ಆರೋಗ್ಯದ ಗಣಿ ಹಸುವಿನ ಹಾಲು, ಎಳೆ ಶಿಶುಗಳ ಪಾಲಿಗೆ ಯಾಕೆ ಸೂಕ್ತವಲ್ಲ? ಇಲ್ಲಿದೆ ಕಣ್ಣು ತೆರೆಸುವ ಮಾಹಿತಿ Baby Health

ಈ ಸಮಯದಲ್ಲಿ ಮಕ್ಕಳಲ್ಲಿ ರೋಗನಿರೋಧಕ ಶಕ್ತಿ ದುರ್ಬಲವಾಗಿರುತ್ತದೆ. ಇದು ಅವರನ್ನು ಸೋಂಕುಗಳಿಗೆ ಗುರಿಯಾಗಿಸುತ್ತದೆ. ಈ ವಯಸ್ಸಿನಲ್ಲಿ ಮಕ್ಕಳಿಗೆ ಮೃದುವಾದ ಆಹಾರವನ್ನು ನೀಡಬೇಕೆಂದು ವೈದ್ಯರು ಶಿಫಾರಸ್ಸು ಮಾಡುತ್ತಾರೆ. ಆದಾಗ್ಯೂ, ಕೆಲವು ಮಹಿಳೆಯರು ತಮ್ಮ ಶಿಶುಗಳಿಗೆ ಒಂದು ವರ್ಷದವರೆಗೆ ಹಾಲುಣಿಸಲು ಹಾಲು ಸಾಕಾಗುವುದಿಲ್ಲ. ಅದಕ್ಕಾಗಿ ಅವರು ಹಸುವಿನ ಹಾಲನ್ನು ನೀಡಲು ಪ್ರಾರಂಭಿಸುತ್ತಾರೆ.

ಅಮೇರಿಕನ್ ಅಕಾಡೆಮಿ ಆಫ್ ಪೀಡಿಯಾಟ್ರಿಕ್ಸ್ (AAP) ಪ್ರಕಾರ, 12 ತಿಂಗಳೊಳಗಿನ ಮಕ್ಕಳಿಗೆ ಎದೆ ಹಾಲು ಅಥವಾ ಕಬ್ಬಿಣ-ಬಲವರ್ಧಿತ ಬೇಬಿ ಫಾರ್ಮುಲಾವನ್ನು ಮಾತ್ರ ನೀಡಬೇಕು ಎಂದು ಸೂಚಿಸುತ್ತದೆ. ಆದಾಗ್ಯೂ, ಈ ಸಮಯದಲ್ಲಿ ಮಕ್ಕಳಿಗೆ ಹಸುವಿನ ಹಾಲು ಸೂಕ್ತವಲ್ಲ.

ಒಂದು ವರ್ಷದೊಳಗಿನ ಮಕ್ಕಳು ಎದೆ ಹಾಲನ್ನು ಸುಲಭವಾಗಿ ಜೀರ್ಣಿಸಿಕೊಳ್ಳುತ್ತವಂತೆ ಹಸುವಿನ ಹಾಲನ್ನು ಜೀರ್ಣಿಸಿಕೊಳ್ಳಲು ಸಾಧ್ಯವಿಲ್ಲ. ಹಸುವಿನ ಹಾಲಿನಲ್ಲಿ ಪ್ರೋಟೀನ್ ಮತ್ತು ಖನಿಜಗಳು ಅಧಿಕವಾಗಿದ್ದು, ಇದು ನಿಮ್ಮ ಮಗುವಿನ ಮೂತ್ರಪಿಂಡಗಳ ಮೇಲೆ ಒತ್ತಡವನ್ನುಂಟು ಮಾಡುತ್ತದೆ. ಜೊತೆಗೆ ಈ ಹಾಲು ಕಬ್ಬಿಣ, ವಿಟಮಿನ್ ಸಿ ಮತ್ತು ಕೊಬ್ಬಿನಾಮ್ಲಗಳಂತಹ ಅಗತ್ಯ ಪೋಷಕಾಂಶಗಳ ಕೊರತೆಯನ್ನು ಹೊಂದಿರುತ್ತದೆ.

