ಮೂಗು ತುರಿಸುವುದು ಬುದ್ಧಿಮಾಂದ್ಯತೆಗೆ ಕಾರಣವಾಗುತ್ತಾ? ಅಧ್ಯಯನದಲ್ಲಿ ಬೆಚ್ಚಿ ಬೀಳಿಸುವ ಸತ್ಯ ಬಯಲು! Itching nose

2022 ರಲ್ಲಿ ಆಸ್ಟ್ರೇಲಿಯಾದ ಗ್ರಿಫಿತ್ ವಿಶ್ವವಿದ್ಯಾಲಯದ ವಿಜ್ಞಾನಿಗಳು ಮಾನವರಲ್ಲಿ ನ್ಯುಮೋನಿಯಾ ತರಹದ ಕಾಯಿಲೆಗೆ ಕಾರಣವಾಗುವ ಬ್ಯಾಕ್ಟೀರಿಯಾವಾದ ಕ್ಲಮೈಡಿಯಾ ನ್ಯುಮೋನಿಯಾವನ್ನು ಅಧ್ಯಯನ ಮಾಡಿದರು. ಈ ಅಧ್ಯಯನದಲ್ಲಿ ಅವರು ಅಚ್ಚರಿ ಫಲಿತಾಂಶವನ್ನು ಗಮನಿಸಿದ್ದಾರೆ. ಇದರ ಪ್ರಕಾರ, ಬುದ್ಧಿಮಾಂದ್ಯತೆ ಹೊಂದಿರುವ ಜನರ ಮೆದುಳಿನಲ್ಲಿ ಈ ಬ್ಯಾಕ್ಟೀರಿಯಾಗಳು ಕಂಡುಬಂದಿದೆ.

ಇಲಿಗಳ ಮೇಲೆ ಮಾಡಿದ ಪ್ರಯೋಗದಿಂದ ಈ ಬ್ಯಾಕ್ಟೀರಿಯಾಗಳು ಮೂಗಿನಿಂದ ಮೆದುಳಿಗೆ ನೇರವಾಗಿ ಘ್ರಾಣ ನರದ ಮೂಲಕ ಸೇರುತ್ತವೆ. ಇದು ಮೂಗಿನೊಳಗೆ ಇರುವ ತೆಳುವಾದ ಒಳಪದರಕ್ಕೆ ಸೇರಿ ಮೆದುಳನ್ನು ಘಾಸಿ ಮಾಡುತ್ತದೆ ಎಂದು ಹೇಳಲಾಗುತ್ತದೆ.

ಇಲಿಗಳಲ್ಲಿ, ಬ್ಯಾಕ್ಟೀರಿಯಾವು 24 ರಿಂದ 72 ಗಂಟೆಗಳ ಒಳಗೆ ಮೆದುಳನ್ನು ತಲುಪುತ್ತವೆ. ಆದಾಗ್ಯೂ, ಮೂಗು ಒಂದು ಮೆದುಳಿಗೆ ಶಾರ್ಟ್​ಕಟ್​ ಆಗಿರುವುದರಿಂದ ಬ್ಯಾಕ್ಟೀರಿಯಾಗಳು ತ್ವರಿತವಾಗಿ ಮೆದುಳನ್ನು ತಲುಪುತ್ತವೆ. ಇದರಿಂದ ಇಲಿಗಳ ಮೆದುಳಿನಲ್ಲಿ ಅಮಿಲಾಯ್ಡ್-ಬೀಟಾ ಪ್ರೋಟೀನ್ ಸಂಗ್ರಹವಾಗಲು ಪ್ರಾರಂಭಿಸುತ್ತದೆ.

ಇದು ಆಲ್ಝೈಮರ್ ರೋಗಿಗಳ ಮಿದುಳಿನಲ್ಲಿ ಕಂಡುಬರುವ ಅದೇ ಪ್ರೊಟೀನ್​ ಆಗಿದೆ. ಈ ಪ್ರೊಟೀನ್​ ಸಾಮಾನ್ಯವಾಗಿ ಸೋಂಕಿಗೆ ಪ್ರತಿಕ್ರಿಯೆಯಾಗಿ ದೇಹದಿಂದ ಉತ್ಪತ್ತಿಯಾಗುತ್ತದೆ. ಇದರ ಅತಿಯಾದ ಸಂಗ್ರಹವು ಹಾನಿಕಾರಕವಾಗಬಹುದು.

