ನೀವು ಫಿಟ್​ ಆಗಿ ಕಾಣಬೇಕಾ.? ಹಾಗಿದ್ರೆ ಸಾಮಾನ್ಯ ನಡಿಗೆ ನಿಲ್ಲಿಸಿ, 'ಜಪಾನೀಸ್' ನಡಿಗೆ ಪ್ರಾರಂಭಿಸಿ| lifestyle

lifestyle : ಇತ್ತೀಚಿನ ದಿನಗಳಲ್ಲಿ ವೃದ್ದರಿಗೆ ಮಾತ್ರವಲ್ಲ ಯುವ ಸಮೂಹಕ್ಕೂ ಕೂಡ ಈ ನಡಿಗೆ ಎಂಬುದು ಅನಿವಾರ್ಯವಾಗಿದೆ. ಏಕೆಂದರೆ ದಿನದಿಂದ ದಿನಕ್ಕೆ ವಾತಾವರಣದ ಬದಲಾವಣೆ, ಜೀವನಶೈಲಿ, ಹಾಗೂ ಒತ್ತಡದ ಕೆಲಸ ದೇಹದಲ್ಲಿರುವ ಸಾಮಾರ್ಥ್ಯವನ್ನು ಕಡಿಮೆ ಮಾಡುತ್ತಿದೆ. ಹಾಗಾಗಿ ನಾವು ನಡಿಗೆ ವ್ಯಾಯಾಮದಂತಹ ಚಟುವಟಿಕೆಗಳಲ್ಲಿ ತೊಡಗುತ್ತೇವೆ.

ಇದನ್ನೂ ಓದಿ: ಅಲ್ಲು ಅರ್ಜುನ್​ರನ್ನು ತಡೆದ ಏರ್‌ಪೋರ್ಟ್ ಭದ್ರತಾ ಸಿಬ್ಬಂದಿ; ಪುಷ್ಪ’ನ ಮಾಸ್ಕ್, ಕೂಲಿಂಗ್ ಗ್ಲಾಸ್ ತೆಗೆಸಿ ಪರಿಶೀಲನೆ| alluarjun

ಇನ್ನೂ ಜಪಾನಿನ ಜನರನ್ನು ವಿಶ್ವದ ಅತ್ಯಂತ ಆರೋಗ್ಯಕರ ಮತ್ತು ದೀರ್ಘಾಯುಷ್ಯದ ಜನರಲ್ಲಿ ಒಬ್ಬರು ಎಂದು ಪರಿಗಣಿಸಲಾಗಿದೆ. ಅವರ ಫಿಟ್‌ನೆಸ್‌ನ ರಹಸ್ಯವು ಅವರ ಜೀವನಶೈಲಿಯಲ್ಲಿ ಮಾತ್ರ ಅಡಗಿದೆ. ಫಿಟ್‌ ಆಗಿರಲು, ಅವರು 'ಇಂಟರ್ವಲ್ ವಾಕಿಂಗ್' ಎಂಬ ವಿಶೇಷ ವಾಕಿಂಗ್ ತಂತ್ರವನ್ನು ಅಳವಡಿಸಿಕೊಳ್ಳುತ್ತಾರೆ. ಇಂಟರ್ವಲ್ ವಾಕಿಂಗ್ ಆರೋಗ್ಯಕ್ಕೆ ಹಲವು ವಿಧಗಳಲ್ಲಿ ಪ್ರಯೋಜನಕಾರಿ ಎಂದು ಹೇಳಲಾಗುತ್ತದೆ. ಫಿಟ್ ಆಗಿರಲು ಇಂಟರ್ವಲ್ ವಾಕಿಂಗ್ ಹೇಗೆ ಮಾಡಬೇಕು ಮತ್ತು ಅದರ ಪ್ರಯೋಜನಗಳೇನು ಎಂದು ತಿಳಿಯೋಣ.

