ವಿದ್ಯಾರ್ಥಿಗಳು ಪರೀಕ್ಷೆ ಬರುವ ಸಂದರ್ಭದಲ್ಲಿ ಕೊನೆಪಕ್ಷ 10ರಿಂದ 20 ನಿಮಿಷಗಳಾದರೂ ಸೂಕ್ತವಾದ ವ್ಯಾಯಾಮ ಯೋಗಾಸನಗಳಾದ ಅರ್ಧಚಕ್ರಾಸನ, ಪಾದಹಸ್ತಾಸನ, ಶಶಾಂಕಾಸನ, ಉಷ್ಟ್ರಾಸನ, ಸರ್ವಾಂಗಾಸನ, ಮಕರಾಸನ, ಅಧೋಮುಖ ಶ್ವಾನಾಸನ, ಶವಾಸನ, ಪ್ರಾಣಾಯಾಮ, ಧ್ಯಾನ ಅಭ್ಯಾಸ ಮಾಡಿ ಹಾಗೂ ಪ್ರಾಣಶಕ್ತಿ ಹಾಗೂ ಚೈತನ್ಯಶಕ್ತಿ ಹೆಚ್ಚಿಸುವ ಪ್ರಾಣಮುದ್ರೆ (10 ನಿಮಿಷ), ಏಕಾಗ್ರತೆಗೆ ಇರುವ ಜ್ಞಾನಮುದ್ರೆ (10 ನಿಮಿಷ) ಹಾಗೂ ಜ್ಞಾಪಕಶಕ್ತಿ ವೃದ್ಧಿಸುವ ಹಾಕಿನೀ ಮುದ್ರೆ (10 ನಿಮಿಷ) ಅಭ್ಯಾಸ ಮಾಡಿ. ಮುದ್ರೆಗಳನ್ನು ಯಾವಾಗ ಬೇಕಾದರೂ ಯಾವ ಹೊತ್ತಿನಲ್ಲಿ ಅಭ್ಯಾಸ ಮಾಡಬಹುದು. ಓದಿನ ಸಂದರ್ಭದಲ್ಲಿ ಆಯಾಸವಾದಾಗ, ಸಣ್ಣ ಶವಾಸನ ಅಭ್ಯಾಸ ಮಾಡಿ. ಓದುವ ಮುಂಚೆ ಕುರ್ಚಿಯಲ್ಲಿ ಕುಳಿತು ಉಸಿರನ್ನು ಗಮನಿಸುವ ಚಿಕ್ಕ ಧ್ಯಾನ (ಮೂರು ನಿಮಿಷ) ಅಭ್ಯಾಸ ಮಾಡಿ. ವಿದ್ಯಾರ್ಥಿಗಳು ಯಾವಾಗಲೂ ದೇಹಕ್ಕೆ ಯಾವ ರೀತಿ ಉತ್ತಮ ಆಹಾರ ನೀಡುತ್ತಾರೆ ಅದೇ ರೀತಿ ಮನಸ್ಸಿಗೂ ಒಳ್ಳೆಯ ಆಹಾರ ನೀಡಿ. ನಿರಂತರ ಯೋಗ-ಧ್ಯಾನ-ಪ್ರಾಣಾಯಾಮಗಳಿಂದ ಸಂಪೂರ್ಣ ಯಶಸ್ಸು ಸಾಧ್ಯ.
