ಮಲಗಿದಾಗ ಬಾಯಿಯಿಂದ ಜೊಲ್ಲು ಸುರಿಯುತ್ತದೆಯೇ?: ಇದನ್ನು ಅಷ್ಟು ಹಗುರವಾಗಿ ತಗೋಬೇಡಿ, ಗಂಭೀರ ಕಾಯಿಲೆಯ ಸೈನ್ ಆಗಿರಬಹುದು! Sleep Apnea Awareness

ನೀವು ಮಲಗಿದಾಗ ಇದ್ದಕ್ಕಿದ್ದಂತೆ ಅತಿಯಾಗಿ ಜೊಲ್ಲು ಸುರಿಸಲಾರಂಭಿಸಿದರೆ, ಅದು ಶೀತ ಅಥವಾ ಅಲರ್ಜಿಯಿಂದಾಗಿರಬಹುದು. ನಿಮ್ಮ ಮೂಗು ಕಟ್ಟಿದಾಗ ಜನರು ಬಾಯಿಯ ಮೂಲಕ ಉಸಿರಾಟ ನಡೆಸಲು ಪ್ರಾರಂಭಿಸುತ್ತಾರೆ. ಇದು ಜೊಲ್ಲು ಸುರಿಸುವಿಕೆಯನ್ನು ಹೆಚ್ಚಿಸುತ್ತದೆ.

ಇದು ಗಂಭೀರ ಸ್ಥಿತಿಯಾಗಿದ್ದು, ನಿದ್ರೆಯ ಸಮಯದಲ್ಲಿ ಉಸಿರಾಟವು ಪದೇ ಪದೇ ಅಡಚಣೆಯಾಗುತ್ತದೆ. ಇಂತಹ ಸ್ಥಿತಿಯಿರುವ ಜನರಲ್ಲಿ ಗಾಢ ನಿದ್ರೆಯಲ್ಲಿದ್ದಾಗ ಬಾಯಿಯಿಂದ ಜೊಲ್ಲು ಸುರಿಯುವಿಕೆ ಹೆಚ್ಚಾಗಿ ಕಂಡುಬರುತ್ತದೆ. ಆದಾಗ್ಯೂ, ಆಹಾರವನ್ನು ನುಂಗಲು ತೊಂದರೆಯಾದಾಗ ಅಥವಾ ಮುಖದಲ್ಲಿನ ನರಗಳು ಮತ್ತು ಸ್ನಾಯುಗಳಲ್ಲಿ ಸಮಸ್ಯೆಗಳಿದ್ದಾಗ ಇದು ಸಂಭವಿಸಬಹುದು.

ಆರೋಗ್ಯ ತಜ್ಞರ ಪ್ರಕಾರ, ಒಂದು ವೇಳೆ ನೀವು ನಿದ್ರೆಯ ಸಮಯದಲ್ಲಿ ಅತಿಯಾದ ಗೊರಕೆ ಹೊಡೆಯುತ್ತಿದ್ದರೆ ಅಥವಾ ನಿದ್ರೆಯ ಮಧ್ಯದಲ್ಲಿ ದಿಢೀರನೆ ಉಸಿರಾಟದ ತೊಂದರೆ ಅನುಭವಿಸುತ್ತಿದ್ದರೆ ತಕ್ಷಣವೇ ಎಚ್ಚೆತ್ತುಕೊಳ್ಳಬೇಕು. ಇದರ ಜೊತೆಗೆ ದಿನನಿತ್ಯದ ಚಟುವಟಿಕೆಗಳಲ್ಲಿ ಆಹಾರ ಅಥವಾ ನೀರನ್ನು ನುಂಗಲು ತೊಂದರೆಯಾಗುವುದು, ಇದ್ದಕ್ಕಿದ್ದಂತೆ ಮಾತಿನಲ್ಲಿ ಸ್ಪಷ್ಟತೆ ಇಲ್ಲದೆ ಬದಲಾವಣೆ ಕಂಡುಬರುವುದು ಅಥವಾ ದೇಹದಲ್ಲಿ ಅತಿಯಾದ ದೌರ್ಬಲ್ಯ ಎದುರಾದರೆ ತಡಮಾಡದೇ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ ಸೂಕ್ತ ತಪಾಸಣೆಗೆ ಒಳಗಾಗುವುದು ಅತ್ಯಗತ್ಯ.

* ಒಂದು ವೇಳೆ ನಿಮಗೆ ಮೂಗು ಕಟ್ಟಿಕೊಳ್ಳುವುದು ಅಥವಾ ಅಲರ್ಜಿ ಇದ್ದರೆ ತಕ್ಷಣ ವೈದ್ಯಕೀಯ ಚಿಕಿತ್ಸೆ ಪಡೆಯಿರಿ.

* ಉತ್ತಮ ಮೌಖಿಕ ನೈರ್ಮಲ್ಯವನ್ನು ಕಾಪಾಡಿಕೊಳ್ಳಿ ಅಂದರೆ ದಿನಕ್ಕೆ ಎರಡು ಬಾರಿಯ ಹಲ್ಲುಜ್ಜುವುದು, ನಾಲಗೆಯ ಸ್ವಚ್ಛತೆ, ಫ್ಲೋಸಿಂಗ್ ಮಾಡುವ ಅಭ್ಯಾಸ ಮಾಡಿಕೊಳ್ಳಿ.

ಚಿಕ್ಕ ಮಕ್ಕಳಲ್ಲಿ ಈ ಅಭ್ಯಾಸ ಮುಂದುವರೆದರೆ, ಅದು ಹುಳುಗಳ ಲಕ್ಷಣವಾಗಿರಬಹುದು. ಆದರೆ, ವಯಸ್ಸಾದ ಅಥವಾ ವಯಸ್ಕ ರೋಗಿಗಳಲ್ಲಿ ಇದು ಕಾಣಿಸಿಕೊಂಡರೆ ನಿಮ್ಮನ್ನು ತೊಂದರೆಗೊಳಿಸುತ್ತಿದ್ದರೆ ಅದನ್ನು ನಿರ್ಲಕ್ಷಿಸದೇ ಸರಿಯಾದ ಪರೀಕ್ಷೆ ಮಾಡಿಸಿಕೊಳ್ಳುವುದು ಉತ್ತಮ ಎಂದು ವೈದ್ಯರು ಸಲಹೆ ನೀಡುತ್ತಾರೆ (ಏಜೆನ್ಸೀಸ್​).