫ್ರೈ ಮಾಡಿ. ಇದಾದ ಬಳಿಕ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಹಾಕಿ 1 ನಿಮಿಷ ಫ್ರೈ ಮಾಡಿ. ಟೊಮೇಟೋ ಮೃದುವಾಗುವವರೆಗೂ ಬೇಯಿಸಿರಿ. ನಂತರ ಮ್ಯಾರಿನೇಟ್ ಮಾಡಿದ ಚಿಕನ್ ಹಾಕಿ, ಚೆನ್ನಾಗಿ ಮಿಕ್ಸ್ ಮಾಡಿ 5 ನಿಮಿಷ ಜೋರಾದ ಉರಿಯಲ್ಲಿ ಬೇಯಿಸಿರಿ. 

ರೆಡಿಯಾಗಿರುವ ಮಿಶ್ರಣಕ್ಕೆ ಮಸಾಲಾ ಪೌಡರ್‌ಗಳು ಹಾಕಿ ಮಿಕ್ಸ್ ಮಾಡಿ. ಅರ್ಧ ಕಪ್ ನೀರು ಹಾಕಿ, ಮುಚ್ಚಳ ಹಾಕಿ ಮಧ್ಯಮ ಉರಿಯಲ್ಲಿ 20 ನಿಮಿಷಗಳ ಕಾಲ ಕುಕ್​​ ಮಾಡಿರಿ. ಈ ಮಿಶ್ರಣದಲ್ಲಿ ನೀರು ಒಣಗಿ ಚಿಕನ್ ಬೆಂದ ನಂತರ, ಅರ್ಧ ಕಪ್ ತುರಿದ ತೆಂಗಿನಕಾಯಿ ಹಾಕಿ ಕೊಬ್ಬರಿ ಹಾಕಿ ಮದ್ಯಮ ಉರಿಯಲ್ಲಿ 5 ನಿಮಿಷ ಬೇಯಿಸಿರಿ. ನಂತರ ಚಪಾತಿಯೊಂದಿಗೆ ಸವಿಯಿರಿ (ಏಜೆನ್ಸೀಸ್​).