Egg Re-heating: ಮೊಟ್ಟೆ ಎನ್ನುವುದು ಜಗತ್ತಿನಾದ್ಯಂತ ಕೋಟ್ಯಂತರ ಜನರ ನೆಚ್ಚಿನ ಮತ್ತು ಆರೋಗ್ಯಕರ ಉಪಹಾರವಾಗಿದೆ. ಪ್ರೊಟೀನ್, ಜೀವಸತ್ವಗಳು ಮತ್ತು ಖನಿಜಾಂಶಗಳಿಂದ ಸಮೃದ್ಧವಾಗಿರುವ ಮೊಟ್ಟೆಯನ್ನು ಬೆಳಿಗ್ಗೆ ಬೇಯಿಸುವುದು ಸುಲಭ ಎಂಬ ಕಾರಣಕ್ಕಾಗಿ ಹೆಚ್ಚಿನವರು ಆನಂದಿಸುತ್ತಾರೆ. ಆದರೆ ಇಂದಿನ ಇಂಟರ್ನೆಟ್ ಯುಗದ ಬ್ಯುಸಿ ಲೈಫ್ಸ್ಟೈಲ್ನಲ್ಲಿ, ಸಮಯ ಉಳಿಸುವ ಸಲುವಾಗಿ ಜನರು ವಾರಕ್ಕೆ ಅಥವಾ 2-3 ದಿನಕ್ಕೆ ಸಾಕಾಗುವಷ್ಟು ಮೊಟ್ಟೆಗಳನ್ನು ಒಂದೇ ಬಾರಿಗೆ ಕುದಿಸಿ ರೆಫ್ರಿಜರೇಟರ್ನಲ್ಲಿ ಸಂಗ್ರಹಿಸಿಡುತ್ತಾರೆ. ನಂತರ, ಅವುಗಳನ್ನು ತಿನ್ನಲು ಬಯಸಿದಾಗ, ಫ್ರಿಡ್ಜ್ನಿಂದ ಹೊರತೆಗೆದು ಮತ್ತೆ ಮೈಕ್ರೋವೇವ್ನಲ್ಲೋ ಅಥವಾ ಗ್ಯಾಸ್ ಮೇಲೋ ಬಿಸಿ ಮಾಡುತ್ತಾರೆ ಇಲ್ಲವೇ ಮತ್ತೊಮ್ಮೆ ಕುದಿಸುತ್ತಾರೆ.
