ಮೀನಿನ ಕಣ್ಣು ಆರೋಗ್ಯಕ್ಕೆ ಉತ್ತಮ! ಸೇವನೆಯಿಂದ ಏನ್ನೆಲ್ಲ ಪ್ರಯೋಜನ? ಇಲ್ಲಿದೆ ಉಪಯುಕ್ತ ಮಾಹಿತಿ | Fish Eye

Fish Eye: ಮೀನಿನ ಸೇವನೆ ಆರೋಗ್ಯಕ್ಕೆ ಎಷ್ಟು ಉತ್ತಮವೋ, ಅದಕ್ಕಿಂತ ಹೆಚ್ಚಿನ ಆರೋಗ್ಯಕಾರಿ ಅಂಶಗಳು ಮೀನಿನ ಕಣ್ಣಿನಲ್ಲಿದೆ. ಮೀನು ನಮ್ಮ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಎಂದು ಹಲವರು ಇಂದಿಗೂ ಅಭಿಪ್ರಾಯಿಸುತ್ತಾರೆ. ಇದು ನಮ್ಮ ಆರೋಗ್ಯಕ್ಕೆ ಅಗತ್ಯವಾದ ಅನೇಕ ಪೋಷಕಾಂಶಗಳನ್ನು ಒಳಗೊಂಡಿದೆ.

ಇದನ್ನೂ ಓದಿ: ಪಾರ್ಲಿಮೆಂಟ್​ ಮೆನುವಿನಲ್ಲಿ ರಾಗಿ ಇಡ್ಲಿ ದರ್ಬಾರ್​! ಮಾಡೊದೇಗೆ? ಇಲ್ಲಿದೆ ಸಿಂಪಲ್ಸ್​ ಟಿಪ್ಸ್​​.. | Ragi Idli

ವಾಸ್ತವವಾಗಿ, ಮೀನು ಮಾಂಸಾಹಾರದಲ್ಲಿ ಕೋಳಿ ಮತ್ತು ಕುರಿಗಿಂತ ಉತ್ತಮ ಆಯ್ಕೆ ಎಂದೇ ಹೇಳಲಾಗಿದೆ. ಆದಾಗ್ಯೂ, ನಾನ್​ವೆಜ್​ ಪ್ರಿಯರು, ಮೀನಿನ ಮಾಂಸವನ್ನು ತಿನ್ನುತ್ತಾರೆಯೇ ಹೊರತು ಮೀನಿನ ಕಣ್ಣುಗಳಲ್ಲ. ಇವುಗಳನ್ನು ಮೂಳೆಯೊಂದಿಗೆ ಎಸೆಯುತ್ತಾರೆ. ಅಸಲಿಗೆ, ಇದೇ ಹಲವರು ಮಾಡುವ ತಪ್ಪು. ಈ ವಿಚಾರದಲ್ಲಿ ತಪ್ಪು ಮಾಹಿತಿ ಅಥವಾ ಕಲ್ಪನೆಯಿದೆ. ನಮ್ಮ ದೇಹಕ್ಕೆ ಅಗತ್ಯ ಪೋಷಕಾಂಶಗಳು ಅಡಗಿರುವುದೇ ಮೀನಿನ ಕಣ್ಣುಗಳಲ್ಲಿ. ಇತ್ತೀಚಿನ ಅಧ್ಯಯನಗಳ ಪ್ರಕಾರ, ಮೀನಿನ ಕಣ್ಣುಗಳು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಎಂದು ಒತ್ತಿ ಹೇಳಿವೆ.

ಮೀನಿನ ಕಣ್ಣುಗಳು ವಿಶೇಷವಾಗಿ ಒಮೆಗಾ-3 ಕೊಬ್ಬಿನಾಮ್ಲಗಳು, DHA (ಡೊಕೊಸಾಹೆಕ್ಸೆನೊಯಿಕ್ ಆಮ್ಲ) ದಲ್ಲಿ ಸಮೃದ್ಧವಾಗಿವೆ. ಇವು ದೇಹದಲ್ಲಿನ ನರಮಂಡಲ, ಮಿದುಳು ಮತ್ತು ಕಣ್ಣುಗಳ ಆರೋಗ್ಯಕ್ಕೆ ಉತ್ತಮವಾಗಿದೆ. ಈ ಮೀನಿನ ಕಣ್ಣುಗಳು ಇತರ ಹಲವು ಪ್ರಯೋಜನಗಳನ್ನು ಒದಗಿಸುತ್ತವೆ. ಆ ಪ್ರಯೋಜನಗಳು ಏನೆಂದು ಈಗ ಕಂಡುಹಿಡಿಯೋಣ.

ಏನಿದು DHA?

ಡೊಕೊಸಾಹೆಕ್ಸೆನೊಯಿಕ್ ಆಮ್ಲ (DHA) ಒಂದು ರೀತಿಯ ಒಮೆಗಾ-3 ಕೊಬ್ಬಿನಾಮ್ಲವಾಗಿದೆ. ಇದು ನಮ್ಮ ದೇಹದಲ್ಲಿನ ಪ್ರಮುಖ ಅಂಗಗಳಾದ ಮಿದುಳು, ರೆಟಿನಾ ಮತ್ತು ಹೃದಯದಲ್ಲಿ ಹೆಚ್ಚಿನ ಸಾಂದ್ರತೆಯಲ್ಲಿ ಕಂಡುಬರುತ್ತದೆ. ನಮ್ಮ ದೇಹವು ಡಿಎಚ್​ಎ ಅನ್ನು ಸಣ್ಣ ಪ್ರಮಾಣದಲ್ಲಿ ಉತ್ಪಾದಿಸಬಹುದು. ಆದ್ದರಿಂದ, ಆಹಾರದೊಂದಿಗೆ ಮೀನಿನ ಕಣ್ಣುಗಳನ್ನು ತಿನ್ನುವುದರಿಂದ ದೇಹಕ್ಕೆ ಹೆಚ್ಚಿನ ಪ್ರಮಾಣದ DHA ದೊರೆಯುತ್ತದೆ.

