ಬ್ಯಾಚುಲರ್ಸ್ ಸ್ಪೆಷಲ್: ಕೇವಲ 15 ನಿಮಿಷದಲ್ಲಿ ಮಾಡಿ ರುಚಿಯಾದ ದಾಲ್ ಫ್ರೈ! Dal fry

* ½ ಕಪ್ ತೊಗರಿ ಬೇಳೆ

* 2-2.5 ಕಪ್ ನೀರು

* ¼ ಚಮಚ ಅರಿಶಿನ ಪುಡಿ

* 1 ಈರುಳ್ಳಿ

* 1-2 ಟೊಮೇಟೊ

* 2-3 ಹಸಿ ಮೆಣಸಿನಕಾಯಿ

* 1 ಚಮಚ ಬೆಳ್ಳುಳ್ಳಿ,ಶುಂಠಿ ಪೇಸ್ಟ್

* 2-3 ಚಮಚ ತುಪ್ಪ/ಎಣ್ಣೆ

* ½ ಚಮಚ ಜೀರಿಗೆ

* ಕರಿಬೇವು, ಉಪ್ಪು

* 1-2 ಒಣ ಮೆಣಸಿನಕಾಯಿ

* ½ ಚಮಚ ಗರಮ್ ಮಸಾಲಾ

* ½ ಚಮಚ ಮೆಣಸಿನ ಪುಡಿ

* ಕೊತ್ತಂಬರಿ ಸೊಪ್ಪು

ತೊಗರಿ ಬೇಳೆಯನ್ನು ಚೆನ್ನಾಗಿ ತೊಳೆದು ಪ್ರೆಶರ್ ಕುಕರ್‌ಗೆ ಹಾಕಿ. ಅರಿಶಿನ, ಸ್ವಲ್ಪ ಉಪ್ಪು, 2-2.5 ಕಪ್ ನೀರು ಹಾಕಿ 3-4 ವಿಸಲ್ ಕೂಗಿಸಿಕೊಳ್ಳಿ. ನಂತರ ಕುಕ್ಕರ್ ತೆರೆದ ಮೇಲೆ ಬೇಳೆಯನ್ನು ಸ್ವಲ್ಪ ಸ್ಮಾಶ್​ ಮಾಡಿಕೊಳ್ಳಿ. ಇದಾದ ಬಳಿಕ ಒಂದು ಪಾತ್ರೆಯಲ್ಲಿ ಎಣ್ಣೆ/ತುಪ್ಪ ಬಿಸಿ ಮಾಡಿ. ಸಾಸಿವೆ, ಜೀರಿಗೆ, ಕರಿಬೇವು, ಒಣ ಮೆಣಸಿನಕಾಯಿ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಈರುಳ್ಳಿ ಹಾಕಿ ಗೋಲ್ಡನ್ ಬ್ರೌನ್ ಆಗುವವರೆಗೆ ಹುರಿದುಕೊಳ್ಳಿ. ನಂತರ ಇದಕ್ಕೆ ಟೊಮೇಟೊ, ಹಸಿ ಮೆಣಸಿನಕಾಯಿ ಹಾಕಿ ಮೃದುವಾಗುವವರೆಗೆ ಬೇಯಿಸಿರಿ.

ಈ ಮಿಶ್ರಣಕ್ಕೆ ಕೆಂಪು ಮೆಣಸಿನ ಪುಡಿ, ಗರಮ್ ಮಸಾಲಾ/ದಾಲ್ ಮಸಾಲಾ ಹಾಕಿ 30 ಸೆಕೆಂಡ್ ಹುರಿಯಿರಿ. ಈಗ ಬೇಯಿಸಿದ ಬೇಳೆಯನ್ನು ಹಾಕಿ, ಉಪ್ಪು ಚೆಕ್ ಮಾಡಿ, ಸ್ವಲ್ಪ ನೀರು ಸೇರಿಸಿ 5-7 ನಿಮಿಷ ಕುದಿಸಿ ಕೊತ್ತುಂಬರಿ ಸೊಪ್ಪು ಉದುರಿಸಿರಿ. ನಂತರ ಅನ್ನ, ಚಪಾತಿ, ರೊಟ್ಟಿಯೊಂದಿಗೆ ಸವಿಯಿರಿ (ಏಜೆನ್ಸೀಸ್​).