ಅದಕ್ಕೂ ಮುನ್ನ ಟೆಸ್ಟೋಸ್ಟೆರಾನ್ ಹಾರ್ಮೋನ್ ಬಗ್ಗೆ ತಿಳಿದುಕೊಳ್ಳೋಣ. ಈ ಹಾರ್ಮೋನ್, ಪುರುಷರಲ್ಲಿ ವೀರ್ಯ ಉತ್ಪಾದನೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಇಷ್ಟೇ ಅಲ್ಲದೆ, ಸ್ನಾಯುಗಳ ಬೆಳವಣಿಗೆ, ಕೊಬ್ಬಿನಾಂಶ ವಿತರಣೆ ಮತ್ತು ಕೆಂಪು ರಕ್ತ ಕೋಶಗಳ ಉತ್ಪಾದನೆ, ಕೂದಲು ಬೆಳವಣಿಗೆಗೂ ತುಂಬಾ ಮುಖ್ಯವಾಗಿದೆ. ಈ ಹಾರ್ಮೋನ್ ಮಟ್ಟವು ವಯಸ್ಸಾದಂತೆ ಬದಲಾಗುತ್ತಿರುತ್ತದೆ. ಆದರೆ, ಕೆಲವರು ಚಿಕ್ಕ ವಯಸ್ಸಿನಲ್ಲೇ ಈ ಹಾರ್ಮೋನ್ ಕೊರತೆಯ ಸಮಸ್ಯೆಯನ್ನು ಎದುರಿಸುತ್ತಾರೆ. ಬೊಜ್ಜು, ಥೈರಾಯ್ಡ್ ಸಮಸ್ಯೆಗಳು ಮತ್ತು ಇತರ ಕೆಲವು ಕಾರಣಗಳಿಂದ ಈ ಹಾರ್ಮೋನ್ ಕೊರತೆ ಉಂಟಾಗಬಹುದು. ಟೆಸ್ಟೋಸ್ಟೆರಾನ್ ಹಾರ್ಮೋನ್ ಉತ್ಪಾದನೆಯು ಕೆಲವು ಆಹಾರಗಳಿಂದ ಸ್ವಾಭಾವಿಕವಾಗಿ ಹೆಚ್ಚಾಗುತ್ತದೆ. ಆ ಆಹಾರಗಳು ಯಾವುವು ಎಂಬುದನ್ನು ನಾವೀಗ ತಿಳಿಯೋಣ.
