ಕೆಮಿಕಲ್ ಇಲ್ಲದೆ ತಾಮ್ರ-ಹಿತ್ತಾಳೆ ಪಾತ್ರೆಗಳನ್ನು ಹೊಸದರಂತೆ ಮಿನುಗಿಸುವುದು ಹೇಗೆ? ಗೃಹಿಣಿಯರಿಗಾಗಿ ಇಲ್ಲಿದೆ ಸೂಪರ್ ಟಿಪ್ಸ್! Copper Utensils

ಆದಾಗ್ಯೂ, ಈ ಪಾತ್ರೆಗಳ ನಿರ್ವಹಣೆ ಒಂದು ದೊಡ್ಡ ಸವಾಲಿನ ಕೆಲಸ. ತಾಮ್ರ ಮತ್ತು ಹಿತ್ತಾಳೆ ಪಾತ್ರೆಗಳನ್ನು ಬಳಸಲು ಆರಂಭಿಸಿದ ಕೆಲವೇ ದಿನಗಳಲ್ಲಿ ಅವುಗಳ ಮೇಲೆ ಕಪ್ಪು ಮತ್ತು ಹಸಿರು ಬಣ್ಣದ ಕಲೆಗಳು ಅಥವಾ ಪದರಗಳು ರೂಪುಗೊಳ್ಳಲು ಆರಂಭಿಸುತ್ತವೆ. ಅವುಗಳನ್ನು ಸ್ವಚ್ಛಗೊಳಿಸಲು, ಮಾರುಕಟ್ಟೆಯಲ್ಲಿ ವಿವಿಧ ರಾಸಾಯನಿಕ ಪುಡಿಗಳು ಲಭ್ಯವಿದೆ. ಆದರೆ, ಇವುಗಳ ಬಳಕೆಯು ಕ್ರಮೇಣ ಪಾತ್ರೆಗಳ ನೈಸರ್ಗಿಕ ಹೊಳಪನ್ನು ತೆಗೆದುಹಾಕುವುದರ ಜೊತೆಗೆ ಕೈಗಳಿಗೂ ಹಾನಿ ಮಾಡುತ್ತದೆ.

ನಿಮ್ಮ ಮನೆಯಲ್ಲಿ ತಾಮ್ರ ಮತ್ತು ಹಿತ್ತಾಳೆಯ ಪಾತ್ರೆಗಳೂ ಕೂಡಾ ಮಸುಕಾಗಿದ್ದರೆ, ಅವುಗಳನ್ನು ಮೊದಲಿನಂತೆ ಹೊಳೆಯುವಂತೆ ಮಾಡಬೇಕಾದರೆ, ಈ ಸರಳ ಅಡುಗೆ ವಸ್ತುಗಳನ್ನು ಬಳಸಿರಿ. ಇದು ಪಾತ್ರೆಯನ್ನು ಸ್ವಚ್ಛಗೊಳಿಸುವುದರ ಜೊತೆಗೆ ಹೊಳೆಯುವಂತೆ ಮಾಡುತ್ತದೆ.

1 ನಿಂಬೆಹಣ್ಣನ್ನು ಅರ್ಧದಷ್ಟು ಕತ್ತರಿಸಿ. ಕತ್ತರಿಸಿದ ಜಾಗಕ್ಕೆ ಸ್ವಲ್ಪ ಬಿಳಿ ಉಪ್ಪನ್ನು ಸಿಂಪಡಿಸಿಕೊಳ್ಳಿ. ಅದನ್ನು ಮಸುಕಾದ ತಾಮ್ರ ಅಥವಾ ಹಿತ್ತಾಳೆ ಪಾತ್ರೆಯ ಮೇಲೆ ನಿಧಾನವಾಗಿ ಉಜ್ಜಿ. ಉಪ್ಪು ಮತ್ತು ನಿಂಬೆಯಲ್ಲಿರುವ ಆಮ್ಲವು ಕಲೆಯನ್ನು ತಕ್ಷಣವೇ ತೆಗೆದುಹಾಕಲು ಸಹಾಯ ಮಾಡುತ್ತದೆ. ನಂತರ, ಪಾತ್ರೆಯನ್ನು ಶುದ್ಧ ನೀರಿನಿಂದ ತೊಳೆಯಿರಿ ಮತ್ತು ಒಣ ಬಟ್ಟೆಯಿಂದ ಒರೆಸಿ.

