ರಾಜನ ಆಸ್ಥಾನಕ್ಕೆ ಯುವ ಭಿಕ್ಷುಕನೊಬ್ಬ ಬಂದು- ‘ನಾನೊಬ್ಬ ನಿರ್ಗತಿಕ. ದೇವರು ನನಗೆ ಏನನ್ನೂ ಕೊಟ್ಟಿಲ್ಲ. ತಾವು ದಯಮಾಡಿ ನನ್ನ ಮೇಲೆ ಕರುಣೆ ತೋರಿ...’ ಎಂದು ಬೇಡಿಕೊಂಡ. ಆತನ ಮಾತು ಕೇಳಿದ ರಾಜ, ‘ನಿನಗೆ ಎರಡು ಚಿನ್ನದ ನಾಣ್ಯ ನೀಡುತ್ತೇನೆ. ಬದಲಾಗಿ ನಿನ್ನ ಎರಡು ಕಾಲುಗಳನ್ನು ನನಗೆ ನೀಡು’ ಎಂದ. ‘ಎರಡು ಕಾಲುಗಳನ್ನು ನಿಮಗೆ ನೀಡಿದರೆ, ನಾನು ಹೇಗೆ ನಡೆಯಲಿ?’ ಎಂದು ಕೇಳಿದ. ರಾಜನು, ‘ಹಾಗಿದ್ದರೆ ಕಾಲುಗಳು ಬೇಡ. ಐದು ಚಿನ್ನದ ನಾಣ್ಯ ನೀಡುತ್ತೇನೆ. ಎರಡು ಕೈಗಳನ್ನು ನೀಡುವೆಯಾ? ಎಂದ. ಭಿಕ್ಷುಕ ಒಪ್ಪಲಿಲ್ಲ. ರಾಜ ಮುಂದುವರಿದು, ‘ಸಾವಿರ ಚಿನ್ನದ ನಾಣ್ಯಗಳನ್ನು ನೀಡುವೆ. ಕಣ್ಣುಗಳನ್ನು ನೀಡುವೆಯಾ?’ ಎಂದು ಕೇಳಿದ. ಕೋಪಗೊಂಡ ಭಿಕ್ಷುಕ, ‘ಇಡೀ ರಾಜ್ಯದ ಸಂಪತ್ತನ್ನೇ ಕೊಟ್ಟರೂ ನನ್ನ ದೇಹದ ಯಾವುದೇ ಭಾಗವನ್ನು ನಿಮಗೆ ನೀಡಲಾರೆ’ ಎಂದು ಜೋರಾಗಿ ಕೂಗಿದ.
