Mango Storage: ಮಾವಿನಹಣ್ಣು ತಂದ ತಕ್ಷಣ ಫ್ರಿಡ್ಜ್‌ನಲ್ಲಿ ಇಡ್ತೀರಾ? ಹಾಗಾದ್ರೆ ಈ ರಹಸ್ಯ ಖಂಡಿತ ತಿಳಿಯಲೇಬೇಕು!

ಇಂತಹ ಸಮಯದಲ್ಲಿ ಹೆಚ್ಚಿನವರು ಮಾಡುವ ಮೊದಲ ಕೆಲಸ ಅಂದರೆ ಹಣ್ಣುಗಳನ್ನು ಎತ್ತಿ ಫ್ರಿಡ್ಜ್‌ನಲ್ಲಿ(Mango Storage) ಇಡುವುದು. ಆದರೆ ಮಾವಿನಹಣ್ಣನ್ನು ಫ್ರಿಡ್ಜ್‌ನಲ್ಲಿ ಇಡಬೇಕೋ ಬೇಡವೋ? ಹಣ್ಣುಗಳು ಒಂದು ವಾರಗಳ ಕಾಲ ಫ್ರೆಶ್ ಆಗಿರಲು ಏನು ಮಾಡಬೇಕು? ಇಲ್ಲಿದೆ ನೋಡಿ ಉಪಯುಕ್ತ ಮಾಹಿತಿ.

ಚೆನ್ನಾಗಿ ನೆನಪಿಡಿ, ಮಾರುಕಟ್ಟೆಯಿಂದ ತಂದ ತಕ್ಷಣ ಮಾವಿನಹಣ್ಣುಗಳನ್ನು ಫ್ರಿಡ್ಜ್‌ನಲ್ಲಿ ಇಡಲೇಬಾರದು. ಏಕೆಂದರೆ ಮಾವಿನಹಣ್ಣುಗಳು ನೈಸರ್ಗಿಕವಾಗಿ ಕೋಣೆಯ ಉಷ್ಣಾಂಶದಲ್ಲಿ (Room Temperature) ಚೆನ್ನಾಗಿ ಮಾಗುತ್ತವೆ ಮತ್ತು ಸವಿಯಾಗುತ್ತವೆ. ತಂದ ತಕ್ಷಣ ಫ್ರಿಡ್ಜ್‌ನಲ್ಲಿ ಇಟ್ಟರೆ, ಹಣ್ಣಾಗುವ ಪ್ರಕ್ರಿಯೆ ಅಲ್ಲಿಗೇ ನಿಂತುಬಿಡುತ್ತದೆ. ಅಷ್ಟೇ ಅಲ್ಲ, ಹಣ್ಣಿನ ನೈಸರ್ಗಿಕ ರುಚಿ ಮತ್ತು ಪರಿಮಳ ಸಂಪೂರ್ಣವಾಗಿ ಹೊರಟುಹೋಗುತ್ತದೆ.

ಆದರೆ, ಮಾವಿನಹಣ್ಣು ಸಂಪೂರ್ಣವಾಗಿ ಹಣ್ಣಾದ ನಂತರ, ಅದನ್ನು ಹಾಳಾಗದಂತೆ ತಡೆಯಲು ಮಾತ್ರ ನೀವು ಫ್ರಿಡ್ಜ್‌ನಲ್ಲಿ ಇಡಬಹುದು. ಹೀಗೆ ಇಡುವುದರಿಂದ ಹಣ್ಣು ಇನ್ನೂ 4 ರಿಂದ 5 ದಿನಗಳ ಕಾಲ ತಾಜಾವಾಗಿರುತ್ತದೆ.