ಜಪಾನೀಸ್ ವಾಕಿಂಗ್

ಜಪಾನಿನ ಜನರು ತಮ್ಮ ಆರೋಗ್ಯವನ್ನು ಉತ್ತಮವಾಗಿಡಲು ಹೊಸ ರೀತಿಯ ನಡಿಗೆ ತಂತ್ರವನ್ನು ಅಭಿವೃದ್ಧಿಪಡಿಸಿದ್ದಾರೆ. ಇದನ್ನು ಮಧ್ಯಂತರ ನಡಿಗೆ ಎಂದು ಹೆಸರಿಸಲಾಗಿದೆ. ಈ ನಡಿಗೆಯ ಪ್ರಕಾರ ಮೊದಲ ಮೂರು ನಿಮಿಷಗಳ ಕಾಲ ನಿಧಾನವಾಗಿ ನಡೆಯಬೇಕು. ನಂತರದ ಮೂರು ನಿಮಿಷಗಳ ಕಾಲ ತುಂಬಾ ವೇಗವಾಗಿ ನಡೆಯಬೇಕು. ಪ್ರತಿದಿನ 30 ನಿಮಿಷಗಳ ಕಾಲ ಹೀಗೆ ಮಾಡಬೇಕು. ನೀವು ಪ್ರತಿದಿನ ಅರ್ಧ ಗಂಟೆ ಮಧ್ಯಂತರ ನಡಿಗೆ ಮಾಡಿದರೆ ಆರೋಗ್ಯದಲ್ಲಿ ಒಂದು ಮ್ಯಾಜಿಕ್​​ ಆಗುವುದು ಖಂಡಿತ. ಈ ರೀತಿಯ ನಡಿಗೆ ಹೃದಯರಕ್ತನಾಳದ ಆರೋಗ್ಯವನ್ನು ಸುಧಾರಿಸುತ್ತದೆ ಮತ್ತು ಸದೃಢವಾಗಿರಿಸುತ್ತದೆ ಎಂದು ಹೇಳಲಾಗುತ್ತದೆ.

ಮಧ್ಯಂತರ ನಡಿಗೆ

ಮಧ್ಯಂತರ ನಡಿಗೆಯಲ್ಲಿ 3 ನಿಮಿಷಗಳ ಪಾಸ್ಟ್​ ನಡಿಗೆ ಮತ್ತು ನಂತರ 3 ನಿಮಿಷಗಳ ನಿಧಾನ ನಡಿಗೆ ಸೇರಿವೆ. ಈ ಮಾದರಿಯನ್ನು ಸುಮಾರು 30 ನಿಮಿಷಗಳ ಕಾಲ ಪುನರಾವರ್ತಿಸಲಾಗುತ್ತದೆ. ಇದರಿಂದ ದೇಹವು ಕಡಿಮೆ ಅವಧಿಯಲ್ಲಿ ಹೆಚ್ಚಿನ ಶಕ್ತಿಯನ್ನು ವ್ಯಯಿಸಲು ಸಹಾಯವಾಗುತ್ತದೆ.

ಮಧ್ಯಂತರ ನಡಿಗೆಯ ಪ್ರಯೋಜನಗಳು

ಒತ್ತಡ ಕಡಿಮೆ ಮಾಡುವಲ್ಲಿ ಪರಿಣಾಮಕಾರಿ

ಮಧುಮೇಹವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ

ಸ್ನಾಯುಗಳನ್ನು ಬಲಪಡಿಸುತ್ತದೆ

ಹೃದಯದ ಆರೋಗ್ಯಕ್ಕೆ ಪ್ರಯೋಜನಕಾರಿ

ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ

ಮಧ್ಯಂತರ ನಡಿಗೆ ಪ್ರಾರಂಭಿಸುವುದೇಗೆ?

ಜಲಸಂಚಯನ ಮುಖ್ಯ

ನಿಮ್ಮ ಭಂಗಿಯನ್ನು ನೋಡಿಕೊಳ್ಳಿ

ನಿಧಾನವಾಗಿ ಪ್ರಾರಂಭಿಸಿ

ಸರಿಯಾದ ಬೂಟುಗಳನ್ನು ಧರಿಸಿ

(ಏಜೆನ್ಸೀಸ್)