ಹಸುವಿನ ಹಾಲಿನಲ್ಲಿ ಕಬ್ಬಿಣದ ಅಂಶ ಕಡಿಮೆ ಇರುತ್ತದೆ. ಹಾಗಾಗಿ ಮಗುವಿಗೆ ಇದನ್ನು ನೀಡುವುದರಿಂದ ದೇಹದಲ್ಲಿ ಕಬ್ಬಿಣದ ಕೊರತೆ ಉಂಟಾಗುತ್ತದೆ. ಇದು ರಕ್ತಹೀನತೆಯ ಅಪಾಯವನ್ನು ಹೆಚ್ಚಿಸುವುದಲ್ಲದೇ ಕರುಳಿನ ರಕ್ತಸ್ರಾವಕ್ಕೆ ಕಾರಣವಾಹಬಹುದು. ಆದಾಗ್ಯೂ, ಹಸುವಿನ ಹಾಲಿನಲ್ಲಿರುವ ಪ್ರೋಟೀನ್‌ಗಳು ಮಗುವಿನ ಹೊಟ್ಟೆಯ ಒಳಪದರವನ್ನು ಕೆರಳಿಸಬಹುದು, ಇದರಿಂದ ಸೌಮ್ಯ ರಕ್ತಸ್ರಾವ ಮತ್ತು ಜೀರ್ಣಕಾರಿ ಸಮಸ್ಯೆಗಳನ್ನು ಉಂಟುಮಾಡಬಹುದು ಎಂದು ಹೇಳಲಾಗುತ್ತದೆ.

ಆರು ತಿಂಗಳ ವಯಸ್ಸಿನವರೆಗೆ ಎದೆ ಹಾಲು ಮಾತ್ರ ಕುಡಿಯುವುದು ಉತ್ತಮ. ಇದು ಲಭ್ಯವಿಲ್ಲದಿದ್ದರೆ, ನಿಮ್ಮ ಮಗುವಿಗೆ ಕಬ್ಬಿಣದಿಂದ ಸಮೃದ್ಧವಾಗಿರುವ ಆಹಾರವನ್ನು ಮಾತ್ರ ನೀಡಬೇಕು. ಆರು ತಿಂಗಳ ವಯಸ್ಸಿನಲ್ಲಿ ಘನ ಆಹಾರವನ್ನು ಕ್ರಮೇಣ ಪರಿಚಯಿಸಬೇಕು. ಆರರಿಂದ ಎಂಟು ತಿಂಗಳ ವಯಸ್ಸಿನಲ್ಲಿ, ಬಾಳೆಹಣ್ಣು, ಆವಕಾಡೊ ಮತ್ತು ಕ್ಯಾರೆಟ್ ಅಥವಾ ಸಿಹಿ ಆಲೂಗಡ್ಡೆಯಂತಹ ಮೃದುವಾಗಿ ಬೇಯಿಸಿದ ತರಕಾರಿಗಳನ್ನು ನೀಡಬಹುದು. ಒಂಬತ್ತರಿಂದ ಹನ್ನೆರಡು ತಿಂಗಳ ವಯಸ್ಸಿನ ಮಕ್ಕಳಿಗೆ ನುಣ್ಣಗೆ ಕತ್ತರಿಸಿದ ಫಿಂಗರ್ ಫುಡ್ಸ್, ಬೇಳೆಕಾಳು ಮತ್ತು ಸಣ್ಣ ಪ್ರಮಾಣದಲ್ಲಿ ಮೊಸರು ನೀಡಬಹುದು ಎಂದು ತಜ್ಞರು ಸೂಚಿಸುತ್ತಾರೆ (ಏಜೆನ್ಸೀಸ್​).