ಅನ್ನ ಬಿಟ್ಟು ಚಪಾತಿ ತಿಂದ್ರೆ ನಿಜವಾಗಿಯೂ ತೂಕ ಇಳಿಕೆಯಾಗುತ್ತಾ? ಇಲ್ಲಿದೆ ನೋಡಿ ಅಸಲಿ ಸಂಗತಿ… Chapati

ತೂಕ ಇಳಿಸಿಕೊಳ್ಳಲು ( Weight loss ) ಯಾರಾದರೂ ಸಲಹೆ ಕೇಳಿದಾಗ ಎಲ್ಲರೂ ಮೊದಲು ಹೇಳುವುದೇ ರಾತ್ರಿ ಅನ್ನ ( Rice ) ತಿನ್ನುವುದನ್ನು ನಿಲ್ಲಿಸಿ, ಚಪಾತಿ ( Chapati ) ತಿನ್ನಿ ಎಂದು. ಹಾಗಾದರೆ, ನಿಜವಾಗಿಯೂ ಚಪಾತಿ ತಿಂದರೆ ತೂಕ ಕಡಿಮೆಯಾಗುತ್ತಾ? ಅನ್ನ ತಿಂದರೆ ತೂಕ ಹೆಚ್ಚುತ್ತಾ? ಅಥವಾ ಇದೆಲ್ಲಾ ಕೇವಲ ನಿಮ್ಮ ಭ್ರಮೆಯೇ? ಈ ಪ್ರಶ್ನೆಗೆ ಉತ್ತರ ಇಲ್ಲಿದೆ ನೋಡಿ.

ಎರಡಕ್ಕೂ ಸಂಬಂಧವಿಲ್ಲ

ತೂಕ ಇಳಿಕೆಗೂ ಚಪಾತಿಗೂ ಯಾವುದೇ ಸಂಬಂಧವಿಲ್ಲ. ಅನ್ನ ತಿಂದು ಕೂಡ ತೂಕ ಇಳಿಸಿಕೊಳ್ಳಬಹುದು. ಚಪಾತಿ ತಿಂದರೆ ತೂಕ ಕಡಿಮೆಯಾಗುತ್ತದೆ ಎಂದು ಹಲವರು ಭಾವಿಸುತ್ತಾರೆ. ಆದರೆ ಇದು ನಿಜವಲ್ಲ. ಏಕೆಂದರೆ, ಚಪಾತಿ ಮಾಡಲು ಬಳಸುವ ಗೋಧಿ ಹಿಟ್ಟು ಮತ್ತು ಅಕ್ಕಿಯಲ್ಲಿರುವ ಕಾರ್ಬೋಹೈಡ್ರೇಟ್ ಬಹುತೇಕ ಒಂದೇ ಆಗಿರುತ್ತದೆ. ಹೀಗಾಗಿ ಅನ್ನ ಅಥವಾ ಚಪಾತಿ ಎರಡರಲ್ಲಿ ಏನೇ ತಿಂದರು ನಮ್ಮ ದೇಹವು ಕಾರ್ಬೋಹೈಡ್ರೇಟ್​ಗಳನ್ನು ಪಡೆಯುತ್ತದೆ. ಆದಾಗ್ಯೂ, ಕಾರ್ಬೋಹೈಡ್ರೇಟ್‌ಗಳ ಜೊತೆಗೆ, ಕೊಬ್ಬುಗಳು ಮತ್ತು ಪ್ರೋಟೀನ್‌ಗಳನ್ನು ಹೊಂದಿರುವ ಆಹಾರವನ್ನು ಮಿತವಾಗಿ ತೆಗೆದುಕೊಳ್ಳಬೇಕು.