ಮೀನಿನ ಕಣ್ಣುಗಳಿಂದ ದೊರೆಯುವ ಪೋಷಕಾಂಶಗಳಿವು

• DHA
• ಐಕೋಸಾಪೆಂಟೆನೊಯಿಕ್ ಆಮ್ಲ
• ವಿಟಮಿನ್ ಎ
• ಸತು
• ಫಾಸ್ಫೋಲಿಪಿಡ್‌ಗಳು
• ರೆಟಿನಲ್-ಆಧಾರಿತ ಪ್ರೋಟೀನ್ (ಕಣ್ಣಿಗೆ ಸಂಬಂಧಿತ)

ಇದನ್ನೂ ಓದಿ: ಬಂಗಾಳಿಯರ ಬಗ್ಗೆ ಕಾಳಜಿ ಇದ್ರೆ ಸಿಎಎ ಜಾರಿಗೊಳಿಸಿ: ಮಮತಾ ಬ್ಯಾನರ್ಜಿಗೆ ಅಸ್ಸಾಂ ಸಿಎಂ ಸವಾಲು ! Himanta Biswa Sharma

ಆರೋಗ್ಯ ಪ್ರಯೋಜನಗಳು

1. ಮಿದುಳಿನ ಆರೋಗ್ಯಕ್ಕೆ ಉತ್ತಮ: ಮೀನಿನ ಕಣ್ಣುಗಳಲ್ಲಿ ಕಂಡುಬರುವ ಡಿಎಚ್​ಎ ಮಿದುಳಿನಲ್ಲಿರುವ ಬೂದು ದ್ರವ್ಯಕ್ಕೆ ಅತ್ಯಗತ್ಯ. ಡಿಎಚ್​ಎ ಮನಸ್ಥಿತಿ, ಮಾನಸಿಕ ಆರೋಗ್ಯ ಮತ್ತು ಸ್ಮರಣ ಶಕ್ತಿಗೆ ಅತ್ಯಗತ್ಯ.

2. ದೃಷ್ಟಿ ಸುಧಾರಣೆ: ಮೀನಿನ ಕಣ್ಣುಗಳನ್ನು ತಿನ್ನುವುದರಿಂದ ವಿಟಮಿನ್ ಎ ಮತ್ತು ಡಿಎಚ್​ಎ ದೊರೆಯುತ್ತದೆ. ಇದು ಕಣ್ಣಿನ ರೆಟಿನಾದ ಆರೋಗ್ಯವನ್ನು ಸುಧಾರಿಸುತ್ತದೆ.

3. ಹೃದಯದ ಆರೋಗ್ಯ: ಇದರಲ್ಲಿರುವ ಒಮೆಗಾ-3 ಕೊಬ್ಬಿನಾಮ್ಲಗಳು ಹೃದಯದ ಆರೋಗ್ಯಕ್ಕೆ ಸಹಾಯ ಮಾಡುತ್ತದೆ ಮತ್ತು ಅಧಿಕ ರಕ್ತದೊತ್ತಡವನ್ನು ಕಡಿತಗೊಳಿಸಲು ಸಹಾಯ ಮಾಡುತ್ತದೆ.

4. ನರಮಂಡಲಕ್ಕೆ ಒಳ್ಳೆಯದು: ದೇಹದಲ್ಲಿ ನರ ಸಂಕೇತಗಳನ್ನು ಸುಧಾರಿಸುವಲ್ಲಿ ಡಿಎಚ್​ಎ ಪ್ರಮುಖ ಪಾತ್ರ ವಹಿಸುತ್ತದೆ.

ಮುನ್ನೆಚ್ಚರಿಕೆಗಳನ್ನು?

• ಶುದ್ಧ ಮೀನುಗಳನ್ನು ಮಾತ್ರ ಸೇವಿಸಬೇಕು.
• ನಾರುವ, ಹಾಳಾದ ಮೀನುಗಳ ಸೇವನೆ ಕೈಬಿಡಿ
• ಮಿತವಾಗಿ ಸೇವಿಸಿ
• ಭಾರತೀಯ ಪೌಷ್ಟಿಕಾಂಶ ಸಂಸ್ಥೆ, WHO (ವಿಶ್ವ ಆರೋಗ್ಯ ಸಂಸ್ಥೆ) ಪ್ರಕಾರ, ದಿನಕ್ಕೆ 250ರಿಂದ 500
• ಮಿಲಿಗ್ರಾಂ ಡಿಎಚ್​ಎ ಮಾತ್ರ ಸೇವಿಸಬೇಕು,(ಏಜೆನ್ಸೀಸ್).

ವಿಶೇಷ ಸೂಚನೆ: ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಸಾಮಾನ್ಯ ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ, ಯಾವಾಗಲೂ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

https://www.vijayavani.net/nidhhi-agerwal-speaks-about-pawan-kalyan