ಈ ಸಂಶೋಧನೆ ತಿಳಿಸಿದಂತೆ, ಪ್ರಸ್ತುತ ಇಲಿಗಳಿಗೆ ಮಾತ್ರ ಸೀಮಿತವಾಗಿದೆ. ಇದೇ ಪ್ರಕ್ರಿಯೆಯು ಮಾನವರಲ್ಲಿಯೂ ಸಂಭವಿಸುತ್ತದೆ ಎಂದು ಇಲ್ಲಿಯವರೆಗೂ ಯಾವುದೇ ಸಂಶೋಧನೆಗಳು ತಿಳಿಸಿಲ್ಲ. ಆದಾಗ್ಯೂ, ಅದೇ ಬ್ಯಾಕ್ಟೀರಿಯಾಗಳು ಮಾನವರಲ್ಲಿಯೂ ಕಂಡುಬರುವುದರಿಂದ ಹೆಚ್ಚಿನ ಸಂಶೋಧನೆ ಅಗತ್ಯವಿದೆ ಎಂದು ಕೆಲವರು ನಂಬುತ್ತಾರೆ.

ಕೈಯಲ್ಲಿ ಇರುವ ಬ್ಯಾಕ್ಟೀರಿಯಾ ಅಥವಾ ವೈರಸ್‌ಗಳು ಮೂಗಿನ ಒಳಗೆ ಹೋಗಿ ಸೋಂಕು ಉಂಟುಮಾಡುತ್ತವೆ. ಹಾಗೆಯೇ ಮೂಗಿನ ಕೂದಲನ್ನು ಕೀಳುವುದು ಒಳ್ಳೆಯ ಅಭ್ಯಾಸವಲ್ಲ ಏಕೆಂದರೆ ಅದು ಮೂಗಿನ ಒಳಗಿನ ರಕ್ಷಣಾತ್ಮಕ ಪದರವನ್ನು ಹಾನಿಗೊಳಿಸುತ್ತದೆ ಹಾಗೆಯೇ ಬ್ಯಾಕ್ಟೀರಿಯಾಗಳನ್ನು ಮೆದುಳಿಗೆ ತಲುಪುವ ಅಪಾಯವನ್ನು ಹೆಚ್ಚಿಸುತ್ತದೆ.

ಆಲ್ಝೈಮರ್ಸ್ ಡಿಸೀಸ್ ಒಂದು ಪ್ರಗತಿಶೀಲ ನ್ಯೂರೋಡಿಜೆನೆರೇಟಿವ್ ರೋಗವಾಗಿದ್ದು, ಇದು ಮೆದುಳಿನ ಕಾರ್ಯವನ್ನು ಹಾನಿಗೊಳಿಸಿ, ಸ್ಮರಣಶಕ್ತಿಯನ್ನು ಕಳೆದುಕೊಳ್ಳಲು ಮತ್ತು ದೈನಂದಿನ ಚಟುವಟಿಕೆಗಳಲ್ಲಿ ಸಾಮರ್ಥ್ಯ ಕಡಿಮೆ ಮಾಡುವುದನ್ನು ಮಾಡುತ್ತದೆ.

1. ಇತ್ತೀಚಿನ ಘಟನೆಗಳನ್ನು ಬೇಗನೆ ಮರೆಯುವುದು

2. ಮಾತನಾಡಲು ಅಥವಾ ಸರಿಯಾದ ಪದಗಳ ಬಗ್ಗೆ ಕಂಡುಹಿಡಿಯಲು ತೊಂದರೆಯಾಗಬಹುದು

3. ಸಮಯ ಮತ್ತು ಸ್ಥಳದ ಬಗ್ಗೆ ಗೊಂದಲ ಉಂಟಾಗುವುದು

4. ದೈನಂದಿನ ಕೆಲಸಗಳನ್ನು ಮಾಡುವಲ್ಲಿ ಆಸಕ್ತಿ ಇಲ್ಲದಿರುವುದು

5. ನಡವಳಿಕೆ ಮತ್ತು ಮನಸ್ಥಿತಿಗಳಲ್ಲಿ ಬದಲಾವಣೆಗಳು ಕಂಡುಬರುತ್ತವೆ (ಏಜೆನ್ಸೀಸ್​).