ಇದನ್ನೂ ಓದಿ: ಸಮಂತಾಳನ್ನು ಆ ರೀತಿ ನೋಡಿ ನನ್ನ ಕಣ್ಣಲ್ಲಿ ನೀರು ಬಂತು! ಹೀಗ್ಯಾಕಂದ್ರು ಶೋಭಿತಾ ಧೂಳಿಪಲ | Sobhita Dhulipala

ಹೆಚ್ಚು ಕ್ಯಾಲೋರಿ ಸೇವಿಸಬಾರದು

ಸಮತೋಲಿತ ಆಹಾರದ ಜೊತೆಗೆ, ನಾವು ಎಷ್ಟು ಕ್ಯಾಲೋರಿಗಳನ್ನು ತಿನ್ನುತ್ತೇವೆ ಮತ್ತು ಎಷ್ಟು ಕ್ಯಾಲೋರಿಗಳನ್ನು ಖರ್ಚು ಮಾಡುತ್ತೇವೆ ಎಂಬುದನ್ನು ತಿಳಿದುಕೊಳ್ಳುವುದು ಮುಖ್ಯವಾಗಿದೆ. ಆದರೆ, ಅನೇಕ ಜನರು ವಾಸ್ತವವಾಗಿ ಅಗತ್ಯಕ್ಕಿಂತ ಹೆಚ್ಚು ಕ್ಯಾಲೋರಿಗಳನ್ನು ಸೇವಿಸುತ್ತಾರೆ. ಇದರೊಂದಿಗೆ, ಉಳಿದ ಕ್ಯಾಲೋರಿ ಕೊಬ್ಬಾಗಿ ಪರಿವರ್ತನೆಯಾಗುತ್ತದೆ. ಪರಿಣಾಮವಾಗಿ, ತೂಕ ಹೆಚ್ಚಾಗುತ್ತಿದೆ.

ಮಿತವಾಗಿ ತಿನ್ನಬೇಕು

ನಾವು ಸೇವಿಸುವ ಆಹಾರದ ಮೂಲಕ ನಾವು ಪಡೆಯುವ ಕ್ಯಾಲೋರಿಗಳನ್ನು ಬರ್ನ್ ಮಾಡಲು ಪ್ರಯತ್ನಿಸಬೇಕು. ದಿನ ನಿತ್ಯ ನೀವು 2000 ಕ್ಯಾಲೋರಿ ಸೇವಿಸಿದೆರೆ 200 ರಿಂದ 300 ಕ್ಯಾಲೋರಿಗಳನ್ನು ಕರಗಿಸಬೇಕು. ಇದರಿಂದ ಅಧಿಕ ತೂಕವನ್ನು ಕಡಿಮೆ ಮಾಡಬಹುದು. ನಾವು ನಮ್ಮ ಆಹಾರದಲ್ಲಿ ಅನ್ನ ಅಥವಾ ಚಪಾತಿ ತಿನ್ನುತ್ತೇವೆಯೇ ಎಂಬುದು ಮುಖ್ಯವಲ್ಲ. ನಾವು ಎಷ್ಟು ಕಾಲೋರಿಗಳನ್ನು ತಿನ್ನುತ್ತಿದ್ದೇವೆ ಎಂಬುದು ಮುಖ್ಯ. ಹೆಚ್ಚು ದೈಹಿಕ ಕೆಲಸ ಮಾಡದವರು ಮಿತವಾಗಿ ತಿನ್ನಬೇಕು. ಇದರೊಂದಿಗೆ ವ್ಯಾಯಾಮ ಮಾಡಿದರೆ ತೂಕ ಇಳಿಸಿಕೊಳ್ಳಬಹುದು.

ಹಕ್ಕು ನಿರಾಕರಣೆ: ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಸಾಮಾನ್ಯ ಮಾಹಿತಿಗಾಗಿ ಮಾತ್ರ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ ಯಾವಾಗಲೂ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

https://www.vijayavani.net/seeing-samantha-like-that-brought-tears-to-her-eyes-said-sobhita-dhulipala

https://www.vijayavani.net/pakistani-cricketer-raza-hassan-engagement-to-indian-woman-poojan-boman