ಇದು ಸಾಮಾನ್ಯ ಅನ್ನವಲ್ಲ, ಜಪಾನ್‌ನ ಅದ್ಭುತ! ಒಂದು ಕೆಜಿ ಅಕ್ಕಿ ಬೆಲೆ ಕೇಳಿದ್ರೆ ನೀವು ಶಾಕ್ ಆಗೋದು ಗ್ಯಾರಂಟಿ! Rice price

ಇದರ ಸರಾಸರಿ ಬೆಲೆ ಕೆಜಿಗೆ 40 ರಿಂದ 300 ರೂಪಾಯಿಗಳವರೆಗೆ ಇರುತ್ತದೆ. ಆದರೆ, ನಾವು ಹೇಳಲು ಹೊರಟಿರುವ 1 ಕೆಜಿ ಅಕ್ಕಿ ಬೆಲೆ ಒಂದು ಸ್ಮಾರ್ಟ್‌ಫೋನ್ ಖರೀದಿಸಬಹುದು. ಹಾಗಿದ್ದರೆ, ಆ ಅಕ್ಕಿ ಯಾವುದು ಎಂದು ನಿಮಗೇ ಗೊತ್ತಾ? ಇಲ್ಲಿದೆ ನೋಡಿ ಸಂಪೂರ್ಣ ವಿವರ...

ಜಪಾನ್‌ನ 'ಕಿನ್ಮೆಮೈ ಪ್ರೀಮಿಯಂ ರೈಸ್' 2016 ರಲ್ಲಿ ಅತ್ಯಂತ ದುಬಾರಿ ಅಕ್ಕಿ ಎಂದು ಗಿನ್ನಿಸ್​ ದಾಖಲೆ ಪಡೆದಿತ್ತು. ಇದರ ಬೆಲೆ ವಿಭಿನ್ನವಾಗಿದ್ದು, ಅದರ ಉತ್ಪಾದನಾ ರುಚಿಯೂ ವಿಭಿನ್ನ ಸ್ಥಾನವನ್ನು ನೀಡುತ್ತದೆ.

840 ಗ್ರಾಂನ ಒಂದು ಬಾಕ್ಸ್ ಅಕ್ಕಿ ಬೆಲೆ ಸುಮಾರು 10,800 ಜಪಾನೀಸ್ ಯೆನ್. ಅದು ಭಾರತೀಯ ಕರೆನ್ಸಿ ಪ್ರಕಾರ, ಸರಿ ಸುಮಾರು 6,000 ದಿಂದ 7,000 ರೂಪಾಯಿಳಾಗಿದ್ದು, ಈ ಅಕ್ಕಿ ಮಾರುಕಟ್ಟೆಯಲ್ಲಿ ಪ್ರತಿ ಕೆಜಿಗೆ ಸುಮಾರು 12,500 ರಿಂದ 15,000 ರೂಪಾಯಿಗಳಿಗೆ ಮಾರಾಟ ಮಾಡಲಾಗುತ್ತದೆ.

ಕಿನ್ಮೆಮೈ ಕೇವಲ ಒಂದು ತಳಿಯ ಅಕ್ಕಿಯಲ್ಲ. ಟೊಯೊ ರೈಸ್ ಕಾರ್ಪೊರೇಷನ್ ಜಪಾನ್‌ನ ಅತ್ಯುತ್ತಮ ಪ್ರಭೇದಗಳಾದ ಕೋಶಿಹಿಕಾರಿ ಮತ್ತು ಪಿಕಾಮಾರು ಸೇರಿದಂತೆ ಐದು ಪ್ರೀಮಿಯಂ ತಳಿಗಳನ್ನು ಅತ್ಯಂತ ನಿಖರವಾದ ಅನುಪಾತದಲ್ಲಿ ಮಿಶ್ರಣ ಮಾಡುವ ಮೂಲಕ ತಯಾರಿಸಲಾಗುತ್ತದೆ. ಈ ಅಕ್ಕಿಯನ್ನು ಜಪಾನ್‌ನ ಪ್ರಸಿದ್ಧ ಕೃಷಿ ಪ್ರದೇಶಗಳಾದ ಗುನ್ಮಾ, ನಾಗಾನೊ ಮತ್ತು ನಿಗಾಟಾದಿಂದ ಕೊಯ್ಲು ಮಾಡಲಾಗುತ್ತದೆ. ಈ ಅಕ್ಕಿಗೆ ಹೆಚ್ಚಿನ ಬೆಲೆ ಎಂದರೆ, ಅದರ ದೀರ್ಘ ಮತ್ತು ವಿಶೇಷ ಸಂಸ್ಕರಣಾ ವಿಧಾನವಾಗಿದೆ.

ಈ ಅಕ್ಕಿಯನ್ನು ಕೊಯ್ಲು ಮಾಡಿದ ತಕ್ಷಣ ಮಾರಾಟ ಮಾಡುವುದಿಲ್ಲ. ಇದನ್ನು ಆರು ತಿಂಗಳುಗಳ ಕಾಲ ವಿಶೇಷ ವಿಧಾನದಲ್ಲಿ ಸಂಗ್ರಹಿಸಿಡುತ್ತಾರೆ. ಈ ರೀತಿ ಮಾಡುವುದರಿಂದ ಅಕ್ಕಿಯ ರುಚಿ ಮತ್ತು ವಿನ್ಯಾಸ ಸುಧಾರಿಸುತ್ತದೆ. ಇದರ ಜೊತೆಗೆ ಅಕ್ಕಿಯ ಹೊರ ಪದರವನ್ನು ವಿಶೇಷವಾಗಿ ಸಂಸ್ಕರಿಸಲಾಗುವುದರಿಂದ ಮೌಲ್ಯವನ್ನು ಹಾಗೇ ಇಡಲಾಗುತ್ತದೆ ಎಂದು ಕಂಪನಿ ತಿಳಿಸಿದೆ.

ಬೇಯಿಸಿದ ನಂತರ, ಈ ಅಕ್ಕಿಯ ಕಾಳುಗಳು ವಜ್ರಗಳಂತೆ ಹೊಳೆಯುತ್ತದೆ. ಇದು ಸಾಮಾನ್ಯ ಅಕ್ಕಿಗಿಂತ ವಿಭಿನ್ನ ರುಚಿ ಮತ್ತು ಪರಿಮಳವನ್ನು ಹೊಂದಿರುತ್ತದೆ. ಇದರ ರಚನೆಯು ಕೆನೆ ಮತ್ತು ಬೆಣ್ಣೆಯಂತಿರುತ್ತದೆ. ಬಾಯಲ್ಲಿ ಇಟ್ಟರೆ ತಕ್ಷಣವೇ ಕರಗುವ ಅಕ್ಕಿಯಾಗಿದೆ.

ಈ ಅಕ್ಕಿಯನ್ನು ಪ್ರತಿ ವರ್ಷ 1,000 ಬಾಕ್ಸ್‌ಗಳಷ್ಟು ಮಾತ್ರ ಉತ್ಪಾದಿಸಲಾಗುತ್ತದೆ. ಪ್ರತಿ ಬಾಕ್ಸ್‌ನಲ್ಲಿ 140 ಗ್ರಾಂನ ಆರು ಸಣ್ಣ ಪ್ಯಾಕೆಟ್‌ಗಳಿರುತ್ತವೆ. ಜಪಾನಿನಲ್ಲಿ ಈ ಅಕ್ಕಿಯನ್ನು ಐಷಾರಾಮಿ ಉಡುಗೊರೆಯಾಗಿ ನೀಡುತ್ತಾರೆ (ಏಜೆನ್ಸೀಸ್​).