ಆದರೆ ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿರುವ ಸೈಬರ್ ಅಪರಾಧಗಳನ್ನು ನೋಡಿದಾಗ, ಬ್ಯಾಂಕ್ಗಳಿಂದ ಕೋಟ್ಯಂತರ ಹಣ ಕದಿಯುವುದು, ಸರ್ಕಾರ, ವಾಣಿಜ್ಯ, ಸೇನಾಪಡೆಗಳು, ಸಂಶೋಧನೆ, ಉದ್ಯಮ, ಶಿಕ್ಷಣ ಹೀಗೆ ವಿವಿಧ ಕಡೆಯಿಂದ ಮಹತ್ವದ ದಾಖಲೆಗಳನ್ನು ಕದ್ದು ದುರ್ಬಳಕೆ ಮಾಡಿಕೊಳ್ಳುವುದು, ಮಾದಕ ವಸ್ತು, ಭಯೋತ್ಪಾದನೆ ಮೊದಲಾದ ಗಂಭೀರ ಅಪರಾಧಗಳಿಗೆ ಪ್ರೋತ್ಸಾಹ ನೀಡುವುದು, ಹೀಗೆ ಹಲವು ರೀತಿಯ ಅಪರಾಧಗಳು ನಡೆಯುತ್ತಿವೆ. ವಿಶ್ವಾದ್ಯಂತ 130 ದೇಶಗಳಲ್ಲಿ ಪ್ರತಿದಿನ ಸರಾಸರಿ 7 ಸಾವಿರ ಕೋಟಿ ಸೈಬರ್ ಅಪರಾಧ ಯತ್ನಗಳು ನಡೆೆಯುತ್ತಿವೆ ಎಂದರೆ, ಸೈಬರ್ ಅಪರಾಧದ ಕರಾಳ ಮುಖದ ಅರಿವಾಗುತ್ತದೆ. ಕೆಲವು ದೇಶಗಳು ಭಯೋತ್ಪಾದಕ ಸಂಘಟನೆಗಳಿಗೆ ತರಬೇತಿ, ಹಣ ಮತ್ತು ರಕ್ಷಣೆ ನೀಡಿ ಬೇರೆ ದೇಶಗಳಲ್ಲಿ ಭಯೋತ್ಪಾದಕ ಕೃತ್ಯಗಳನ್ನು ನಡೆಸುವಂತೆ, ಸೈಬರ್ ಲೋಕದಲ್ಲಿ ಕೂಡ ಕೆಲವು ದೇಶಗಳು ಸೈಬರ್ ಭಯೋತ್ಪಾಕರಿಗೆ ಅಪಾರ ಮೊತ್ತದ ಹಣ, ರಕ್ಷಣೆಯನ್ನು ನೀಡುತ್ತಿವೆ. ಈ ಸೈಬರ್ ಭಯೋತ್ಪಾದಕರು ವಿಶ್ವದಾದಂತ್ಯ ನಡೆೆಸಿರುವ ಕೆಲವು ಅಪರಾಧಗಳು ಹೀಗಿವೆ: ಯುರೋಪಿನ ದೇಶವೊಂದರ ರಾಜಧಾನಿಯ ಮೇಲೆ ದಾಳಿ ನಡೆೆಸಿ ಅಲ್ಲಿಯ ವಿದ್ಯುತ್ ವಿತರಣೆ ವ್ಯವಸ್ಥೆ, ಬ್ಯಾಂಕುಗಳು, ಎಟಿಎಮ್ ನೀರು ಸರಬರಾಜು ವ್ಯವಸ್ಥೆ, ಮೆಟ್ರೋದಂತಹ ಸಮೂಹ ಸಾರಿಗೆ, ಹೀಗೆ ವಿವಿಧ ಸೌಲಭ್ಯಗಳನ್ನು ನಿಷ್ಕಿ›ಯಗೊಳಿಸಿದ್ದರು. ಸರ್ಕಾರದ ಕಚೇರಿಗಳು, ಪೊಲೀಸ್, ದೂರವಾಣಿ, ಟಿವಿ, ರೇಡಿಯೋ ಹೀಗೆ ವಿವಿಧ ಸೇವೆಗಳನ್ನು ಸುಮಾರು 12 ಗಂಟೆಗಳ ಕಾಲ ನಿಷ್ಕಿ›ಯಗೊಳಿಸಿದ್ದರು. ಈ ದಾಳಿಯಿಂದ ಜನಸಾಮಾನ್ಯರಲ್ಲಿ ಉಂಟಾದ ಆತಂಕ ಮತ್ತು ಸಾವಿರಾರು ಕೋಟಿ ನಷ್ಟದಿಂದ ಈ ದೇಶವಿನ್ನೂ ಚೇತರಿಸಿಕೊಳ್ಳಬೇಕಾಗಿದೆ.