ನೀರಿನಲ್ಲಿ ನೆನೆಸಿಡಿ: ಮಾರುಕಟ್ಟೆಯಿಂದ ಮಾವಿನಹಣ್ಣು ತಂದ ತಕ್ಷಣ ಕನಿಷ್ಠ 1 ರಿಂದ 2 ಗಂಟೆಗಳ ಕಾಲ ತಣ್ಣೀರಿನಲ್ಲಿ ನೆನೆಸಿಡಿ. ಇದರಿಂದ ಹಣ್ಣಿನ ಮೇಲಿರುವ ರಾಸಾಯನಿಕಗಳು ಮತ್ತು ಹಣ್ಣಿನ ನೈಸರ್ಗಿಕ ಶಾಖ (ಉಷ್ಣಾಂಶ) ಕಡಿಮೆಯಾಗುತ್ತದೆ. ನಂತರ ಅದನ್ನು ಒಣ ಬಟ್ಟೆಯಿಂದ ಒರೆಸಿ ಇಡಿ.

ಪೇಪರ್‌ನಲ್ಲಿ ಸುತ್ತಿಡಿ: ಮಾವಿನಹಣ್ಣುಗಳು ಬೇಗನೆ ಹಣ್ಣಾಗಬೇಕು ಮತ್ತು ಹಾಳಾಗಬಾರದು ಎಂದರೆ ಅವುಗಳನ್ನು ನ್ಯೂಸ್‌ಪೇಪರ್ ಅಥವಾ ಬ್ರೌನ್ ಪೇಪರ್ ಕವರ್‌ನಲ್ಲಿ ಸಡಿಲವಾಗಿ ಸುತ್ತಿ ಇಡಿ. ಪೇಪರ್ ಹಣ್ಣಿನಲ್ಲಿರುವ ತೇವಾಂಶವನ್ನು ಹೀರಿಕೊಂಡು ಹಣ್ಣು ಕೊಳೆಯದಂತೆ ನೋಡಿಕೊಳ್ಳುತ್ತದೆ.

ಪ್ಲಾಸ್ಟಿಕ್ ಕವರ್ ಬೇಡ: ಮಾವಿನಹಣ್ಣುಗಳನ್ನು ಎಂದಿಗೂ ಪ್ಲಾಸ್ಟಿಕ್ ಕವರ್‌ಗಳಲ್ಲಿ ಬಿಗಿಯಾಗಿ ಕಟ್ಟಿ ಇಡಬೇಡಿ. ಇದರಿಂದ ಗಾಳಿಯಾಡದೆ ಹಣ್ಣುಗಳು ತೇವಾಂಶದಿಂದಾಗಿ ಬೇಗನೆ ಕೊಳೆತು ನಾರುತ್ತವೆ.

ಹಣ್ಣಿನ ತುಂಡುಗಳನ್ನು ಫ್ರೀಜ್ ಮಾಡಿ: ಒಂದು ವೇಳೆ ಮಾವಿನಹಣ್ಣುಗಳನ್ನು ಒಂದು ವಾರಕ್ಕೂ ಹೆಚ್ಚು ದಿನ ಇಡಬೇಕೆಂದರೆ, ಹಣ್ಣಿನ ಸಿಪ್ಪೆ ಸುಲಿದು ಸಣ್ಣ ಚೂರುಗಳನ್ನಾಗಿ ಕತ್ತರಿಸಿ. ಇವುಗಳನ್ನು ಏರ್ ಟೈಟ್ ಬಾಕ್ಸ್ (ಗಾಳಿಯಾಡದ ಡಬ್ಬ)ನಲ್ಲಿ ಹಾಕಿ ಫ್ರೀಜರ್‌ನಲ್ಲಿ ಇಟ್ಟರೆ ಹಲವು ದಿನಗಳ ಕಾಲ ಕೆಡುವುದಿಲ್ಲ.

ಈ ಸರಳ ಮತ್ತು ಮನೆಮದ್ದು ಟಿಪ್ಸ್‌ಗಳನ್ನು ಬಳಸಿಕೊಂಡು ಈ ಬೇಸಿಗೆಯಲ್ಲಿ ಮಾವಿನಹಣ್ಣಿನ ಸವಿಯನ್ನು ಮನಸಾರೆ ಆಸ್ವಾದಿಸಿ!,(ಏಜೆನ್ಸೀಸ್​).