ಹುಣಸೆಹಣ್ಣನ್ನು ಬಿಸಿ ನೀರಿನಲ್ಲಿ 15 ನಿಮಿಷಗಳ ಕಾಲ ನೆನೆಸಿ, ನಂತರ ಅದನ್ನು ಮಿಶ್ರಣ ಮಾಡಿ ದಪ್ಪ ತಿರುಳನ್ನು ರೂಪಿಸಿ. ಈ ತಿರುಳನ್ನು ಪಾತ್ರೆಗಳಿಗೆ ಹಚ್ಚಿ 5 ನಿಮಿಷಗಳ ಕಾಲ ಬಿಡಿ. ನಂತರ ನೀರಿನಿಂದ ಪಾತ್ರೆಯನ್ನು ತೊಳೆಯಿರಿ. ಇದರಲ್ಲಿರುವ ಆಮ್ಲೀಯತೆಯು ಕಪ್ಪು ಬಣ್ಣವನ್ನು ಸಂಪೂರ್ಣವಾಗಿ ತೆಗೆದುಹಾಕಲು ಸಹಾಯ ಮಾಡುತ್ತದೆ.

2 ಚಮಚ ಬಿಳಿ ವಿನೆಗರ್​ಗೆ 1 ಚಮಚ ಉಪ್ಪು ಮಿಶ್ರಣ ಮಾಡಿ ಅದಕ್ಕೆ ಸ್ವಲ್ಪ ಗೋಧಿ ಹಿಟ್ಟು ಸೇರಿಸಿ ಪೇಸ್ಟ್​ ಮಾಡಿಕೊಳ್ಳಿ. ನಂತರ ಅದನ್ನು ಹಿತ್ತಾಳೆ ಅಥವಾ ತಾಮ್ರದ ಪಾತ್ರೆಗಳ ಮೇಲೆ ಹಚ್ಚಿ 10 ನಿಮಿಷಗಳ ಕಾಲ ಬಿಡಿ. ಸ್ವಲ್ಪ ಒಣಗಿದ ನಂತರ, ಸ್ಕ್ರಬ್ಬರ್ ನಿಂದ ನಿಧಾನವಾಗಿ ಉಜ್ಜಿ ನೀರಿನಿಂದ ತೊಳೆಯಿರಿ.

ಒಂದು ಬಟ್ಟಲಿನಲ್ಲಿ 2 ಚಮಚ ಬಿಳಿ ವಿನೆಗರ್ ಮತ್ತು 1 ಚಮಚ ಅಡಿಗೆ ಸೋಡಾವನ್ನು ಸಮಾನ ಪ್ರಮಾಣದಲ್ಲಿ ಬೆರೆಸಿ ದಪ್ಪ ಪೇಸ್ಟ್ ತಯಾರಿಸಿಕೊಳ್ಳಿ. ಈ ಪೇಸ್ಟ್​ನ್ನು ತಾಮ್ರ ಮತ್ತು ಹಿತ್ತಾಳೆ ಬಟ್ಟಲಿಗೆ ಹಚ್ಚಿ 5-10 ನಿಮಿಷಗಳ ಕಾಲ ಬಿಟ್ಟು ಮೃದುವಾದ ಬ್ರಷ್​ನಿಂದ ಸ್ಕ್ರಬ್​ ಮಾಡಿ ನೀರಿನಿಂದ ತೊಳೆಯಿರಿ.

ಪಾತ್ರೆಗಳನ್ನು ನೀರಿನಿಂದ ತೊಳೆದ ನಂತರ, ತಕ್ಷಣ ಅವುಗಳನ್ನು ಒಣ ಹತ್ತಿ ಬಟ್ಟೆಯಿಂದ ಚೆನ್ನಾಗಿ ಒರೆಸಿ. ಪಾತ್ರೆಗಳು ಒದ್ದೆಯಾಗಿದ್ದರೆ, ಕಪ್ಪು ಕಲೆಗಳು ಮತ್ತೆ ಕಾಣಿಸಿಕೊಳ್ಳಲು ಕಾರಣವಾಗುತ್ತದೆ (ಏಜೆನ್ಸೀಸ್​).