ಸುಗಂಧ ದ್ರವ್ಯ ಬಳಸುವ ಮುನ್ನವೇ ಎಚ್ಚರ!...ನಿಮ್ಮ ಈ ಸಣ್ಣ ನಿರ್ಲಕ್ಷ್ಯಕ್ಕೆ ಇಡೀ ಚರ್ಮವೇ ಬಲಿಯಾಗಬಹುದು! Perfume Mistakes

ಆದರೆ, ಇದನ್ನು ಸರಿಯಾದ ಕ್ರಮದಲ್ಲಿ ಬಳಸದಿದ್ದರೆ, ಸುಗಂಧ ದ್ರವ್ಯದ ಪರಿಮಳವು ಕೆಲವೇ ಗಂಟೆಗಳಲ್ಲಿ ಮಸುಕಾಗಬಹುದು ಅಥವಾ ನೇರವಾಗಿ ಚರ್ಮದ ಮೇಲೆ ಸಿಂಪಡಿಸುವುದರಿಂದ ಅಲರ್ಜಿಯಂತಹ ಚರ್ಮದ ಸಮಸ್ಯೆಗಳು ಉಂಟಾಗಬಹುದು. ಆದ್ದರಿಂದ, ಸುಗಂಧ ದ್ರವ್ಯವನ್ನು ಬಳಸುವಾಗ ಗಣನೆಗೆ ತೆಗೆದುಕೊಳ್ಳಬೇಕಾದ ಕೆಲವು ಮುಖ್ಯವಾದ ವಿಷಯಗಳ ವಿವರ ಇಲ್ಲಿದೆ.

ಮೊದಲು ಗಮನ ಕೊಡಬೇಕಾದ ವಿಷಯವೆಂದರೆ ಸುಗಂಧ ದ್ರವ್ಯವನ್ನು ಎಲ್ಲಿ ಸಿಂಪಡಿಸಬೇಕು ಎಂಬುದು. ಮೊಣಕೈಯ ಒಳಭಾಗ, ಕುತ್ತಿಗೆ ಮತ್ತು ಕಿವಿಗಳ ಹಿಂದೆ ಮುಂತಾದ ನಾಡಿ ಬಿಂದುಗಳ ಮೇಲೆ ಸುಗಂಧ ದ್ರವ್ಯವನ್ನು ಸಿಂಪಡಿಸಿ. ಈ ಪ್ರದೇಶಗಳು ದೇಹದ ಉಳಿದ ಭಾಗಗಳಿಗಿಂತ ಬೆಚ್ಚಗಿರುವುದರಿಂದ, ಸುವಾಸನೆಯು ಹೆಚ್ಚು ಕಾಲ ಉಳಿಯುತ್ತದೆ.

ಅನೇಕ ಜನರು ಸುಗಂಧ ದ್ರವ್ಯವನ್ನು ಸಿಂಪಡಿಸಿದ ನಂತರ ತಮ್ಮ ಮೊಣಕೈಗಳನ್ನು ಒಟ್ಟಿಗೆ ಉಜ್ಜುತ್ತಾರೆ. ಆದರೆ ಇದನ್ನು ತಪ್ಪಿಸಬೇಕು. ಹೀಗೆ ಮಾಡುವುದರಿಂದ ಸುಗಂಧದ ಸಂಯೋಜನೆ ಬದಲಾಗುತ್ತದೆ ಮತ್ತು ವಾಸನೆ ಬೇಗನೆ ಮಾಯವಾಗುತ್ತದೆ. ಸಿಂಪಡಿಸಿದ ನಂತರ ನೈಸರ್ಗಿಕವಾಗಿ ಒಣಗಲು ಬಿಡುವುದು ಉತ್ತಮ.

ಬೆವರು ಅಥವಾ ಕೊಳಕು ಕೂರುವಂತಹ ಪ್ರದೇಶದ ಮೇಲೆ ಸುಗಂಧ ದ್ರವ್ಯವನ್ನು ಬಳಸುವುದು ಒಳ್ಳೆಯದಲ್ಲ. ಸ್ನಾನದ ನಂತರ ಸ್ವಚ್ಛವಾದ ದೇಹದ ಮೇಲೆ ಬಳಸುವುದು ಉತ್ತಮ. ಹಾಗೆಯೇ ಚರ್ಮ ಏನಾದರೂ ಒಣಗಿದ್ದರೆ, ಮೊದಲು ಮಾಯಿಶ್ಚರೈಸರ್​ ಹಚ್ಚಿ ನಂತರ ಸುಗಂಧ ದ್ರವ್ಯವನ್ನು ಹಚ್ಚಿ ಇದರಿಂದ ಪರಿಮಳ ಹೆಚ್ಚು ಕಾಲ ಇರುತ್ತದೆ.

ನೀವೇನಾದರೂ ಹೆಚ್ಚು ಸುಗಂಧ ದ್ರವ್ಯವನ್ನು ಬಳಸುತ್ತಿದ್ದರೆ ಅದನ್ನು ಇಂದೇ ನಿಲ್ಲಿಸಿ. ಒಂದು ವೇಳೆ ನೀವೇನಾದರೂ ಹೆಚ್ಚು ಸಿಂಪಡಿಸಿಕೊಂಡರೆ ಅದು ತುಂಬಾ ಸಮಯ ಉಳಿಯುತ್ತದೆ ಎಂದು ಭಾವಿಸಿದರೆ ಅದು ತಪ್ಪು ಕಲ್ಪನೆ. ಬದಲಾಗಿ ನಿಮ್ಮ ಸುತ್ತಮುತ್ತಲಿನವರೆಗೆ ಅಸ್ವಸ್ಥತೆಯನ್ನು ಉಂಟು ಮಾಡಬಹುದು. ಹೆಚ್ಚಿನ ಸಂದರ್ಭಗಳಲ್ಲಿ ಎರಡು ಅಥವಾ ಮೂರು ಸ್ಪ್ರೇಗಳು ಸಾಕು.

ನಿಮ್ಮ ಸುಗಂಧ ದ್ರವ್ಯವನ್ನು ನೀವು ಸಂಗ್ರಹಿಸುವ ಸ್ಥಳವು ಅದರ ಗುಣಮಟ್ಟದ ಮೇಲೆ ಪರಿಣಾಮ ಬೀರಬಹುದು. ಹಾಗಾಗಿ ಸುಗಂಧ ದ್ರವ್ಯವನ್ನು ನೇರ ಸೂರ್ಯನ ಬೆಳಕಿನಲ್ಲಿ ಅಥವಾ ಅತ್ಯಂತ ಬಿಸಿಯಾದ ಕೋಣೆಗಳಲ್ಲಿ ಸಂಗ್ರಹಿಸಬೇಡಿ. ನೀವೇನಾದರೂ ಬಾಟಲಿಯನ್ನು ತಂಪಾದ, ಶುಷ್ಕ ಸ್ಥಳದಲ್ಲಿ ಬಿಗಿಯಾಗಿ ಮುಚ್ಚಿಟ್ಟಿದ್ದರೆ, ಅದರ ಪರಿಮಳ ಮತ್ತು ಗುಣಮಟ್ಟ ಹೆಚ್ಚು ಕಾಲ ಕಾಪಾಡಿಕೊಳ್ಳಬಹುದು (ಏಜೆನ್ಸೀಸ್​).